ዳኔላ ቲንቢቴ 3:26 - Geeshsha Maxaafa

²⁶ Hessa gishshas Nabukadanaxoorey he eexxiza itoone tamakko shiiqi ba qaala dhoqqu histtidi, «Intteno Ubbaafe Dhoqqa Xoossa oosanchchatoo! Sidiraaqa, Misaaqa, Abdinaago! Kezidi haa yiite!» giidi xeygides; isttika tamaza giddofe kezida.

ጋሞ ማጻፋ

²⁶ ሄሳ ጊሻስ ናቡካዳናጾሬይ ሄ ኤጺዛ ኢቶኔ ታማኮ ሺቂ ባ ቃላ ቁ ሂስቲዲ፥ «ኢንቴኖ ኡባፌ ቃ ጾሳ ኦሳንቻቶ! ሲዲራቃ፥ ሚሳቃ፥ ኣብዲናጎ! ኬዚዲ ሃ ዪቴ!» ጊዲ ጼይጊዴስ፤ ኢስቲካ ታማዛ ጊዶፌ ኬዚዳ።

ዳኔላ ቲንቢቴ 3:26 Referans Kwoze

ዳኔላ ቲንቢቴ 3:17

Kawoo! Nuni hayssa laciza itoone taman yegettizaa gidikkoka nuni izas goynniza Xoossay hayssa laciza itoone tamappenne ne kusheppe izi nuna ashshana dandayees.

ዳኔላ ቲንቢቴ 4:2

Ubbaafe Dhoqqa Xoossay taas ooththida gitanne malalisiza oosota ta inttes yootanaas koyays.

ዮሃኒሳ ኣጁታ 19:5

Hessafe guye, «Izas yayyiza iza oosanchchati wurikka guuththatinne gitati nu Godaa galatite» giza qaalay iza algaafe kezides.

ጋላቲያ ኣሳስ 1:10

Ha7i tani asi tana eroshsho! Hashshu gaana mala koyazinayee? Xoossi hashshu gaana mala koyazinaa? Woykko as ufayssana koyazinaa? Ta as ufayssana koyzaakko Kirstoosa oosanchcha gidikke.

ሃዋሬታ ኦሶ 16:17

Hanna garade naya Phawuloosanne nuna kaalla kaalla, «Hayti asati inttes intte attana oge yootizayti wogga Xoossa oosanchchata» ga ga waassadus.

ዳኔላ ቲንቢቴ 2:47

Kawozi Daaneela, «Hayssa xuura yo7oza ne birshana dandayda gishshas tumappe intte Xoossay xoossatas Xoossa; izi kawotas Goda; izi xuura qonccisiza Xoossa» gides.

ኢሳያሳ ቲንቢቴ 52:12

Gidikkoka eeson kezekketa; woykko beti beekketa; GODAY inttefe sinth aadhdhidi inttena kaaleththana; Isra7eele Xoossayka guyera inttena naagana.

ኢያሶ ማጻፋ 4:10

GODAY Iyaaso azazidayssa ubbaa asay polana gakkanaas Caaqo Qaala Taabotaa tookkida qeeseti Yordaanoose shaafaa giddon eqqi gam7ida; Musey Iyaaso azazida azazoykka hessa; asay eesotidi shaafaa pinnides.

ኢያሶ ማጻፋ 3:17

Isra7eele asay mela biitta yedhdhi pinniza wode asay wuri pinnana gakkanaas GODAA Caaqo Qaala Taabotaa tookkida qeeseti Yordaanoose shaafaa giddon mela biittan eqqaa gida.

ሃዋሬታ ኦሶ 16:37

Phawuloosi qasse, «Nu Oroome yeleteth gidishin pirday baynda dere sinththan durqqara bukkidi qasho keeththan yeggida; histtiin ha7i qasse nuna qotara asi erontta kessana koyizoo? Hessi hanenna; istti yiidi barkka birshetto!» gides.

ዳኔላ ቲንቢቴ 6:20

Izi hee gakkida mala ceecishe, «De7o Xoossaa oosanchcha Daaneela! Neni izas ammaneteththan ooththiza ne Xoossay nena gaammotappe ashshanaas dandaydee?» giidi xeygides.

ኢሳያሳ ቲንቢቴ 28:16

Hessa gishshas Ubbaa Haariza GODAY, «Be7ite! Tani Xiyoonen paacettida shuch, yochcha shuch, mino yochchas gidiza bonchchettida gula shuch woththana; izan ammanizay yeellatenna.

ኢዝራ ማጻፋ 5:11

«Isttika nuus, ‹Nuni salonne sa7a medhdhida Xoossaa oosanchchata; hessa gishshas daro layththafe kase gita Isra7eele kawoy keexxida Xoossa Keeththaa nuni zaaridi ha7i ooso bolla doos;

ሜቴ ማጻፋ 14:18

He wode, Saaleme kawoy Malkexeedeqey ukeththinne woyne ushshu ekki yides; izikka Ubbaafe Dhoqqa Xoossaa qeese.

ሃዋሬታ ኦሶ 27:23

Qamma omars ta izas gidida ta goynniza Xoossay kiittida kiitanchchay ta achchan eqqidi,

ዛሬ ማጻፋ 4:20

Intte gidikko tamay izan eexxiza birata cooce misatiza Gibxeppe inttena GODAY shoddi kessiday intte izas dumma dere gidana malassa.

1ካዎታ ማጻፋ 8:51

Gaasoykka istti birata seerisiza itoone tama mala gidida Gibxe biittafe neni nees shaakka kessida ne deretanne ne xinxxota.

ኤርማሳ ቲንቢቴ 11:4

« ‹Hayssi azazozi beni intte aawata Gibxe biittafe, birata seerisiza cooceppe kessiza wode ta qaala siyidaakko, ta azazo naagidaakko istti ta nayta; tani istta GODAA gidana mala tani isttas immida qaala.

ዳኔላ ቲንቢቴ 7:25

Izi Ubbaafe Dhoqqa Xoossaa bolla makkalla qaala haasayana; iza geeshshata izi waayisana; iza bonchcho ba7aaletanne iza woga laammanaas izi dafettana; geeshshati heedzdzu layththinne bagga gakkanaas iza godateththa garsan de7ana.

ዬ ማጻፋ 66:12

Nu morkketi nuna hu7era duge yedhdhana mala ooththadasa; nuni haaththa giddoranne tama giddora kanththidos; gido attiin ha7i nuna ishalo soho ehadasa.

ዳኔላ ቲንቢቴ 6:21

Daaneelikka izas, «Kawoo! Neni mernaas kawota!