ቆላሲያሴ ኣሳስ 3:15 - Geeshsha Maxaafa

¹⁵ Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

ጋሞ ማጻፋ

¹⁵ ኢንቴ ዉሪካ ኢሲ ኣሾ ጊዲዲ ሳሮቴስ ጼይጌቲዳ ኪርስቶሳ ሳሮቴ ኢንቴ ዎዚናን ካዎቶ፤ ኢንቴ ጋላቲዛይታ ጊዲቴ።

Gamo Geesha Maxxafa New Testamen

¹⁵ Inte wurikka issi asho gididi sarotethas xeeygetida kiristoosa saroteth inte wozinan kawoto. Inte galatizayta gidite.

ቆላሲያሴ ኣሳስ 3:15 Referans Kwoze

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ኢሳያሳ ቲንቢቴ 26:3

Nenan ammanettida gishshas nenan zemppida shemppoyo neni kumeththa saroteththan naagaasa.

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

1ታሶሎንቄ ኣሳስ 5:18

Ay hanonkka galatite; Xoossa sheney inttes Yesus Kirstoosa baggara hessa.

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ቆላሲያሴ ኣሳስ 3:17

Iza baggara Xoossaa Aawaas galata shiishshishe qaalan gidiin woykko ooson intte ooththizayssa ubbaa Godaa Yesusa sunththan ooththite.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ኤፌሶኔ ኣሳስ 5:20

Hessan Xoossa Aawaa, Godaa Yesus Kirstoosa sunththaa ubba miishshas ubba wode galatite.

2ቆሮንቶሴ ኣሳስ 9:11

Intte kiyateththan immoyssi nu baggara istta gakkiza asati Xoos galatana mala intte ubba wode kiyateth immana mala Xoossi inttena ubbasora duresana.

ኤፌሶኔ ኣሳስ 4:4

Intte xeygettida gallas issi hidotaakko xeygettida mala issi asateththinne issi Ayanay dees.

ኦሮሜ ኣሳስ 14:17

Xoossa kawoteththi Xillo Ayanan beettida xilloteth, saroteththinne ufayssafe attiin muussa yo7onne ushsha yo7o gidenna.

ዬ ማጻፋ 116:17

Abeet GODAWU! Tani galata yarsho nees yarshana; histtada ne sunththaa xeygana.

1ጺምቶሳስ 2:1

Hessa gishshas ubbaafe koyro hara asas shoobeththa woosa, gaannateththa woosanne galata woosa asa ubbaas kawotassinne dere ayssizaytas ubbaas woossana mala ta nena qofsays.

ቆላሲያሴ ኣሳስ 2:7

Intte izan tokettidinne keexettidi intte tamaarda mala ammanon minnidi daro tirpa galata izas shiishshishe diite.

ኤፌሶኔ ኣሳስ 5:1

Hessa gishshas intte dosettiza nayta mala Xoos misatite.

2ቆሮንቶሴ ኣሳስ 4:15

Daro asaa gakkishe diza kiyateththi Xoossa bonchchos galata bolla galata gujjana mala hayssi wurikka inttena go7anaas hanides.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ዮሃኒሳ ኣጁታ 7:12

«Amiin! Sabay, gitateththi, erateththi, galatay, bonchchoy, wolqqaynne minoteththi nu Godaas Xoossaas mernaappe mernaas gido. Amiin!» gida.

ኤፌሶኔ ኣሳስ 4:16

Iza gaason asateththi wuri xaphon oykettidi issi issi asateththi ba ooso ooththishe wurikka siiqon dicceessinne banakka minththees.

ዬ ማጻፋ 107:22

Istti izas galata yarsho yarshetto; qasseka ufayssa yeththan izi ooththida ooso qonccisetto.

ቆላሲያሴ ኣሳስ 1:12

Ammanizayti laattizaso poo7o kawoteth laattizayta nu gidana mala nuna gaththida nu Aawaa intte galatanaassa.

ዬ ማጻፋ 100:4

Iza penge galatara, iza zago sabara gelite; iza galatite; iza sunththaaka anjjite.

Ibirawe 13:15

Hessa gishshas ubba wode galata yarsho hessika iza sunththaas markkattiza nu doonappe beettiza ayfe gididaaz Yesusa baggara Xoossas ane shiishshoos.

1ቆሮንቶሴ ኣሳስ 7:15

Gido attiin nam7atappe issoy ammanonttaadey shaakettana koykko shaaketto; adde gidiin macca gidiin ammanizaadey hessa mala wogaan qashettenna; Xoossi nuna saron daana mala xeygides.

ኦሮሜ ኣሳስ 1:21

Istti Xoos erikkoka iza Xoossateththaa mala iza bonchchibeettenanne galatibeettenna; gido attiin istta qofay mela go7ay bayndaaz gididessinne yuushshi qoppontta mala istta wozinay dhumides.

ዮናሳ ቲንቢቴ 2:9

Gido attiin ta galata nees yarshana; ta adinettidayssa ubbaaka gaththana; ays giikko atoteththi GODAAPPE yees» gi woossides.

ኢሳያሳ ቲንቢቴ 27:5

Woykko taakko yiidi tana banttas qotettizaso kessetto; tanara giigetto; ee tanara giigetto» geetettana.

ኢሳያሳ ቲንቢቴ 57:19

Isra7eele biittan yeekkizayta doonan ta galata woththana. Mataninne haahon dizaytas saroynne woppay gido. Tani istta paththana» gees.

1ቆሮንቶሴ ኣሳስ 10:17

Ukeththay issino gidida mala nunikka daro gidi uttidi wurikka issi asho; nu wurikka issi ukeththaza gishetti moos.

1ጺምቶሳስ 6:12

Ammano baaxe lo7eththa baaxeta; daro markkatta sinththan lo7o ammaneteththan ne markkattidayssanne ne izas xeygettida mernaa de7oza lo7eththa oykka.