ቆላሲያሴ ኣሳስ 3:13 - Geeshsha Maxaafa

¹³ Intte issoy issaa dandayte; inttefe issaadey issaade bolla mishettiko yo7oykka iza bolla diikko issoy issaas atto atto geetettite; Godaykka inttes atto gida mala intteka hara asas atto giite.

ጋሞ ማጻፋ

¹³ ኢንቴ ኢሶይ ኢሳ ዳንዳይቴ፤ ኢንቴፌ ኢሳዴይ ኢሳዴ ቦላ ሚሼቲኮ ዮኦይካ ኢዛ ቦላ ዲኮ ኢሶይ ኢሳስ ኣቶ ኣቶ ጌቴቲቴ፤ ጎዳይካ ኢንቴስ ኣቶ ጊዳ ማላ ኢንቴካ ሃራ ኣሳስ ኣቶ ጊቴ።

Gamo Geesha Maxxafa New Testamen

¹³ Inte issay issa danda7ite, intefe issadey issade bolla michchetiko yooyika iza bolla diiko issay issas atto atto geetetite. Godayka intes atto gida mala inteka hara uras atto giite.

ቆላሲያሴ ኣሳስ 3:13 Referans Kwoze

ኤፌሶኔ ኣሳስ 4:32

Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.

ማርቆሳ ሚሺራቾ 11:25

Hessaththoka intte woosas eqqiza wode intte Salo Aaway intte nagara atto gaana mala intteka inttena qohidayta nagara ubbaa atto giite.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

ኤፌሶኔ ኣሳስ 4:2

Mulekka ashketanne shugota gidite; issoy issaara siiqon diitenne issoy issaa dandayte.

Maatosa 6:12

Nu nuna qohidaytas atto giza mala nekka nu qoho nuus atto ga.

2ቆሮንቶሴ ኣሳስ 6:6

Hessaththoka geeshshateththan, erateththan, dandayan, kiyateththan, Xillo Ayana kaaloninne qoodheppe qommon gidontta siiqon,

ጋላቲያ ኣሳስ 6:2

Intte issoy issaa deexo tooho tookkite; hessa mala ooson Kirstoosa wogaa poleeta.

2ቆሮንቶሴ ኣሳስ 2:10

Intte atto gizaades tanikka atto gays; qasse ta tumappe atto gaanaazi dizaa gidikko Kirstoosa sinththan ta atto gizay intte gishshas gaadakko.

ሉቃሳ ሚሺራቾ 23:34

Yesusikka, «Ta Aawawu! Hayti ba ooththizayssa eridi ooththontta gishshas isttas atto ga!» gides; isttika iza may7oza saama yeggidi ba giddon gishetti ekkida.

ሉቃሳ ሚሺራቾ 11:4

Nuna qohidayta nu maariza mala nuna maara; paacenkka nuna gelththofa› gi woossite» gides.

Maatosa 5:44

Ta qasse inttena intte morkketa dosite; inttena gooddizaytas woossite gays.

1ጴጽሮሳ ኪታ 2:21

Intte xeygettidaykka hessassa; intte iza leemiso kaallana mala Kirstoosi intte gishshas waaye ekkidi inttes leemiso gidides.

ኦሮሜ ኣሳስ 15:7

Hessa gishshas Xoossi inttena Xoossa bonchchon mokki ekkida mala intteka issoy issaa ufayssan mokki ekkite.

ቆላሲያሴ ኣሳስ 3:12

Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.

ኤፌሶኔ ኣሳስ 5:2

Kirstoosi nuna siiqida mala qasseka nu gishshas bana sawiza yarsho ooththi Xoossas immida mala intteka siiqon simerettite.

ሌሚሶ ማጻፋ 19:11

Aadho erateththi as dandayanchcha kessees; qoho yedhdhi aadheththi bonchchon gaththees.