ሃዋሬታ ኦሶ 9:39 - Geeshsha Maxaafa

³⁹ Phexroosikka dendidi kiitettida asatara gakkida wode iza pude pooqe bolla kessida; am7etikka wuri iza yuuyi aadhdhi eqqidi Dorqay paxa dashe isttara ooththida qamisatanne may7ota bessishe yeekkida.

ጋሞ ማጻፋ

³⁹ ጴጽሮሲካ ዴንዲዲ ኪቴቲዳ ኣሳታራ ጋኪዳ ዎዴ ኢዛ ፑዴ ፖቄ ቦላ ኬሲዳ፤ ኣምኤቲካ ዉሪ ኢዛ ዩዪ ኣ ኤቂዲ ዶርቃይ ፓጻ ዳሼ ኢስታራ ኦዳ ቃሚሳታኔ ማይኦታ ቤሲሼ ዬኪዳ።

Gamo Geesha Maxxafa New Testamen

³⁹ Phixiroossaykka denddidi kittetida asatara gakkida wode iza pude he fooqqe bolla kessida. Am7etikka wuri iza yuyi aadhi eqqidi dorqqay paxxa dashe isttara ooththida qamisatane mayoota besi besi yeekkida.

ሃዋሬታ ኦሶ 9:39 Referans Kwoze

1ታሶሎንቄ ኣሳስ 1:3

Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.

ኤፌሶኔ ኣሳስ 4:28

Kase kaysotizaadey hayssafe guye kaysotoppa; gido attiin metotettidi iza woossizaytas immiza miishshi iza kushen daana mala lo7o miish ba kushera ooththi demmanaas daaburo.

ሌሚሶ ማጻፋ 10:7

Xillota sunththay anjjon xeygettishe daana; iitata sunththi gidikko dogettana.

1ዮሃኒሳ ኪታ 3:18

Ta naytoo! Tumu oosonppe attiin coo doonaninne qaalan xalla siiqeteth ane aggoos.

1ታሶሎንቄ ኣሳስ 4:13

Ta ishatoo! Intte ashon hayqqidayta gishshas tumaa erana mala nu koyokko; qasseka hidotay baynda hara asata mala intte kayottana mala nu koyokko.

2ቆሮንቶሴ ኣሳስ 8:12

Asi immanaas wozinappe koykko izaadey kiyateththan immizayssi ekettizay asi baas dizaari mala immiko attiin baas bayndayssafe immishin gidenna.

ሃዋሬታ ኦሶ 20:35

‹Haa ekkizaadefe gede immizaadey anjjettidaade› giza Godaa Yesusa qaalaa nu yuushshi qoppidi nurkka nu kushera nu ooththi demmidi hara daaburanchchata gede maaddanaas nuus bessizayssa ta inttena daro dumma dumma ogera bessadis» gides.

ሃዋሬታ ኦሶ 9:41

Izikka izi kushe oykki denththides. Ammanizaytanne am7eta xeygidi izo isttas paththi immides.

ሃዋሬታ ኦሶ 8:2

Ayana ooson minni eqqida asati Isttifaanose moogidi izas daro yeekkida.

ሃዋሬታ ኦሶ 6:1

Ammanizayta qooday dari dari biza wode Girike biittafe yida Ayhuda asati Yuhudan diza Ayhuda asaa guyera zigirettida; gaasoykka ubba wode miza kath gishashe am7eta wudettontta aggida gishshassa.

ዮሃኒሳ ሚሺራቾ 17:12

Ta isttara issife dashe ne taas immida ne sunththaan ta istta naagadis; hessa gishshas kase xaafettida Geeshsha Maxaafaa qaalay polettana mala izi kasekka dhayos diza naazappe attiin isttafe oonikka dhaybeenna.

ዮሃኒሳ ሚሺራቾ 12:8

Manqoti ay wodekka inttenara deettes. Gido attiin intte tana ubba wode demmeketa» gides.

ሉቃሳ ሚሺራቾ 24:44

Izikka, «Inttenara ta diza wode, ‹Muse wogan nabetaninne yeththa Maxaafatan ta gishshas xaafettidayssi wurikka polettanaas bessees› gaada ta inttes yootida ta qaalay hayssako» gides.

ማርቆሳ ሚሺራቾ 14:8

Hanna ba ooththanaas dandayzaari keena ooththadus. Taas moogos gidana mala ta asho kaseta tiyadus.

Maatosa 26:11

Manqoti ubba wode inttenara deettes; ta gidikko ubba wode inttenara diikke.

Maatosa 17:17

Yesusi, «Intteno ammanontta geella yeletatoo! Ayde gakkanaas ta inttenara daanee? Qasse ayde gakkanaas ta inttena dandayanee? Ane naaza haa taakko ehite» gides.

ኤራንቻታ ማጻፋ 9:10

Ne kushey ooththanaas demmidayssa ubbaa ne kumeththa wolqqan ooththa; ays giikko neni baana duufon oosoy, halchchoy, erateththinne aadho erateththi deenna.

2ሳሜላ ማጻፋ 1:24

«Intteno Isra7eele maccassatoo! Ochcha teera misatiza al7o qamisa inttena mayzida; intte may7oza worqqa xibaben alleqissida; Sa7ooles yeekkite.

ሃዋሬታ ኦሶ 1:13

Gede katamayo gelidi kase ba diza keeththaa pooqe bolla kezida; heytikka Phexroosa, Yohannisa, Yaaqoobe, Indiraasa, Piliphoosa, Toomaasa, Bartelemoosa, Matoosa, Ilfiyoosa naa Yaaqoobe, ba baggas mishettiza Simoonanne Yaaqoobe naa Yuhuda.

1ጺምቶሳስ 5:3

Addafe metotettida am7eta lo7eththa naaga.

1ጺምቶሳስ 5:5

Qasse tumappe maadoy baynda barkka diza am7eya Xoos xalla xeellawus; woosassinne Xoossafe maado demmanaas gallassinne qamma minettawus.