ሃዋሬታ ኦሶ 24:25 - Geeshsha Maxaafa

²⁵ Phawuloosi xilloteththa gishshas, asi barkka bana haaro gishshassinne buroppe yaana pirdaa gishshas yootiin Filkisey babbidi, «Ha7i ne ba; hara wode taas giigshin ta nena xeyga ekkana» gides.

ጋሞ ማጻፋ

²⁵ ጳዉሎሲ ጺሎቴ ጊሻስ፥ ኣሲ ባርካ ባና ሃሮ ጊሻሲኔ ቡሮፔ ያና ፒርዳ ጊሻስ ዮቲን ፊልኪሴይ ባቢዲ፥ «ሃኢ ኔ ባ፤ ሃራ ዎዴ ታስ ጊጊሺን ታ ኔና ጼይጋ ኤካና» ጊዴስ።

Gamo Geesha Maxxafa New Testamen

²⁵ Phawulossay xiillotetha gishine asi berkka bena haaro gishene burope yaana pirda gish yootin Filikisey babbidi “Ha7i ne ba; hara wode tas gigishin ta nena xeeyga ekkana” gides.

ሃዋሬታ ኦሶ 24:25 Referans Kwoze

ዮሃኒሳ ሚሺራቾ 16:8

Izi yiidi asa nagara gishshassinne xilloteththa gishshas qasseka pirda gishshas erisana.

1ጴጽሮሳ ኪታ 3:15

Godaa Kirstoosa intte wozinan bonchchitenne iza intte de7os Godaa histtite; inttes diza hidota gishshas inttena oychchizaytas ubbaas zaaro immanaas ubba wode giigetti uttite.

2ጴጽሮሳ ኪታ 1:6

erateththa bolla bana haaro, bana haaro bolla dandayan mineteth, dandayan mineteththa bolla Xoossas goyno,

ጋላቲያ ኣሳስ 5:23

ashketeth, barkka bana haaro; haytantta mala diggiza wogay baa.

ሃዋሬታ ኦሶ 10:42

Izi nu derezas sabbakana malanne hayqqidayta bollanne paxa dizayta bolla pirdanaas Xoossi shuumiday iza gididayssa nu markkattana mala nuna azazides.

1ዮሃኒሳ ኪታ 3:7

Ta naytoo! Inttena oonikka baleththontta mala naagettite; izi xillo gidida mala xillo ooththizaadeyka xillo.

ያቆቤ ኪታ 2:19

ne, «Issi Xoossi dizayssa ammanaasa» hessika lo7o; daydanththatikka hessa mala ammaneettessinne keehi kokkoreettes.

Ibirawe 9:27

Hessaththoka asi issito hayqqees; hessafe kaallidi pirda sinththan eqqanaas giigi uttides.

Ibirawe 4:1

Gede shemposo gelanaas imettida hidotay ha7ikka naagetti diza gishshas intte giddofe oonikka hessas bessonttaade gidontta mala ane naagettoos.

Ibirawe 3:13

Harappeka intte garsafe oonikka nagaran balettidi ba wozina muumisontta mala, «Hach» geetettishin hach hach intte intte garsan minettite.

ጋላቲያ ኣሳስ 3:22

Qasse Geeshsha Maxaafay hayssi alamey wurikka nagaran qashettidayssa awajjees; hessika asi wurikka Yesus Kirstoosa ammanon beettiza hidotay ammanizaytas ubbaas imettanaassa.

2ቆሮንቶሴ ኣሳስ 5:10

Nuni wurikka Kirstoosa pirda wombora sinth shiiqanayssi attenna; nuuppe issoy issoy biitta bolla ba ooththiday iita gidiin woykko lo7o gidiin ba ooso mala bessiza waaga baas ekkana.

1ዮሃኒሳ ኪታ 3:10

Xoossa naytinne Xala7e nayti shaaketti erettizay hessanna; Xillo ooththonttaynne ba ishaa siiqonttay wuri Xoossafe gidenna.

2ጺምቶሳስ 4:1

Xoossa sinththaninne hessaththoka paxa dizayta bollanne hayqqidayta bolla pirdanaas diza Yesus Kirstoosa sinththan iza qoncceththaanne iza kawoteththaa qofara hayssa nees hadara gays.

2ቆሮንቶሴ ኣሳስ 6:2

Xoossi, «Tani taas giigida gallas nena siyadis! Attiza gallas ta nena maaddadis!» giza gishshas lo7o wodey hekko ha7i! Ateththa gallassika ha7ikko!

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

ሃዋሬታ ኦሶ 24:15

Isttika ufays ooththiza mala tanikka nagaranchchatinne xilloti hayqoppe dendanayssa Xoossan ammanettays.

ሃዋሬታ ኦሶ 17:32

Isttika hayqqidayta denththaa gishshas siyida mala issi issi asati iza qidhida; baggayti qasse, «Hayssa qasseka nu neeppe hara gallas siyana koyoos» gida.

ሃዋሬታ ኦሶ 17:2

Phawuloosikka izas lose gidida mala Ayhudata Woosa Keeth gelides; heedzdzu saamintta kumeth qaalappe ekki ekki isttara haasayettides.

ሃዋሬታ ኦሶ 2:37

Derey hessa siyida mala wozinay boshettides; Phexroosanne hankko Yesusi kiittidayta, «Histtiin nu ishatoo! Nu ay ooththinoo?» gida.

Ibirawe 6:2

Hessaththoka xinqata gishshassinne kushe asa bolla wotho gishshas qasseka hayqqidayta denththaa gishshassinne mernaa pirda gishshas buro woththi doommoko.

ሃጌ ቲንቢቴ 1:2

GODAY Ubbaafe Wolqqama Xoossay, «Hayssi derey, ‹Xoossa keeththi keexettiza wodey buro gakkibeenna› gees.»

ኢምባቆ ቲንቢቴ 3:16

Tani siyadis; ta wozinaykka dagammides; Iza giirssafe dendidayssan ta metershay kokkorides. Babon taas maracey qaaxxides. Taas gulbatey kokkorides; gidikkoka nu bolla worajjiza dereza bolla metoy yaana gallas ta gencca naagays.

ኣሞጼ ቲንቢቴ 6:12

Paray shuchcha bolla togettizee? Goshshanchchay abba giddon boora waaxi goyanaas dandayzee? Intte gidikko pirda marzen laammideta; tumakka gede camon shirdeta.

ኣሞጼ ቲንቢቴ 5:24

Gido attiin tumu pirday goggiza haaththa mala; xilloteththika miccontta pultto mala goggo.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሆሴኤ ቲንቢቴ 10:4

Istti wordora caaqqidi qaala geleettes; hada hidota ooththeettes; hessa gishshas kaththa giddon marzera diza haruma maatay mokkiza mala istta giddon gene pirday darana.

ሆሴኤ ቲንቢቴ 7:5

Nu kawoza ba7aale gallas halaqati woyne ushshan maththo leelaa gida. Izikka qidhizaytara zuppetides.

ዳኔላ ቲንቢቴ 12:2

Istti hayqqiin biittay midayti wurikka dendana; istta garsafe baggayti mernaa de7os, baggayti mernaa kawushshassinne waayes dendana.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ሂዚቄላ ቲንቢቴ 45:9

« ‹Ubbaa Haariza GODAY: Intteno Isra7eele halaqatoo, inttes ha7i gidana! Intte shabarssizayssanne asaa un7eththizayssa aggite; suure pirdanne xilloteth ooththite. Ta asa istta laata biittafe dhoqallidi gooddizayssa aggite. Tani Ubbaa Haariza GODAY hayssa yootays.

ኤርማሳ ቲንቢቴ 23:29

«Ta qaalay tama malanne shuch qeriza naariqa mala gidennee?» gees.

ኢሳያሳ ቲንቢቴ 61:8

Tani GODAY suure pirda dosays; bonqqanne qoho ixxays. Ta ammaneteththan isttas bessizayssa immana; isttara mernaa caaqo qaala gelana.

ኢሳያሳ ቲንቢቴ 55:6

GODAY beettiza wode iza koyite; matan diza wode iza xeygite.

ኢሳያሳ ቲንቢቴ 41:21

GODAY, «Ane intte mooto ekkidi haa shiiqite» gees. Yaaqoobe Kawoy, «Ane intte mooto daafaa haa ehite» gees.

ኢሳያሳ ቲንቢቴ 32:11

Intteno otoroy tuccida maccassatoo! Kokkorite. Intteno badhdhi gida macca naytoo! Hirgan gajigajite. Intte may7ida may7o qaari yeggite; intte xeessan maaqa danccite.

ኢሳያሳ ቲንቢቴ 16:5

Araatay siiqon minnees; he araatan Dawite keeththafe gididay, suure pirda amottizay, xilloteth eesosizay issi asi ammaneteththan iza bolla uttana.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

Ibirawe 12:21

He wode heen hanizayssi wurikka daro babisizayssa gidida gishshas Museykka, «Ta babbada kokkoradis» gides.

ኦሮሜ ኣሳስ 14:12

Hessa gishshas nuni issi issi asi Xoossa sinth shiiqidi nu ooso gishshas izas zaaro immana.

ኦሮሜ ኣሳስ 12:1

Hessa gishshas ta ishatoo! Intte asateththaa geeshshinne Xoos ufayssiza de7o yarsho ooththidi intte shiishshana mala ta inttena Xoossa qadhetan woossays; hessika wozinama asa mala intte Xoossas ooththiza ooso.

ኦሮሜ ኣሳስ 2:16

Hessika ta Mishiraachcho qaalan tamaarsiza mala Xoossi asa wozinan qotettidayssa Kirstoosa baggara pirdiza gallassan qonccisana.

ሃዋሬታ ኦሶ 26:28

Agirphayka Phawuloosa, «Hekko ne tana hanno guuththa wode giddon ammanththana koyaasa» gides.

ሃዋሬታ ኦሶ 17:13

Tasolonqen diza Ayhuda asati Phawuloosi Xoossa qaalaa Beeriyankka sabbakizayssa erida mala dereza denththeththanaas qasseka isttako bida.

ሃዋሬታ ኦሶ 9:6

Ne ha7i dendada gede katama gela; ne ooththanaas bessizaaz nees ta yootana» gides.

Maatosa 22:5

Xeygettidayti gidikko iza xeyssaa wudan yeggontta aggidi issoy ba goshshasoho, issoy ba zal7eso bides.

ዳኔላ ቲንቢቴ 5:30

He gallassa omars Baabiloone kawo Belishaxoorey asa kushen hayqqides.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ኢሳያሳ ቲንቢቴ 1:18

Qasseka GODAY, «Haa yiite issoy issaara ane buuxettoos; intte nagaray xeeqa zo7o gidikkoka shachcha mala boottana; suuththa mala zo7ikkoka puutto mala puqqa booth gidana.

ኤራንቻታ ማጻፋ 12:14

Xoossay ooso ubbaa bolla, geemmida yo7o ubbaa bolla, lo7o gidiin iita gidiinkka pirdana.

ኤራንቻታ ማጻፋ 11:9

Haysso yelagazoo! Ne naateteththa layththan ufayetta; ne naateteththa layththan ne wozinan ufayetta; ne ayfey xeellida ubbaanne ne wozinay amottida ubbaa pola; gido attiin ne ooththida ooso ubbaa gishshas Xoossi nena pirdas shiishshanayssa era.

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ሌሚሶ ማጻፋ 16:12

Kawoti iita ooso harassetteettes; ays giikko kawoteththa araatay xilloteththan eqqees.

ዬ ማጻፋ 119:120

Ta ashoy nees yayyidi kokkorees; takka ne pirdas yayyays.

ዬ ማጻፋ 99:1

GODAY kawotides! Hessa gishshas asay kokkoro! kirubeta giddon kawoteththa araatan uttides; hessas biittayka qaaxxo.

ዬ ማጻፋ 72:2

Histtiko izi ne deraas xilloteththan pirdana; naaqettidaytasikka suure pirdana.

ዬ ማጻፋ 45:7

Neni xilloteth dosaasa; makkallateth ixxaasa. Hessa gishshas Xoossay, ne Xoossay ne laggetapekka aaththidi nena ufayssa zayten tiydes.

ዬ ማጻፋ 11:7

GODAY xillo gidida gishshas xilloteththa ooso dosees. Suure asati iza sinth beyana.

ኢዮቤ ማጻፋ 29:14

Xilloteth may7o mala may7adis; suure pirdaka kaabba mala gopha may7adis; qoobe malakka hu7en woththadis.

ኢዝራ ማጻፋ 10:9

He xeyssazi xeygettida mala heedzdzu gallassa garsan Yuhudaninne Biniyaame deren de7iza asay wuri uddufunththo aginan nam7u tammanththa gallas Yerusalaame yiidi Xoossa Keeththa karen diza dembaan shiiqida; he shiiqida asay ashshontta duulatappenne he wode bukkiza wolqqama irappe dendidayssan kokkorishe siyides.

ኢዝራ ማጻፋ 10:3

Ha7i ha allaga maccassata istta naytara gaththi yeddanaas Xoossa sinththan caaqo qaala geloos; godoo neninne nu Xoossa azazo bonchchiza hara asati immiza zore ubbaa nu polana; qasse Xoossa wogay azazizayssa ubbaa nu ooththana.

2ካዎታ ማጻፋ 22:19

istti qanggettanayssanne dhayanayssa tani hayssa ha sohoza bollanne dereza bolla kase yootidayssa neni siyada ne wozinay meqqiin nenateththaa GODAA sinththan kawushshadanne ne may7oka daakkada ta sinththan ne yeekkida gishshas GODAY nena siyadis.

1ካዎታ ማጻፋ 21:27

Akaabey ha yo7oza siyida mala ba may7o pooshshi yeggidi maaqa may7i xoomides. Maaqaa may7ida mala ichchides; ceecishekka yuuyides.

2ሳሜላ ማጻፋ 23:3

Isra7eele Xoossi haasaydes; Isra7eele zaallay taas, ‹Asaa xilloteththan haarizay, Xoossa yashshateththan ayssizay,

1ሳሜላ ማጻፋ 12:7

Ha7ikka inttessinne intte aawatas ooththida xillo ooso ubbaa gishshas GODAA sinththan ta inttena mootiza gishshas hayssan eqqite.

ሃዋሬታ ኦሶ 24:26

Filkisey Phawuloosappe gubbo ekkanaas ufays ooththi naagida gishshas daro wode gakkanaas xeygi xeygi haasayssides.

ኤርማሳ ቲንቢቴ 36:16

Isttika qaala ubbaa siyidi ba garsan issoy issaa yashshateththan xeellidi Baarokes hayssa ha qaala ubbaa, «Nuni kawozas yootanaas bessees» gida.

Titosas 1:8

Hessafe bollara izi imath mokkizaade, lo7o ooso dosizaade, barkka bana haarizaade, suure as, xillonne baas naagettizaade gidanaas bessees.