ሃዋሬታ ኦሶ 2:27 - Geeshsha Maxaafa

²⁷ Ne ta shemppoyo duufon aggaka; ne naa geeshshaza wooqqana mala aggaagakka.

ጋሞ ማጻፋ

²⁷ ኔ ታ ሼምፖዮ ዱፎን ኣጋካ፤ ኔ ና ጌሻዛ ዎቃና ማላ ኣጋጋካ።

Gamo Geesha Maxxafa New Testamen

²⁷ Ne ta shemmipiyo dufoon agaakka, ne na geshshaza wooqana mala agaagaaka.

ሃዋሬታ ኦሶ 2:27 Referans Kwoze

ዬ ማጻፋ 16:10

Ne tana Si7oolen aggaka; ne geeshshaza wooqqana mala aggaka.

ሃዋሬታ ኦሶ 2:31

Hessa kasetidi erida gishshassinne iza ashoy wooqqi duufon attontta doorettida Kirstoosa denththa gishshas haasaydes.

ዮሃኒሳ ኣጁታ 1:18

Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.

ዮሃኒሳ ኣጁታ 20:13

Abbayka ba garsan diza hayqeththata immides; hayqoynne Duufoy qasse kase hayqqidi ba giddon dizayta immida; issi issi asi ba ooso ooso mala pirda ekkides.

1ቆሮንቶሴ ኣሳስ 15:55

Hessaththoka, «Hayqoo! Kase ne xoonoy awan dizee? Hayqoo! Ne izara caddiza yiishshay awan dizee?» geetetti xaafettides.

1ቆሮንቶሴ ኣሳስ 15:52

Hessika hananay nu qoppontta dishin wurseththa xurumbay punettiza wode qiphida ayfey xeelliza mala issito hanana; xurumbay punettana; hayqqida asay wooqqonttayta gididi dendana; nunikka laamettana.

ዮሃኒሳ ሚሺራቾ 11:39

Izikka istta, «Shuchchaa denththite!» gides; hayqqidayssa michcheya Martay, «Godoo! Izi hayqqiin hach oyddu gallas gidida gishshas xinqqanakko!» gadus.

ዬ ማጻፋ 86:13

Ays giikko ne tana bessida mernaa siiqoy keehi gita; neni ta shemppoyo duufoppe ashshadasa.

ዮሃኒሳ ኣጁታ 3:7

«Filadelfiya Woosa Keeththa kiitanchchaas, Hayssi geeshshinne tumanchcha gididayssafe Dawite keeththaa qulpe oykkidayssafe yootettidayssa; izi doydayssa oonikka gordenna; izi gordidayssa oonikka doyenna.

1ዮሃኒሳ ኪታ 2:20

Inttena qasse Kirstoosi Xillo Ayanan tiydes; hessa gishshas intte wurikka tumaa ereeta.

ሉቃሳ ሚሺራቾ 4:34

«Naazirete Yesusaa ha7i ta waanoo? Nenara tana aazi gaththidee? Ne yiday nuna dhayssanaassee? Ne oonakko ta erays; ne Xoossa Xilloza gidikkii?» giidi waassides.

ሉቃሳ ሚሺራቾ 1:35

Kiitanchchayka Maaramis, «Xillo Ayanay ne bolla wodhdhana; ubbaafe bolla Xoossa wolqqay ne bolla kuwasana; hessa gishshas yelettana naazi Geeshsha Xoossa naa geetettana.

ማርቆሳ ሚሺራቾ 1:24

«Naazirete Yesusa ne nuuppe ay koyay? Nuna dhayssana yadii? Ne oonakko ta nena erays; neni Xoossa geeshshaza» giidi waassides.

Maatosa 11:23

«Hanne Qifirnahoome pude salo dhoqqu dhoqqu gaanaas koyadii? Gido attiin neni duge Si7oole wodhdhandasa; ne bolla oosettida malatay Sodoomen oosettidaakko Sodoomey hach gakkanaas daanakkoshin.

ዮናሳ ቲንቢቴ 2:6

Tani zumata gars duge wodhdhadis; heen biittaa garsan mernaas gordan uttadis; gidikkoka abeet ta GODAWU! Neni ta shemppo ciimma ollafe kessadasa.

ዬ ማጻፋ 116:3

Hayqoy woximade mala tana dooddi oykkides; duufon geloy tana hirgisides. Ceeceynne un7oy tana toli oykkides.

ዬ ማጻፋ 89:19

Beni neni ne ammanettida asatas ajjuutan, «Tani ola qaraa maaddadis; deraa giddofe doorettida yelaga dhoqqu dhoqqu histtadis.

ዬ ማጻፋ 49:15

Gido attiin Xoossi ta shemppo wozzana; izi tana hayqo wolqqafe ashshi ekkana.

ሃዋሬታ ኦሶ 4:27

«Tumappe Herdoosinne Phanxoosa Philaxoosi Isra7eeletaranne hara dere asaara hanno katamayn ne doora tiyda geeshsha naaza Yesusa bolla yo7o qachchanaas shiiqettida.

ሃዋሬታ ኦሶ 3:14

Geeshshanne xilloza intte kaddidi shempo wodhizayssi birshettana mala woossideta.

ሉቃሳ ሚሺራቾ 16:23

Izi Si7oolen waayettishe dhoqqu giidi haahon Abrahaame xeellides; Alazaarekka ba ki7on oykki dishin be7ides.

ሉቃሳ ሚሺራቾ 24:44

Izikka, «Inttenara ta diza wode, ‹Muse wogan nabetaninne yeththa Maxaafatan ta gishshas xaafettidayssi wurikka polettanaas bessees› gaada ta inttes yootida ta qaalay hayssako» gides.

ሃዋሬታ ኦሶ 2:26

Hessa gishshas ta wozinay ufayettees; ta doonaykka galatees; ta ashoy ufayssan daana.

ሃዋሬታ ኦሶ 2:28

Ne de7o oge ta erana mala ooththadasa. Ne tanara diza gishshas ta ufayssay kumeththa.›