ሃዋሬታ ኦሶ 16:5 - Geeshsha Maxaafa

⁵ Woosa keeththa asay ammanon minni minni bides; qasse asaykka qoodan gallas gallas gujetti gujetti bides.

ጋሞ ማጻፋ

⁵ ዎሳ ኬ ኣሳይ ኣማኖን ሚኒ ሚኒ ቢዴስ፤ ቃሴ ኣሳይካ ቆዳን ጋላስ ጋላስ ጉጄቲ ጉጄቲ ቢዴስ።

Gamo Geesha Maxxafa New Testamen

⁵ Wossa keeththa asay ammanon miini miini bidees qasse asaykka qoodan gallas gallas gujjeti gujeti bidees.

ሃዋሬታ ኦሶ 16:5 Referans Kwoze

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ሃዋሬታ ኦሶ 2:47

Istti Xoossaa galatishe dere sinththan bonchchettida. Godaykka istta bolla gallas gallas oorath ammanizayta gujjides.

ሃዋሬታ ኦሶ 6:7

Xoossa qaalay aakki aakki bides; ammanizayta qooday Yerusalaamen dari dari bides; qeesetappe daroti ammanida.

1ጴጽሮሳ ኪታ 5:10

Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana.

ሃዋሬታ ኦሶ 15:41

Ammanizayta minththeththishe Sooriyaranne Kilqiyara aadhdhi bides.

ቆላሲያሴ ኣሳስ 2:6

Hessa gishshas intte Godaa Yesus Kirstoosa ammanida mala izan de7ite.

1ቆሮንቶሴ ኣሳስ 15:58

Hessa gishshas ta siiqo ishatoo! Minni eqqite; ay miishshankka yark yarkofte; Godaa oosos intte daaburza daabursay hada gidonttayssa eridi ubba wode pacey baynda Godaas ooththanaas minettite.

ኦሮሜ ኣሳስ 16:25

Tani yootiza Mishiraachcho qaalay Yesus Kirstoosa gishshas yootettiza kiitaynne beni wodeppe doommidi qotan gam7idi ha7i qasse qonccida tuma xuura baggara izi inttena ammanon essanaas dandayees.

ሃዋሬታ ኦሶ 12:24

Xoossa qaalay gidikko diccidi aakki aakki bides.

Ibirawe 13:9

Dumma dumma imaththa timirte ekkofte; nu wozinay minni eqqizay Xoossa kiyateththan attiin kaththa wogaa naagon gidenna; he woga naagizaytikka izan go7ettibeettenna.

2ታሶሎንቄ ኣሳስ 2:16

Izi nu Godaa Yesus Kirstoosi qasse nuna siiqidaynne ba kiyateththan mernaa minththeththonne lo7o hidota izi nuus immida nu Aawaa Xoossay,

1ታሶሎንቄ ኣሳስ 3:13

Nu Godaa Yesus Kirstoosi geeshshata ubbatara yiza wode nu Aawaa Godaa Xoossaa sinththan intte wosoy bayndaytanne geeshshata gididi beettana mala intte wozina izi minththo.

1ታሶሎንቄ ኣሳስ 3:2

Inttena ammanon minththana mala nunara asas Kirstoosa mishiraachcho qaalaa yootiza Xoossa ashkara gidida Ximtoosa intteko yeddidos.

ጋላቲያ ኣሳስ 5:1

Nuna Kirstoosi geeshshiday nuni geeshshateththan daanaassa; hessa gishshas minni eqqite; nam7anththo aylleteththa qambaran gelopite.

ሃዋሬታ ኦሶ 11:21

Godaa maadoykka isttara dees; qoodan keehi daro asay ammanidi Godaakko simmides.

ሃዋሬታ ኦሶ 5:14

Daro maccassatinne addeti wodeppe woden Godaan ammani ammani istta bolla gujettida.

ሃዋሬታ ኦሶ 4:4

Gido attiin qaalaa siyida asaappe dariza baggay ammanides; ammanida attuma asaa qooday gede ichchashu shii gakkanaas dhoqqu gides.

ኢሳያሳ ቲንቢቴ 7:9

Qasse Samaariyay Efreeme biittaas hu7e; Eromeliyo nay Samaariyas hu7e; intte intte ammanon minnidi eqqontta ixxiko mulekka eqqanaas dandayekketa» gees.

2ታሪኬ ማጻፋ 20:20

Istti maalado wonttara dendidi Tequhe bazzo baana kezida; istti oge kezida mala Iyoosaafixey dendi eqqidi, «Yuhudanne Yerusalaame asawu tani gizayssa ezgi siyite; GODAAN intte Xoossan ammanettite; intte minnana; qasse nabeta qaalan ammanettite; yo7o ubbay inttes injjetana» gides.