ሃዋሬታ ኦሶ 13:39 - Geeshsha Maxaafa

³⁹ Iza ammanizaadey wuri kase Muse wogaa baggara demmontta xilloteth demmana.

ጋሞ ማጻፋ

³⁹ ኢዛ ኣማኒዛዴይ ዉሪ ካሴ ሙሴ ዎጋ ባጋራ ዴሞንታ ጺሎቴ ዴማና።

Gamo Geesha Maxxafa New Testamen

³⁹ Iza ammanizadeey wuri kase musse woga baggara deemmontta xiillotethth deemmana.

ሃዋሬታ ኦሶ 13:39 Referans Kwoze

ጋላቲያ ኣሳስ 2:16

Asi Yesus Kirstoosan ammanon xillana attiin woga naagon xillonttayssa nu eroos; hessa gishshas woga naagon gidontta Kirstoosa ammanon nu xillana mala nunikka qasse Yesus Kirstoosa ammanidos; woga naagon oonikka xillenna.

ኦሮሜ ኣሳስ 10:4

Ammaniza asaa ubbaa xillisanaas Kirstoosi woga ubbaa polides.

ኦሮሜ ኣሳስ 8:3

Nagaranchcha ashoppe dendidayssan wogay polanaas dandayonttayssa Xoossi ba naaza nagaranchcha asa leemison nagaras yarshettana mala yeddidi polides; histtidi nagara iza ashon pirdides.

Ibirawe 7:19

Wogay oonakka geeshshanaas dandayontta gishshas nuni Xoossa ach shiiqanaas izappe aadhdhiza hara hidotay nuus imettides.

ኦሮሜ ኣሳስ 10:10

Neni xillanay wozinan ammanikko; ne attanay ne doonara markkattiina.

ኦሮሜ ኣሳስ 8:1

Hessa gishshas Yesus Kirstoosa ammanizayta bolla pirday deenna.

ኦሮሜ ኣሳስ 4:15

wogay hanqo kaaleththees; wogay bayndason woga menththoy deenna.

ኦሮሜ ኣሳስ 3:19

Hessa gishshas doonay wurikka gordettana mala derey kumeth Xoossas zaaro immana mala wogay gizay wurikka wogappe giddora dizaytas gididayssa nu eroos.

ኦሮሜ ኣሳስ 5:20

Wogay yiin mooroy darides; gido attiin nagaray daroyssafe bollara Xoossa kiyateththi keehi darides.

ኦሮሜ ኣሳስ 5:9

Nuni iza suuththan geeyidayta gidikko harappeka iza baggara Xoossa hanqofe attana.

ዮሃኒሳ ሚሺራቾ 1:17

Wogay Muse baggara imettides; kiyateththinne tumay gidikko Yesus Kirstoosa baggara nuus yides.

Ibirawe 10:11

Qeesey hach hach eqqidi ba ooso polees; as nagarappe geeshshanaas dandayonttayta wontiin wontiin shiishshees.

Ibirawe 10:4

Gaasoykka wofanotanne deyshata suuththi asappe nagara digganaas dandayenna.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ኦሮሜ ኣሳስ 4:24

Gido attiin Xoossi nu xilloteththaa iza baggara taybiza nu Godaa Yesusa hayqoppe denththidayssan ammaniza nuussarakko.

ሃዋሬታ ኦሶ 10:43

Iza ammanidaadey wuri iza sunththan nagara maarettidi geeyanayssa nabeti izas markkatteettes» gi yooto doommides.

ዬ ማጻፋ 143:2

Ne sinththan xillo gidana asi oonikka deenna; tana ne aylleza pirdas shiishshofa.

ኢዮቤ ማጻፋ 25:4

Asi Xoossa sinththan waani xillo gidi beettanawu dandayzee? Asho may7ida medheta gididi waani geesh gidanawu dandayzee?

ኢዮቤ ማጻፋ 9:20

Tani geeshshinne xillokoshin ta haasayay tana qohanchcha kessees; ta haasayza haasayati ubbay ta bolla pirdeettes.

ጋላቲያ ኣሳስ 5:3

Qaxxarettana koyzayti wuri wogaa ubbaa polanayssi dosa gidonttayssa ta inttes issaas issaas qonccen yootays.

ጋላቲያ ኣሳስ 3:8

Ayzaabey ammanon attanayssa eridi Xoossi kase Geeshsha Maxaafan, «Derey wuri ne baggara anjjettana» giidi Mishiraachcho qaalaa Abrahaames yooti woththides.

ጋላቲያ ኣሳስ 2:19

Tani Xoossas daana mala wogaa baggara he wogaas hayqqadis.

1ቆሮንቶሴ ኣሳስ 6:11

Inttefe issi issi asati heytantta mala shin ha7i qasse Godaa Yesus Kirstoosa sunththaninne nu Xoossaa Ayanan meecettideta; dummatidetanne xillideta.

ኦሮሜ ኣሳስ 9:31

Gido attiin xilloteththa woga kaalliza Isra7eele nayti demmibeettenna.

ዮሃኒሳ ሚሺራቾ 5:24

«Ta inttes tuma gays; ta qaalaa siyizaadessinne tana kiittidaaden ammanizaades mernaa de7oy dees. Izaadey hayqoppe gede de7on pinnides attiin iza bolla pirdettenna.

ሉቃሳ ሚሺራቾ 18:14

«Ta inttes yootays; Xoossa sinththan Farsaawezi xilloteth demmibeenna; hayssi qaraxizayssi gidikko xillidi baso simmides; bana dhoqqisizay wuri ziqqi gaana; bana ziqqisizay gidikko dhoqqu gaana» gides.

ሉቃሳ ሚሺራቾ 10:28

Yesusikka, «Lo7o zaaradasa. Nenikka hessaththo ooththiko mernaa de7o demmana» gides.

ሉቃሳ ሚሺራቾ 10:25

Issi gallas Muse wogaa tamaarsiza issi asi Yesusa paaccanaas koyidi, «Tamaarsizayssoo! Tani mernaa de7o laattanaas ay ooththoo?» giidi oychchides.

ኢምባቆ ቲንቢቴ 2:4

«Hekko izi otorettides; iza amoy suure gidenna; xillo asi gidikko ammanon dees.

ኤርማሳ ቲንቢቴ 31:32

He caaqozi tani istta Gibxeppe kessanaas istta kushe oykkada istta aawatara caaqettida caaqoza mala gidenna; tani isttas azina mala gida dishin istti tanara diza caaqo qaalaza laallida» gees.

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ኦሮሜ ኣሳስ 3:20

Hessa gishshas wogay nagaray aazakko erisees attiin wogaa naagon oonikka iza achchan xillo geetettanaas dandayenna.