ሃዋሬታ ኦሶ 11:25 - Geeshsha Maxaafa

²⁵ Hessafe kaallidi Barnabaasi Sa7oole koyana Xarseese bides.

ጋሞ ማጻፋ

²⁵ ሄሳፌ ካሊዲ ባርናባሲ ሳኦሌ ኮያና ጻርሴሴ ቢዴስ።

Gamo Geesha Maxxafa New Testamen

²⁵ Hessafe kaallidi Barinnabasay Sawule koyana Xarsese biides.

ሃዋሬታ ኦሶ 11:25 Referans Kwoze

ሃዋሬታ ኦሶ 9:11

Godaykka iza, «Denda! Suure geetettiza ogeyra Yuhuda geetettizaso ba. Heen Sa7oole geetettiza issi Xarseese asi woossishe dees; ne iza koya demma.

ሃዋሬታ ኦሶ 9:30

Ammanizayti hessa eridi duge Qisaariya geetettizaso woththidi Xarseese yeddida.

ሃዋሬታ ኦሶ 9:27

Gido attiin Barnabaasi iza Hawaaretakko efiin Sa7ooli izi Damasqo oge bolla Godaa wostti be7idaakko, Godaykka izas ay yootidaakkonne Damasqon dishe izi ay mala xalateththara Yesusa sunththan sabbakidaakko isttas yootides.

ሃዋሬታ ኦሶ 21:39

Phawuloosikka, «Tani Kilqiya giddon daro erettida Xarseese kataman yelettida Ayhuda asa; hayssa asaas tana yoochcharkkii!» gides.

ሃዋሬታ ኦሶ 4:36

Qophiroose geetettizason diza Yooseefe geetettizaadey issi Lewe bagga asi dees; izikka Hawaaretan, «Barnabaasa» geetetti summides. Hessas birsheththay, «Minththeththo naa» guussa.

ሃዋሬታ ኦሶ 15:34

Sillaasi qasse heen attanaas koyides.