2ጺምቶሳስ 3:11 - Geeshsha Maxaafa

¹¹ Ta goodeteththaanne ta waayeza Anxokiyan, Iqoniyooninne Listtirankka ta bolla gakkidayssa ubbaa tani dandayan ekkidayssa ne eraasa; gidikkoka Goday hessa ubbaafe tana ashshides.

ጋሞ ማጻፋ

¹¹ ታ ጎዴቴኔ ታ ዋዬዛ ኣንጾኪያን፥ ኢቆኒዮኒኔ ሊስቲራንካ ታ ቦላ ጋኪዳይሳ ኡባ ታኒ ዳንዳያን ኤኪዳይሳ ኔ ኤራሳ፤ ጊዲኮካ ጎዳይ ሄሳ ኡባፌ ታና ኣሺዴስ።

Gamo Geesha Maxxafa New Testamen

¹¹ Ta goodetethane ta waayeza anxxokiyan, iqoonyyonine lisxxirankka ta bolla gakkidayssa wurssa ta danddaidayssa ta goodetetha ne eraassa. Gidikkoka Goday hessa wurssofe tana ashshides.

2ጺምቶሳስ 3:11 Referans Kwoze

ዬ ማጻፋ 34:19

Xillo as gakkiza metoy daro; gido attiin GODAY iza he ubbaafe ashshees.

ሃዋሬታ ኦሶ 13:45

Ayhudatikka daro dere be7idi qanaateteththan kumida; Phawuloosa haasaya eqettishe iza cayida.

2ጴጽሮሳ ኪታ 2:9

Histtiin hessi wurikka hessa mala gidikko Goday baas goynnishe diza asata paaceppe ashshanayssanne nagaranchchatakka wostti qaxxayanaakkonne pirda gallassas wostti istta naagidi gaththanaakko hessa izi erees guussa.

2ጺምቶሳስ 4:7

Lo7o baaxe ta baaxetadis; ta woxxana woth wursadis; ammanokka naagadis.

ሃዋሬታ ኦሶ 26:22

Hach gakkanaaska taas Xoossafe maadoy pacci erenna; hessa gishshas guuththaska gitaska markkattashe hayssan eqqadis; nabetinne Musey kasetidi hayssa malay hanana gidayssa yootoppe attiin ta hara aykkoka yootabeekke.

ሃዋሬታ ኦሶ 26:17

Isra7eele asaa kusheppenne ta nena isttako kiittiza Ayzaabeta kusheppeka ashshana.

ሃዋሬታ ኦሶ 23:10

Palamay minni minni bida gishshas asay Phawuloosa tarshereththontta mala babbidi halaqata azazizayssi, «Duge wodhdhidi Phawuloosa asaa giddofe haa kessi ekki yiidi wottadarati dizaso efte!» giidi wottadarata halaqata azazides.

ሃዋሬታ ኦሶ 20:19

Ayhudati ta bolla asaa denththidi hilida gaason daro metoy ta bolla gakkikokka tani kumeththa ashketeththaranne afunththara Godaas ooththadis.

ሃዋሬታ ኦሶ 13:14

Istti gidikko Phergeneppe dendidi Phissidiya giddon diza Anxokiya bida; Sambata gallas Ayhudata woosa keeth geli uttida.

ሃዋሬታ ኦሶ 9:16

Izi ta sunththaa gishshas ay mala waaye beyanaakko ta iza bessana» gides.

ዳኔላ ቲንቢቴ 6:27

Izi ashsheessinne maaddees; Izi saloninne sa7an malaatatanne malalisiza miishshata ooththees; izi Daaneela gaammota doonappe ashshides» gides.

ኤርማሳ ቲንቢቴ 1:19

Istti nenara olettana; gido attiin tani ashshanaas nenara issife diza gishshas nena xoonettenna. Tani GODAY hayssa nees yootays» gides.

ኢሳያሳ ቲንቢቴ 43:2

Neni haaththa giddora pinniza wode, tani nenara gidana. Neni pinnishin shaafay nena mittenna; neni tama giddora bishin nena xuuggenna; tama lacoykka nena meenna.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ዬ ማጻፋ 91:14

GODAY, «Izi tana siiqida gishshas tani iza ashshana; izi ta sunththa erida gishshas tani iza naagana.

ዬ ማጻፋ 37:40

Xilloti GODAA guye aadhdhida; hessa gishshas izi istta maaddeessinne ashshees; iitata kusheppeka woththi ekkees.

2ሳሜላ ማጻፋ 22:49

Izi ta morkketa kusheppe tana kessees; ta morkketappe tana dhoqqu dhoqqu histtadasa; menxe iitatappe tana ashshadasa.

2ሳሜላ ማጻፋ 22:1

GODAY Dawite iza morkketa ubbaa kusheppenne Sa7oole kusheppe ashshida wode Dawiti hayssafe kaalliza mazamure GODAA bonchchos yexxides;

ሜቴ ማጻፋ 48:16

iita miishsha ubbaafe tana ashshida kiitanchchay, ha nayta anjjo. Ta sunththaynne ta aawata Abrahaamenne Yisaaqa sunththay isttan xeygetto. Istti biitta bollan corattetto» gi anjjides.

ሃዋሬታ ኦሶ 14:8

Listtiran yelettoosoppe ba tohora hemetti erontta issi toho sila addey dees.

ኦሮሜ ኣሳስ 15:31

Tani Yuhudan diza ammanontta asaa kusheppe attana malanne Yerusalaamen diza ta oosoykka heen ammanizayta achchan ekettana mala taas woossite.

2ቆሮንቶሴ ኣሳስ 1:5

Kirstoosa waayey nu bolla daridayssa mala nuuska Kirstoosa baggara minththeththoy darees.

2ቆሮንቶሴ ኣሳስ 1:7

Nu meto intte nunara shaakki ekkida mala nunarakka intte minettanayssa nuni eriza gishshas nuus intte bolla diza ufayssi gita.

2ቆሮንቶሴ ኣሳስ 12:10

Tani wolqqa demmizay daaburza wode gidida gishshas ta Kirstoosa gishshas daaburshin, cayettishin, metotishin, goodettishin, muuzottishin tana ufayssees.