2ታሶሎንቄ ኣሳስ 3:16 - Geeshsha Maxaafa

¹⁶ Saroteththaa Goday izi ba baggara yo7o ubbaan inttes saroteth immo; Goday inttenara ubbaara gido.

ጋሞ ማጻፋ

¹⁶ ሳሮቴ ጎዳይ ኢዚ ባ ባጋራ ዮኦ ኡባን ኢንቴስ ሳሮቴ ኢሞ፤ ጎዳይ ኢንቴናራ ኡባራ ጊዶ።

Gamo Geesha Maxxafa New Testamen

¹⁶ Sarotetha Goday izi ba baggara yoo wursson intes saroteth immo. Goday intenara wurssara gido.

2ታሶሎንቄ ኣሳስ 3:16 Referans Kwoze

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ኦሮሜ ኣሳስ 15:33

Saroteththa Goday inttenara ubbatara gido. Amiin.

ኦሮሜ ኣሳስ 16:20

Saroteththa Goday Xala7e eeson intte toho gars aaththi dincereththana. Godaa Yesus Kirstoosa kiyateththi inttenara gido.

ዳናታ ማጻፋ 6:24

Geedoonikka GODAAS yarsho yarshizaso heen giigsidi he sohoza, «GODAY Saro Xoossa» giidi sunththides; he yarsho yarshizasoy Abi7eezere zereththatas gidida Oofiran hach gakkanaas eqqi dees.

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

1ታሶሎንቄ ኣሳስ 5:23

Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto.

2ጺምቶሳስ 4:22

Goday nenara gido; Godaa kiyateththi inttenara gido.

ኦሮሜ ኣሳስ 1:7

Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ዛካራሳ ቲንቢቴ 6:13

Izi GODAA keeththa keexxana; izi kawo mala bonchcho may7ana; ba kawoteththaa araatan uttidi haarana; qasseka izi ba araatan uttidi qeeseteththan ooththana; he nam7atikka saroteththaninne sigan ooththana» gees ga yoota.

ታይቦ ማጻፋ 6:26

GODAY nena ba maaroteththa ayfen xeello; ba saroteththka izi nees immo› gaada yoota.»

Pilmoonas 1:25

Godaa Yesus Kirstoosa kiyateththi inttenara gido.

ኢሳያሳ ቲንቢቴ 8:10

Olas zorettite; gido attiin inttes suurenna; halchcho kessite; gido attiin inttes minnenna. Gaasoykka Xoossay nunara dees.

1ሳሜላ ማጻፋ 17:37

Tana gaammofenne zardo achchafe ashshida GODAY ha7ikka ha Filisxeeme addeza kusheppe ashshana» gides; Sa7oolikka zaaridi, «Ba, GODAY nenara gido» gides.

ኡሩቲ ማጻፋ 2:4

He wodekka Boo7eezey Beeteliheeme katamappe gakki wodhdhidi kath maxiza asaa, «GODAY inttes wolqqa immo» gides. Isttika zaaridi, «GODAY anjjo» gida.

Ibirawe 13:20

Dorsata heenththanchchay wogga Godaa Yesus Kirstoosa ba mernaa caaqo qaala suuththan iza hayqoppe denththida saroteththa Xoossi,

Ibirawe 7:2

Abrahaameykka baas diza ubbaafe tammu kusheppe issi kushe izas immides. Koyro iza sunththaas birsheththi, «Xillo kawo» guussa. Kaallidi qasse, «Saaleme kawo» guussi, «Saroteththa kawo» guussa.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ኢሳያሳ ቲንቢቴ 66:12

GODAY, «Be7ite, tani izis saroteth gita shaafa mala gogisana; kawoteththata aqota shaafa haaththa mala gogisana intte izi ki7on idimetti dhammana; izi ki7on uttidi intte guppana.

ኢሳያሳ ቲንቢቴ 54:10

Zumati qaaxxiko, zumbullati ba dizasoppe kichchikokka, nees diza ta siiqoy qaaxxenna; nenara ta caaqqida saroteththa qaalay laalettenna» gees nena maariza GODAY.

ኢሳያሳ ቲንቢቴ 45:7

Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

ኢሳያሳ ቲንቢቴ 26:12

Abeet GODAWU! Neni nuus saroteth yoch ooththadasa; nu ooso ubbaa neni ooththadasa.

ዬ ማጻፋ 72:7

Izi diza layth ubbaan xilloy ciiyana; aginay dhayana gakkanaas biitta bolla saroteththi darana.

ዬ ማጻፋ 72:3

Zumati dureteth ehana; zumbullatikka xilloteth ne deraas ehana.

ዬ ማጻፋ 46:11

Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

2ታሶሎንቄ ኣሳስ 3:18

Nu Godaa Yesus Kirstoosa aadho kiyateththi inttenara ubbaara gido.

ሃጌ ቲንቢቴ 2:9

Hayssa ha keeththa bonchchoy kase keeththa bonchchofe aadhdhana. Tani hayssan inttes kumeththa saroteth immana› » gees.

ዬ ማጻፋ 46:7

Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

1ሳሜላ ማጻፋ 20:13

Gido attiin ta aaway ne bolla iita qoppiin, hessa ta nena erisontta aggikonne ne saron iza kusheppe kessa ekka baana mala ta ooththontta aggiko, ta aaway ne bolla gaththanaas qoppida iita yo7ozappe aadhdhida iita GODAY ta bolla gaththo; kase GODAY ta aawara dizayssaththo nenarakka do.

ኤፌሶኔ ኣሳስ 6:23

Aawaa Xoossaafe, Godaa Yesus Kirstoosappe saroteththinne siiqoy ammanora inttes ta ishatas gido.

1ታሶሎንቄ ኣሳስ 3:11

Ha7ikka nu intteko baana mala nu Aaway Xoossi Godaa Yesus Kirstoosi ogeza izi nuus suuriso.