2ሳሜላ ማጻፋ 7:22 - Geeshsha Maxaafa

²² «Ubbaa Haariza GODAWU, ne ay mala gitaa! Mulekka nena misatizay oonikka deenna; nuni nu hayththara siyida mala neeppe attiin hara Xoossi deenna.

ጋሞ ማጻፋ

²² «ኡባ ሃሪዛ ጎዳዉ፥ ኔ ኣይ ማላ ጊታ! ሙሌካ ኔና ሚሳቲዛይ ኦኒካ ዴና፤ ኑኒ ኑ ሃይራ ሲዪዳ ማላ ኔፔ ኣቲን ሃራ ጾሲ ዴና።

2ሳሜላ ማጻፋ 7:22 Referans Kwoze

ዬ ማጻፋ 86:10

Neni gita; malalisiza miish ooththaasa. Neni xalla Xoossa.

ዬ ማጻፋ 86:8

Abeet Godawu! Ne malay xoossata giddon baawa; ne oosora ginattiza oosoykka deenna.

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

1ታሪኬ ማጻፋ 16:25

GODAY gita; izas bessiza galataykka dhoqqa; xoossata ubbaafe aadhdhees; izas yayyanaas bessees.

ኢሳያሳ ቲንቢቴ 45:5

Tani GODAA; taappe haray oonikka deenna; taappe hara Xoossi deenna; ne tana erontta aggikokka ta nena minththana.

ዛሬ ማጻፋ 3:24

«Ubbaafe dhoqqa GODAWU! Ne gitateththaanne ne mino qeseza taas ne ayllezas beso doommadasa; neni ooththiza gitanne wolqqama oosota ooththiza hara GODAY Salonkka Sa7ankka deenna.

1ሳሜላ ማጻፋ 2:2

«GODAA mala geeshshi oonikka deenna; neeppe attiin haray deenna; nu Xoossaa mala Zaallay deenna.

ዬ ማጻፋ 89:8

Abeet GODAWU! Ubbaafe Wolqqama Xoossawu! Ne mala wolqqamay oonee? Abeet GODAWU! Neni ubbaa miishshan ammanettidaade.

ዬ ማጻፋ 89:6

Salon GODAARA likkettanaas dandayzay oonee? Salo medheteththata giddonkka GODAA malay oonee?

ዬ ማጻፋ 96:4

GODAY gita; gita galataykka izas bessees; ubba xoossatappe aadhdhidi izi yayettanaas bessees.

ዛሬ ማጻፋ 4:35

GODAY iza xalla gididayssa intte erana mala hayssa izi inttena bessides; izappe attiin hara Xoossi deenna.

ኢሳያሳ ቲንቢቴ 40:18

Histtiin intte Xoossaa oonara giniseetii? Ay mislera gaththi giniseetii?

ዬ ማጻፋ 48:1

GODAY gita; nu Xoossa kataman geeshsha zumazan gita galatay izas bessees.

ዬ ማጻፋ 145:3

GODAY gita; gita galatay izas bessees; iza gitateththay asa qofappe bolla.

ዬ ማጻፋ 135:5

GODAY gita gididayssanne nu GODAY xoossata ubbaafe dhoqqizayssa tani erays.

ዬ ማጻፋ 44:1

Abeet Xoossawu! Beni aadhdhida wode ne ooththida gita miishshaa nuni siyidos; nu aawata wodekka ne ooththidayssa istti nuus yootida.

ሂዚቄላ ቲንቢቴ 36:22

«Hessa gishshas Isra7eele keeththas Ubbaa Haariza GODAY, ‹Intteno Isra7eele keeththa asatoo! Tani hayssa ubbaa ooththizay intte bida kawoteththata ubbaa giddon tunisida ta geeshsha sunththaa gishshassafe attiin intte gishshas gidenna.

ኢሳያሳ ቲንቢቴ 45:22

«Intteno biittaa gaxan de7iza ubbatoo! taakko simmidi attite. Tani Xoossa; taappe attiin haray deenna.

ኢሳያሳ ቲንቢቴ 45:18

Salota medhdhiday izi GODAA; biitta giigsidi medhdhiday, sa7as yoch yeggiday, iza asa duussaso gidana mala attiin coo mela woththanaas medhdhontta GODAY, Tani GODAA; taappe haray deenna.

ኢሳያሳ ቲንቢቴ 40:25

Geeshshazi isttas, «Tana oonara giniseetii? Tanara ginattizay oonee?» gees.

2ታሪኬ ማጻፋ 2:5

«Nu Xoossay hara xoossata ubbaafe gita gidida gishshas tani keexxanaas giigettiza Xoossa Keeththayka gita.

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ሂዚቄላ ቲንቢቴ 36:32

Tani hayssa ooththizay intte gishshas gidonttayssa erite; intteno Isra7eele asatoo! Intte intte ooson yeellatitenne bashashettite; tani Ubbaa Haariza GODAY hayssa yootays› gees.

ኬሳ ማጻፋ 8:10

Histtiin kawozi, «Wonto gido» gides. Museykka, «GODAA nu Xoossa malay oonikka bayndayssa neni erana mala ne gida mala ooththana.

ኬሳ ማጻፋ 9:14

Ne yeddontta ixxiko ne bolla, daannata bollanne ne asaa bolla ta wolqqama hanqo ha7i yeddana; hessankka biitta bollan ta malay bayndayssa neni erana.

1ካዎታ ማጻፋ 8:23

histtidi, «Abeet GODAWU, Isra7eele Xoossawu! Bolla salon woykko garsa sa7an ne mala Xoossi deenna; ba kumeththa wozinan ne sinththan minni eqqida ne oosanchchatas ne caaqqida qaalaa naagizaynne ne mino siiqoza qonccisizay nena.

ዳኔላ ቲንቢቴ 2:45

Asi bochchontta dishin zuma bollafe dhoqallettidi biratappe, xarqimalappe, mana urqqafe, birappenne worqqafe oosettida misleza liiqisida shuchcha ajjuuta birsheththay hayssa; gita Xoossay buro sinththafe hananayssa kawo nena bessides; agumozikka tuma; iza birsheththazikka ammanththizaaza» gi yootides.

ኬሳ ማጻፋ 8:6

Histtiin Aarooney Gibxe haaththata bolla ba kushe piddisiin ooqqarsi kezidi Gibxe biitta may7ides.

ዛሬ ማጻፋ 4:39

«Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite.

2ሳሜላ ማጻፋ 22:32

GODAAPPE attiin hara Xoossi oonee? nu Xoossaafe attiin zaallay oonee?