2ሳሜላ ማጻፋ 2:26 - Geeshsha Maxaafa

²⁶ Abineeri Iyo7aabe xeygidi, «Nuni mernaas ola olettishe daanee? Izas wurseththa gatey camo gididayssa ne waanada erontta aggadii? Ne asay ba ishata gooddizayssa aggana mala ne isttas azazo immonttay awude gakkanaassee?» gides.

ጋሞ ማጻፋ

²⁶ ኣቢኔሪ ኢዮኣቤ ጼይጊዲ፥ «ኑኒ ሜርናስ ኦላ ኦሌቲሼ ዳኔ? ኢዛስ ዉርሴ ጋቴይ ጫሞ ጊዲዳይሳ ኔ ዋናዳ ኤሮንታ ኣጋዲ? ኔ ኣሳይ ባ ኢሻታ ጎዲዛይሳ ኣጋና ማላ ኔ ኢስታስ ኣዛዞ ኢሞንታይ ኣዉዴ ጋካናሴ?» ጊዴስ።

2ሳሜላ ማጻፋ 2:26 Referans Kwoze

ኤርማሳ ቲንቢቴ 46:14

«Hayssa Gibxen yoota; qasse Gibxe katamatan Migidoolen, Memppisaninne Xaafinaasen awajja. Intte yuushon dizayta mashshay maana giigettida gishshas intte dizason dizason giigetti uttite.

ሃዋሬታ ኦሶ 7:26

Wonteththa gallas qasseka Isra7eele naytappe nam7ati ba giddon ooyettishin gakkidi ooyettizayta giigsanaas koyidi, ‹Hayto asatoo! Intte intte garsan issoy issaara ishantta; intte waanidi issoy issaa qoheetii?› gides.

ኤርማሳ ቲንቢቴ 46:10

He gallassay GODAA Ubbaafe Wolqqama Xoossa gallassa; izi ba morkketa bolla halo kessiza gallassa; mashshay kallana gakkanaas maana; saamo alana gakkanaaska suuth uyana; GODAY Ubbaafe Wolqqama Xoossay pudeha baggan Efiraaxise Shaafa matan isttas yarsho giigsi woththides.

ሆሴኤ ቲንቢቴ 11:6

Istta iita halchcho gishshas Morkke tooray istta katamata olana; istta katamata pengetakka menththereththi yeggana. Isttika mulera dhayana.

ኤርማሳ ቲንቢቴ 12:12

Bazzon diza zumbullata bollafe dhayssizayti yaana; gaasoykka GODAA mashshay biitta ha gaxaappe he gaxa gakkanaas maana. Hessa gishshas oonikka attanaas dandayenna.

ኤርማሳ ቲንቢቴ 4:21

Tani ayde gakkanaas ola malata xeellanee? ta ayde gakkanaas zaye giiris siyanee?

ኤርማሳ ቲንቢቴ 2:30

Tani intte nayta coo mela qaxxayadis; istti gidikko baaybeettenna; gafida gaammo mala intte mashshay intte nabeta mides» gees.

ኢሳያሳ ቲንቢቴ 1:20

Intte taas akkay gi makkalliko mashshay inttena maana; hayssa yootiday tana GODAA» gides.

ሌሚሶ ማጻፋ 17:14

Oosh doomeththi eele haath pogi yeddo mala; hessa gishshas ooshshi medhettanaappe kasetada kichchaycha.

ዬ ማጻፋ 4:2

Intteno asatoo! Intte awude gakkanaas ta bonchcho kawushshanee? Intte awude gakkanaas hada miish siiqanee? Intte awude gakkanaas wordo miish kaallanee?

ኢዮቤ ማጻፋ 19:2

«Intte tana awude gakkanaas waayisandetii? Awude gakkanaas yo7on taas meqeth menththandetii?

ኢዮቤ ማጻፋ 18:2

Iyoobee! Ne ays hayssa mala haasaya darsay? Ane ezga; nunikka haasayoos.

2ሳሜላ ማጻፋ 11:25

Dawiti kiitetti yidayssas, «Neni Iyo7aabes, ‹Ay wode gidiinkka mashshay issito hessafe woykko hayssafe mees; hessa gishshas hayssa ha hanozan kayottofa; katamayo ola oykkanaassinne dhayssanaas minna› gaada minththeththa» gides.

2ሳሜላ ማጻፋ 2:16

Hessafe guye issoy issoy ba morkke hu7e oykkidi mashshan millera caddishe issife oyketti kundida. Hessa gishshas Geba7oonen diza he biittazi, «Mashsha biitta» geetettides.

2ሳሜላ ማጻፋ 2:14

Hessafe guye Abineeri Iyo7aabes, «Ane nu baggafenne intte baggafe naateththa nayti dendidi nu sinththan ola tiran gayttetto» gides. Iyo7aabey, «Ero gayttetto» gides.

2ሳሜላ ማጻፋ 2:25

Hessafe Biniyaame asay Abineerekko shiiqidi zumbullaza xeeran issino gididi salfides.

2ሳሜላ ማጻፋ 2:27

Iyo7aabeykka zaaridi, «De7o Xoossay beyiin, ne hayssa yootontta aggidaakko asay wonttana gakkanaashe ba ishata goodo aggenna» gides.