2ሳሜላ ማጻፋ 19:8 - Geeshsha Maxaafa

⁸ Hessa gishshas kawozi penge lanqen uttiin derezas, «Hekko kawozi penge lanqen uttides» geetetti yootettiin derezi ubbay kawozaakko yides. He wode kumeth Isra7eele asay baso baso baqatides.

ጋሞ ማጻፋ

⁸ ሄሳ ጊሻስ ካዎዚ ፔንጌ ላንቄን ኡቲን ዴሬዛስ፥ «ሄኮ ካዎዚ ፔንጌ ላንቄን ኡቲዴስ» ጌቴቲ ዮቴቲን ዴሬዚ ኡባይ ካዎዛኮ ዪዴስ። ሄ ዎዴ ኩሜ ኢስራኤሌ ኣሳይ ባሶ ባሶ ባቃቲዴስ።

2ሳሜላ ማጻፋ 19:8 Referans Kwoze

2ሳሜላ ማጻፋ 18:24

Dawiti kare bagga pengefenne giddo pengefe giddon dishin zabezi dirsaa gimbe bolla diza shakko kaara kezidi kare xeellishe issi asi barkka woxxizayssa be7ides.

2ሳሜላ ማጻፋ 18:4

Kawozikka, «Inttes lo7o misati beettiza ubbaa ta ooththana» gides. Hessa gishshas derey ubbay xeetan xeetan, shiyan shiyan shaaketti shaaketti salfi keziza wode kawozi gimbeza pengen eqqi dees.

2ካዎታ ማጻፋ 14:12

Yuhuday Isra7eelen xoonettides; asay issoy issoy baso baso baqatides.

1ካዎታ ማጻፋ 22:36

Arshey wullanaas matishin ola asaa giddon, «Asay ubbay ba katamaa katamaa bo! Asay ubbay ba dere dere simmo!» giza waasoy siyettides.

2ሳሜላ ማጻፋ 19:3

He gallas olappe yeellatishe katama geliza asa mala dereykka shaaphettishe katama gelides.

2ሳሜላ ማጻፋ 18:17

Abeseloome wora giddo efidi ciimma ollan yeggida; gita shuchchata iza bolla doorida. He wode Isra7eele asay ubbay baso baso baqatides.

2ሳሜላ ማጻፋ 15:2

Abeseloomey maalado wonttara dendidi katama penge gelththiza oge gaxan eqqi naagees. Ay asikka ba misha kawos magannidi pirdisana yiza wode ubbaan Abeseloomey izaade baakko xeygi xeygidi, «Ne awa katamappe yadii?» gi oychchees; he oyshettida addezikka, «Ta ne oosanchchay Isra7eele qommota garsafe issaafe yadis» gi zaarees.

1ሳሜላ ማጻፋ 4:10

Histtiin Filisxeeme asay olettides; Isra7eele asay xoonettidi issoy issoy baqati ba dunkaanen gelides; daro asay wurides; Isra7eeleppe 30,000 olanchchati hayqqida.

2ካዎታ ማጻፋ 8:21

Hessa gishshas Iyoraamey para-gaareta ubbaa shiishshidi Xa7ire bolla worajjides; Eedoome dere asay izanne para-gaareta azazizayta giddoththides; izinne para-gaare azazizayti gidikko giddoth dendidi bana giddoththidayta xooni kezi bida; iza olanchchati baqatidi guye simmida.