2ሳሜላ ማጻፋ 19:30 - Geeshsha Maxaafa

³⁰ Memfebostey kawoza, «Ta godaa kawoo! Izi hashshu lo7on simmides; ubbaaka izi ekko» gides.

ጋሞ ማጻፋ

³⁰ ሜምፌቦስቴይ ካዎዛ፥ «ታ ጎዳ ካዎ! ኢዚ ሃሹ ሎኦን ሲሚዴስ፤ ኡባካ ኢዚ ኤኮ» ጊዴስ።

2ሳሜላ ማጻፋ 19:30 Referans Kwoze

ፒሊጲሲዮሴ ኣሳስ 1:20

Ta ay ogerakka yeellatontta mala mino ufayssinne laamotay taas dees; gido attiin kasekka hachchika, ta hayqqiinka paxa diinka Kirstoosi ta ashon bonchchettanayssa tani xalateththan haasayays.

ሃዋሬታ ኦሶ 20:24

Gido attiin Godaa Yesusi taas immida woththaa woxxa wursana gakkanaassinne oosoza ta polana gakkanaas tani ta shemppos mishettike; taas imettida oosoykka Xoossaa mishiraachcho qaalaa yootokko.

2ሳሜላ ማጻፋ 1:26

Ta isha Yoonataanee! Tani ne gishshas kayottadis; ne taas keeha al7okoshin; ne siiqoy tana malalisizaazakkoshin macca siiqoppeka keehi aadhdheeskoshin.

2ሳሜላ ማጻፋ 19:29

Kawozikka, «Ne ays yo7o darsay? Neninne Xiibbay iza gadaa ubbaa intte gishetti ekkana mala ta azazadis» gides.

2ሳሜላ ማጻፋ 19:31

Hessaththoka Gala7aade dere as Barziley Erogilime woradappe kawoza moyzanaas izara issife Yordaanoose pinnides.

2ሳሜላ ማጻፋ 9:9

Hessafe guye kawozi Sa7oole aylle Xiibba xeygidi, «Sa7oolessinne izaso asaas diza miish ubbaa ne godaa naaza naa Memfebostes immadis.

2ሳሜላ ማጻፋ 19:18

Kawozaso asaa ehanaassinne izi koyida ubbaa ooththanaas istti zokkora pinnida. Geera naa Shim7ey Yordaanoose pinnides; kawoza sinththan gufannidi,