2ሳሜላ ማጻፋ 15:3 - Geeshsha Maxaafa

³ Hessafe guye Abeseloomey izas, «Be7a! Ne maganazi likkenne bessizaaza; gido attiin kawo wokkaletappe hayssa xeellana asi nees deenna» gees.

ጋሞ ማጻፋ

³ ሄሳፌ ጉዬ ኣቤሴሎሜይ ኢዛስ፥ «ቤኣ! ኔ ማጋናዚ ሊኬኔ ቤሲዛዛ፤ ጊዶ ኣቲን ካዎ ዎካሌታፔ ሃይሳ ጼላና ኣሲ ኔስ ዴና» ጌስ።

2ሳሜላ ማጻፋ 15:3 Referans Kwoze

2ጴጽሮሳ ኪታ 2:10

Harappeka heyti tuna gidida ba asho amo kaallizaytanne Xoossa Godateth kadhizayta pirda gallassas naagi woththides. Heyti wordo astamaareti istti xalatanne otoranchchata gidida gishshas salo bolla isttas godateththi dizayta cayishe babbettenna.

1ጴጽሮሳ ኪታ 2:17

As ubbaaka bonchchite; ammanizayta siiqite; Xoossas babbite; kawo bonchchite.

ሃዋሬታ ኦሶ 23:5

Phawuloosikka isttas, «Ta ishatoo! Izi qeeseta halaqa gididayssa ta erabeekke; gaasoykka, ‹Ne dere halaqa bolla iita qaala gooppa› gizayssi xaafettides» gides.

Maatosa 15:4

Xoossi, ‹Ne aayonne ne aawaa bonchcha; ba aawa bolla woykko ba aayi bolla iita qaala haasaydaadey hayqqo!› gi azazides.

ዳኔላ ቲንቢቴ 11:21

Taas ajjuutaa birshiza kiitanchchazi, «Izappe guye issi kadhettida asi dendana; izas kawoteththa bonchchoy imettibeenna; gido attiin derezi qoppontta saron dishin yiidi genera kawoteththaa oykkana.

ሂዚቄላ ቲንቢቴ 22:7

Aawatinne aayeti ne giddon kawuyida; bete asati un7ettida; yi7otinne am7eti tugga be7ida.

ሌሚሶ ማጻፋ 30:17

«Ba aawa qidhiza naa ayfenne, ba aayo kadhiza naa ayfe kelkan de7iza quuroti woocana; iza ashoza ankkoti maana.

ሌሚሶ ማጻፋ 30:11

Ba aawa qanggizanne ba aayokka anjjontta yeletay dees.

ሌሚሶ ማጻፋ 12:2

Lo7o asi GODAAPPE saba demmees; gido attiin GODAY genanchchata pirdees.

ዬ ማጻፋ 12:2

Issoy issaas wordo haasayees; issoy issaa doonan cimmeettes;

2ሳሜላ ማጻፋ 8:15

Dawiti kumeththa Isra7eele bolla kawotides; deraas suure pirdanne woga essides.

ታይቦ ማጻፋ 16:3

Isttika Muse sinththaninne Aaroone sinththan shiiqidi isttas, «Intte mulekka wogappe aadhdhideta! Hayssi derezi ubbay GODAAS dummatida dere; GODAYKKA isttara dees; histtiin intte GODAA deraa bolla aazas inttena dhoqqu dhoqqu histteetii?» gida.

ኬሳ ማጻፋ 21:17

«Ba aawa woykko ba aayo cayizaadey hayqqo.

ኬሳ ማጻፋ 20:12

«GODAA ne Xoossay nees immiza biittan ne daro layth daana mala, ne aawaanne ne aayo bonchcha.

2ሳሜላ ማጻፋ 15:4

Kaaleththidikka, «Tani hanno biittay bolla pirdiza daanna gida shuumettidaakko aazee dizay? Maganay woykko mootoy diza asi ubbay taakko yiidi suure pirda demmana mala ta ooththanakkoshin» gees.