2ሳሜላ ማጻፋ 13:9 - Geeshsha Maxaafa

⁹ Hessafe guye basheza kessada solloza izas shiishshadus; gido attiin izi maana koyibeenna. Aminooney, «Ubba asaa hayssafe kessite» gides; diza asay ubbayka iza yeggi kezides.

ጋሞ ማጻፋ

⁹ ሄሳፌ ጉዬ ባሼዛ ኬሳዳ ሶሎዛ ኢዛስ ሺሻዱስ፤ ጊዶ ኣቲን ኢዚ ማና ኮዪቤና። ኣሚኖኔይ፥ «ኡባ ኣሳ ሃይሳፌ ኬሲቴ» ጊዴስ፤ ዲዛ ኣሳይ ኡባይካ ኢዛ ዬጊ ኬዚዴስ።

2ሳሜላ ማጻፋ 13:9 Referans Kwoze

ሜቴ ማጻፋ 45:1

He wode Yooseefey he asaa ubbaa sinththan genccana dandayontta gishshas, «Asa ubbaa ta sinththafe kessite» gi waassides. Hessa gishshas Yooseefey bana ba ishatas erisishin ishatappe attiin haray izara oonikka deenna.

ዮሃኒሳ ሚሺራቾ 3:20

Iita ooththizaadey wurikka poo7o dosenna. Izi ooththiza iita oosoy qoncce kezontta mala izi ba hu7es poo7oy dizaso kezenna.

ዳናታ ማጻፋ 3:19

Gido attiin Ehuudey Gelgela matan diza masetti eqqida shuchchata matappe Egiloonekko guye simmi biidi, «Kawontoo! Tani inttes yootana xuura miishshi dees» gides. Histtiin kawoy, «Co7u ga!» gides; iza naagizayti ubbay kare kezida.

2ሳሜላ ማጻፋ 13:8

Hessa gishshas Ti7imaara izi isha Aminooney ichchi dizaso badus; guuththa bukeeso ekkada munuqidaappe guye izi be7ishin giigsada uukkadus.

2ሳሜላ ማጻፋ 13:10

Hessafe guye Aminooney Ti7imaaro, «Tana barsana mala kaththaa haa ta ichchida kifile ekka ya» gides; Ti7imaara ba giigsida qumaa ekkada ba isha Aminooney ichchida kifile geladus.