2ሳሜላ ማጻፋ 13:37 - Geeshsha Maxaafa

³⁷ Abeseloomey gangidi Geeshure kawo Amihuude naa Talimayekko bides; gido attiin Dawiti hayqqida naaza gishshas ubba wode yeekkishe gam7ides.

ጋሞ ማጻፋ

³⁷ ኣቤሴሎሜይ ጋንጊዲ ጌሹሬ ካዎ ኣሚሁዴ ና ታሊማዬኮ ቢዴስ፤ ጊዶ ኣቲን ዳዊቲ ሃይቂዳ ናዛ ጊሻስ ኡባ ዎዴ ዬኪሼ ጋምኢዴስ።

2ሳሜላ ማጻፋ 13:37 Referans Kwoze

2ሳሜላ ማጻፋ 3:3

Nam7anththo naazi Qarmeloose dere as Naabaale machcho Abigaalippe Kil7aabey yelettides; heedzdzanththo naazi Geeshure kawo Talimaye biyo Ma7ikippe Abeseloomey yelettides.

1ታሪኬ ማጻፋ 3:2

Heedzdzanththoza Abeseloome Geeshure kawo Talimaye naa Ma7ikippe yelides. Oydanththoza Adoniyaasa Hagitippe yelides.

2ሳሜላ ማጻፋ 14:32

Abeseloomey Iyo7aabes zaaridi, «Tani kiittiin neni yontta ixxida gishshassa; Hanno gakkanaas ta heen dizaakko taas lo7o gidana gides gaada ne kawos yootana mala, ‹Ta nena kawozaakko yeddana koyada nena haa ya› gaada xeygisadis; ha7i gidikko ta kawoza ayfeso be7ana koyays; ay mooroy ta bolla beettiko izi tana wodho» gides.

2ሳሜላ ማጻፋ 14:23

Hessafe guye Iyo7aabey Geeshure biidi Abeseloome Yerusalaame zaari ehides.

2ሳሜላ ማጻፋ 13:34

Abeseloomey eeson baqatides. Zabe naagizayssi dhoqqu gi xeellishin izappe arshey wulliza baggara diza ogera daro asati zumaa millera duge wodhdhishin be7ides. Zabe naagizayssi biidi kawozas, «Horonaye baggara zumbullata tiixara asay duge bishin ta be7ays» gi yootides.

2ሳሜላ ማጻፋ 13:36

Izi buro yooti wursontta dishin kawoza nayti waassishenne yeekkishe gelida; hessaththoka kawozinne iza oosanchchati ubbay keehippe yeekkida.

2ሳሜላ ማጻፋ 14:13

Maccassaya zaarada izas, «Neni hayssa mala yo7o Xoossa deraa bolla aazas qoppadii? Kawozi dereppe goodetti bete bida ba naaza zaaribeenna; histtiin hessa izi yootishe barkka ba bolla pirdibeennee?

2ሳሜላ ማጻፋ 15:8

Tani ne oosanchchay Aaraame deren Geeshuren dashe, ‹GODAY tana Yerusalaame zaarizaa gidikko GODAAS Kebroonen goynnana› ga adinettadis» gides.