2ጴጽሮሳ ኪታ 2:4 - Geeshsha Maxaafa

⁴ Haray attoshin nagara ooththida kiitanchchatas Xoossi mishettontta istti ciimma gidida dhuma olla giddon de7idi pirda gallas gakkanaas naagettana mala gede gaannamen yeggides.

ጋሞ ማጻፋ

⁴ ሃራይ ኣቶሺን ናጋራ ኦዳ ኪታንቻታስ ጾሲ ሚሼቶንታ ኢስቲ ጪማ ጊዲዳ ማ ኦላ ጊዶን ዴኢዲ ፒርዳ ጋላስ ጋካናስ ናጌታና ማላ ጌዴ ጋናሜን ዬጊዴስ።

Gamo Geesha Maxxafa New Testamen

⁴ Haray atto shin nagara oothida kiitanchatas Xoossi michetontta istta ciimma gidida dhuma olla giddon de7idi pirda gallas gakkans naagistana mala gede gaannamen yegides.

2ጴጽሮሳ ኪታ 2:4 Referans Kwoze

ዩሁዳ ኪታ 1:6

Hessaththoka ba bonchcho naagontta ixxidi ba dizaso yeddida kiitanchchata intte yuushshi qopite; Xoossi istta gita pirdaa gallas gakkanaas mernaa qashos girdi gida dhuman naagi woththides.

Maatosa 25:41

«Qasseka hadirsa baggara dizaytas, ‹Intteno qanggettidaytoo! Taappe shaakettidi Daabulosassinne iza kiitanchchatas giigettida mernaa taman biite gaana.

ኦሮሜ ኣሳስ 8:32

Ba naazas mishettontta nu gishshas aaththi immiday iza; histtiin ubba miish nuus izara kiyateththan wursi aazas immennee?

ኢሳያሳ ቲንቢቴ 14:12

Nenoo wontta naazoo, torojje xoolinttezoo, ne waanada saloppe duge kundadii? Kawoteththata kawushshida neni waanada duge yegettadii!

ዮሃኒሳ ኣጁታ 20:10

Kase istta baleththida Daabulosi he do7azinne wordo nabezi dizasoy diinen eexxiza tama abba giddon yegettida; istti heen qammanne gallas mernaappe mernaa gakkanaas xuugettana.

ሂዚቄላ ቲንቢቴ 7:4

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana› gees.

ሉቃሳ ሚሺራቾ 10:18

Izikka isttas, «Xala7ey wolqqanththa mala saloppe kundishin ta beyadis.

ሂዚቄላ ቲንቢቴ 5:11

Hessa gishshas Ubbaa Haariza GODAY, tani De7o Xoossa gididayssan caaqqays: neni ta Keeththa tuna misletaninne harassiza ne ooso ubbaan tunisida gishshas ta nena buuca dhayssana; ta nena qadheta ayfen xeellikenne maarikke.

ኢዮቤ ማጻፋ 4:18

Xoossi baas ooththizaytan ammanettontta aggiko, ba kiitanchchata bollaka izi mooro miish demmizaaz gidikko,

1ዮሃኒሳ ኪታ 3:8

Nagara ooththizay Xala7eppe; gaasoykka Xala7ey koyroppeka nagara ooththizaade; Xoossa nay qonccidaykka Xala7e ooso laallanaassa.

2ጴጽሮሳ ኪታ 2:11

Kiitanchchati isttafe bollara wolqqaynne godateththi dizayta gidikkoka Godaa sinththan istta bolla kadhe qaala kessi mootettenna.

2ጴጽሮሳ ኪታ 2:5

Hessaththoka xilloteththa gishshas sabaake gidida Nohe hankko laappun asatara ashshidi Xoossas goynnontta asati diza alameza bolla dhayssiza haaththe ehishe qadhettidi kase he wode alameza maaribeenna.

ሉቃሳ ሚሺራቾ 8:31

Daydanththatikka bana wurseththi baynda ciimma ollan yeggontta mala minththidi woossida.

ዮሃኒሳ ሚሺራቾ 8:44

Intte intte aawaa Xala7e nayta; intte aawaa amo polana koyeeta; izi kasekka shemppo wodhidaade. Iza achchan tumay dontta gishshas izi tuman eqqibeenna; izi ba hu7es wordanchchanne wordo aawaa gidida gishshas izi wordo haasaya baappe medhdhi ekkidi haasayees.

ማርቆሳ ሚሺራቾ 5:7

Keehi waassidi, «Haysso wogga Xoossa Naa Yesusa, nees tanara aazi dizee? Xoossa sunththan ta nena woossays tana waayisoppa» gides.

Maatosa 8:29

Isttika, «Xoossa Nawu! Nees nunara aaza issifeteththi dizee? Wodey gakkontta dishin nuna xuuggana yadii?» gi waassida.

ዩሁዳ ኪታ 1:13

Istti yeellachchiza ba oosoza wolqqama abba dambala mala goppontto coppu histtizayta; girdi gida dhumay istta mernaas naagizayssanne coo mela waayettiza xoolintteta malakko!

2ጴጽሮሳ ኪታ 2:9

Histtiin hessi wurikka hessa mala gidikko Goday baas goynnishe diza asata paaceppe ashshanayssanne nagaranchchatakka wostti qaxxayanaakkonne pirda gallassas wostti istta naagidi gaththanaakko hessa izi erees guussa.

ሂዚቄላ ቲንቢቴ 7:9

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana.

ኢዮቤ ማጻፋ 21:30

Heyti, ‹Iita asata bolla boshay yiza wode qohoy istta gakkenna; Xoossa hanqoy qoncciza wode istti atti baana› giidi haasayda.

ዛሬ ማጻፋ 29:20

Hessa mala as GODAY mulekka maarenna; GODAA hanqoy izaade bolla tama mala eexxana; hayssa ha maxaafan xaafettida qanggeththi izaade bolla wodhdhana; salo garsafe iza sunththaa GODAY dhayssana.

ኦሮሜ ኣሳስ 11:21

Xoossi koyroppe diza haggatas mishettonttaade gidikko intteska mishettenna.

ዬ ማጻፋ 78:50

Ba hanqozas oge giigsides; istta iita harges aaththi immides; gido attiin hayqoppe ashshibeenna.