2ካዎታ ማጻፋ 1:2 - Geeshsha Maxaafa

² He wode Akaziyaasi Samaariyan diza ba ilpinne pooqe bollafe maskootera duge kundidi sakettides; hessa gishshas izi, «Ane intte biidi ta sakoza gishshas ta paxanaakko Aqaroone eeqa xoossa Ba7aali-Zeebula taas oychchite» giidi as kiittides.

ጋሞ ማጻፋ

² ሄ ዎዴ ኣካዚያሲ ሳማሪያን ዲዛ ባ ኢልፒኔ ፖቄ ቦላፌ ማስኮቴራ ዱጌ ኩንዲዲ ሳኬቲዴስ፤ ሄሳ ጊሻስ ኢዚ፥ «ኣኔ ኢንቴ ቢዲ ታ ሳኮዛ ጊሻስ ታ ፓጻናኮ ኣቃሮኔ ኤቃ ጾሳ ባኣሊ-ዜቡላ ታስ ኦይቺቴ» ጊዲ ኣስ ኪቲዴስ።

2ካዎታ ማጻፋ 1:2 Referans Kwoze

2ካዎታ ማጻፋ 1:16

Izi kawozas, «GODAY, ‹Neni Aqaroone eeqa xoossa Ba7aali-Zeebula ne gishshas oychchanaas asata kiita yeddiday Isra7eelen Xoossi baynda gishshassee? Neni hessa ooththida gishshas ha7i ne ichchida hiixaappe mulekka dendaka; tumu ne hayqqana› gides» giidi yootides.

ማርቆሳ ሚሺራቾ 3:22

Yerusalaameppe yida xaafetikka, «Bi7elizeebula geetettiza daydanththata halaqay iza bolla dees. Izi daydanththata kessizay daydanththata halaqa wolqqankko!» gida.

Maatosa 10:25

Tamaarey bana tamaarsizayssa mala woykko ashkaray ba godaa mala gidikko hessi izas gidana. Keeththa aawa, ‹Bi7elizeebula› giikko iza soo asaa ays hessafe iita geetenne!

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ሉቃሳ ሚሺራቾ 11:15

Gido attiin issi issi asati, «Bi7elizeebula geetettiza daydanththata halaqan daydanththata kessees» gida.

ኢሳያሳ ቲንቢቴ 37:12

Kase ta aawati dhayssida Gozaanen, Kaaraaneninne Erafesen hessaththoka Talasaaren de7iza Edene asaa istta xoossati he biittata ashshidoo?

2ካዎታ ማጻፋ 1:6

Isttika izas, «Issaadey nunara gayttanaas yiidi GODAY, ‹Intte inttena kiitti yeddidayssako simmi biidi Aqaroone eeqa xoossaa Ba7aali-Zeebula oychchanaas neni as kiittiday Isra7eelen Xoossi baynda gishshassee? Hessa gishshas ne ichchida hiixaappe dendaka; tumappe ne hayqqana› gides» gida.

2ካዎታ ማጻፋ 1:3

GODAA kiitanchchay Tesibe dere as nabe Eelaasas, «Neni dendada Samaariya kawoy kiittida asatara gayttanaas keza baada he asatas, ‹Intte Aqaroone eeqa xoossaa Ba7aali-Zeebula oychchanaas bizay Isra7eelen Xoossi baynda gishshassee?› gaada istta oychcha.

1ካዎታ ማጻፋ 11:33

Ta hayssa ooththanaas gaasoykka Solomooney tana aggidi Sidoonata xoos Astarootes, Mo7aabeta xoos Kamooshessinne Amooneta xoos Molookes goynnida gishshassa; qasseka ta ogen hemettontta, ta sinththan suure ooso ooththontta aggidi iza aawa Dawiti naagida mala ta wogatanne maarata naagontta ixxida gishshassa.

ሃዋሬታ ኦሶ 20:9

Awuxekise geetettiza issi naateththa nay maskoote bolla utti dishin Phawuloosi yo7oza adussidayssafe dendidayssan iza dhiskoy ekki bides; wolqqama dhiskon xoonettidi bolla heedzdzanththo fooqeppe duge kundiin asay denththiza wode hayqqi beettides.

Siiqo Saba 2:9

Ta siiqozi Wusha laaqqa woykko genessa laaqqa misatees. Be7ite! Izi nu keeththa daaranchchan eqqides; maskootera soo xeellees; magalasha xoo7era xuulungi xeellees.

ኢዮቤ ማጻፋ 31:3

Iita asa bolla qohoy, nagaranchcha asa bollaka dhayoy gakkanayssi erettidaaz gidennee?

1ካዎታ ማጻፋ 22:34

Issaadey coo ba wondafe olanchchata bolla yeddiin Isra7eele kawozas ola may7oy gayttizasora dukkides; hessa gishshas Isra7eele kawoy ba gaareza laaggizayssas, «Gaareza guye zaarada tana olaa giddofe kessa; ays giikko tani iita cach cadettadis» gides.

1ካዎታ ማጻፋ 14:3

Tammu uketh, guuththa daabbonne issi oto ees ekkada izakko ba; izi naaza bolla gakkanayssa nees yootana» gides.

1ሳሜላ ማጻፋ 5:10

Hessa gishshas Xoossa Caaqo Qaala Taabotaa Aqaroone yeddida; Taabotay hee gakki gelishin Aqaroone derey, «Isra7eele Xoossa Caaqo Qaala Taabotaa istti nu bolla ehiday nunanne nu deraa wursanaassa» giidi waassida.

ዳናታ ማጻፋ 11:24

Nees ne xoos kamooshey immizayssa ekkada shempa uttikii? Nuni gidikko GODAA nu Xoossay nuus immidayssa ubbaa laattana.

ዳናታ ማጻፋ 5:28

«Sisaara aayeya maskootera be7adus; maskoote xoo7erakka tishshi histta xeellashe, ‹Ta naaza para-gaarey ays gam7idee? Para-gaareti eesotidi ays simmibeettennee?› gaada waassa oychchadus.

ኢሳያሳ ቲንቢቴ 2:6

GODAWU! Neni ne asaa Yaaqoobe zareta aggadasa. Istti arshey mokkiza baggara diza asata mala bitan kumida; Filisxeeme asaa mala muurenneettes. Istti allagara issife zuppeteettes.

ኢያሶ ማጻፋ 15:11

Qasse Aqaroones pudeha baggara diza dugunththaara kanththidi Shikaroonekko mirqqettidi Ba7aala zuma bollara aadhdhi biidi Yaabin7eele gakkees; hessafe guye zaway biidi abbaan eqqees.

1ካዎታ ማጻፋ 22:40

Akaabey hayqqidi ba aawatan gayttides; iza naa Akaziyaasi izasohon kawotides.

2ካዎታ ማጻፋ 17:16

GODAY istta Xoossay istta azazidayssa ubbaa polibeettenna; mara misle nam7atanne asheeri misle ooththida. Salo xoolinttessinne ba7aales goynnida.

ኢሳያሳ ቲንቢቴ 19:3

Gibxeta wozinay labettana; tani istta halchcho hada ooththana. Istta eeqa xoossatanne moytilleta, tuna ayana xeygizaytanne marota zore oychchana.