2ቆሮንቶሴ ኣሳስ 7:7 - Geeshsha Maxaafa

⁷ Nuni minettiday iza yuussan xalla gidontta dishin intte iza minththeththidayssa nu gujji siyida gishshassa; intte tana laamotidayssa taas qadhettizayssa qoppizayssaka izi nuus yootiin siyada tani daro ufayettadis.

ጋሞ ማጻፋ

⁷ ኑኒ ሚኔቲዳይ ኢዛ ዩሳን ጻላ ጊዶንታ ዲሺን ኢንቴ ኢዛ ሚንዳይሳ ኑ ጉጂ ሲዪዳ ጊሻሳ፤ ኢንቴ ታና ላሞቲዳይሳ ታስ ቃቲዛይሳ ቆፒዛይሳካ ኢዚ ኑስ ዮቲን ሲያዳ ታኒ ዳሮ ኡፋዬታዲስ።

Gamo Geesha Maxxafa New Testamen

⁷ Nuni minettiday iza yuussan xalala gidontta dishin inte iza mintthethidayssa nu guji siyida gishshiko. Inte tana laamotidayssane inte taas qadhetizayssane qopizayssaka izi nuusu yootin siyada tani daro ufa7istadis.

2ቆሮንቶሴ ኣሳስ 7:7 Referans Kwoze

ዩሁዳ ኪታ 1:3

Ta siiqotoo! Nu issife attida atoteththaa gishshas ta inttes xaafanaas daro koyadisishin ha7i qasse nam7anththontta issito Xoossi asas immida ammano gishshas intte daro baaxetana mala ta inttena zorays. Ta inttes xaafanaas taas tooho gidides.

2ቆሮንቶሴ ኣሳስ 5:2

He wodey gakkanaas nu keeththaa saloyssa may7anaas nu laamoti naagoos.

2ዮሃኒሳ ኪታ 1:4

Ne naytappe baggayti Aawappe nuus imettida azazoza mala tumaan minni dizayta ta be7ida gishshas daro ufayettadis.

ያቆቤ ኪታ 5:17

Eelaasi nu malakka asa; izi iray bukkontta mala minththi woossiin biitta bolla heedzdzu layththinne bagga gakkanaas iray bukkibeenna.

Ibirawe 2:1

Hessa gishshas nuni siyida qaalaappe balettidi kundontta mala nu siyida qaalaa lo7eththi naaganaas bessees.

1ታሶሎንቄ ኣሳስ 3:8

Intte Godaan minni eqqida gishshas tumappe ha7i nu paxa daana.

1ታሶሎንቄ ኣሳስ 3:6

Ha7i qasse Ximtoosi intte achchafe nuukko yiidi intte ammano gishshassinne intte siiqoteththaa gishshas lo7o wore nuna sissides. Qasseka intte ubba wode nuna lo7eththi qoppizayssanne nunikka inttena beyanaas laamotiza mala intteka nuna beyanaas laamotizayssa nuus yootides.

ቆላሲያሴ ኣሳስ 2:5

Ta inttefe asho ayfen haakka diikkoka Ayanan inttenara issife days; intte wogara dizayssanne intte Kirstoosa lo7eththi ammanizayssa beyada ta daro ufayettays.

ፒሊጲሲዮሴ ኣሳስ 1:20

Ta ay ogerakka yeellatontta mala mino ufayssinne laamotay taas dees; gido attiin kasekka hachchika, ta hayqqiinka paxa diinka Kirstoosi ta ashon bonchchettanayssa tani xalateththan haasayays.

2ቆሮንቶሴ ኣሳስ 8:16

Tani inttes qoppizayssa mala Titoosaykka inttes wozinappe qoppana mala ooththida Goday galatetto.

2ቆሮንቶሴ ኣሳስ 2:9

Ta hayssa inttes xaafiday intte inttena gakkiza paace xoonidi ubbaan intte azazettizaakko eranaassa.

2ቆሮንቶሴ ኣሳስ 1:14

Intte nunan ceeqettizayssa mala nunikka inttenan ceeqettizayssa ha7i wursi erontta aggikokka Godaa Yesusi simmi yiza gallas wursika erana.

ኦሮሜ ኣሳስ 1:12

Hessika intteninne tani issoy issaara ammanon minettanaassa.

ሃዋሬታ ኦሶ 11:23

Izikka hee bi gakkidi Xoossi ba aadho kiyateth deraas immidayssa be7idi ufayettidessinne asay wurikka kumeththa wozinappe Godaa ammanon minnana mala zorides.

ሉቃሳ ሚሺራቾ 22:44

Izikka keehi xuugettidi woossishin iza asateththaafe caway suuththa mala gukkides.

Maatosa 26:75

He wode Yesusi kase Phexroosas, «Kuttoy waassanaas ne tana heedzdzuto kaddana» giidi yootida qaalay qofettiin, Phexroosi kare kezidi camo yeeho yeekkides.

Maatosa 5:4

Qadhettizayti anjjettidayta, ays giikko istti minettana.

ዬ ማጻፋ 141:5

Xillo asi tana qaxxayo; hessika taas lo7o; izi tana seerikko hessi ta hu7en zayte tiyiza mala; hessaka ta ixxike; gido attiin tani ubbatokka iita asata ooso bolla woossays.

ዬ ማጻፋ 51:1

Abeet Xoossawu! Ne mernaa siiqoza mala tana maara; ne qadheta daron ta mooroza qucca.

ዬ ማጻፋ 38:18

Ta nagaray tana metides; hessa gishshas ta qoho ta nees paaxays.

ዬ ማጻፋ 30:5

Iza hanqoy guuththa wodessa, gido attiin iza kiyateththi de7o layth ubbaassa; omars yeekkishe aqikkoka maalado zaway baynda ufays gidees.

1ቆሮንቶሴ ኣሳስ 5:2

Histtiin hessa mala yeellachchiza miishshi intte giddon dishin aazas otoreteetii? Hessafe he yo7ozan intte muuzottanaas inttes bessennee? Hessa mala ooththidaade intte garsafe diggite.

2ቆሮንቶሴ ኣሳስ 1:4

Nunikka nu baggara Xoossafe demmida minoteththan metotetizayta minththeththanaas dandayana mala nu meton izi nuna minththeththees.

2ቆሮንቶሴ ኣሳስ 7:6

Gido attiin muuzottidayta minththeththiza Goday Titoosa yuussan nuna minththeththides.

2ቆሮንቶሴ ኣሳስ 7:8

Tani hayssafe kase inttes xaafida kiitay inttena mishisidaa gidikkoka he kiita xaafida gishshas tani hessaththo aazas xaafadinaa gaada modhettike; modhettikokka ta modhettanay guuththa wodes intte tana mishisida gishshassa.