2ቆሮንቶሴ ኣሳስ 6:7 - Geeshsha Maxaafa

⁷ tuma qaalaninne Xoossa wolqqanna; nu Izan gede oli xooniza ola miishshinne kametti attiza gondalley xilloteththa.

ጋሞ ማጻፋ

⁷ ቱማ ቃላኒኔ ጾሳ ዎልቃና፤ ኑ ኢዛን ጌዴ ኦሊ ጾኒዛ ኦላ ሚሺኔ ካሜቲ ኣቲዛ ጎንዳሌይ ጺሎቴ።

Gamo Geesha Maxxafa New Testamen

⁷ Tuma qaalanine Xoossa woliqaniko. Nu Izan gede oli xooniza ola miisheyne kametti attiza gondaley xiillotethiko.

2ቆሮንቶሴ ኣሳስ 6:7 Referans Kwoze

2ቆሮንቶሴ ኣሳስ 4:2

Gido attiin geemara haniza yeellasiza yo7ota nu aggidos; as baleththoko; Xoossa qaalaa wordora walakkoko; hessa histtanaappe tumu yo7ota qonccera yootishe asi wurikka nu gizayssa ekkana mala nunateththaa Xoossa sinth shiishshoos.

2ጺምቶሳስ 2:15

Tumu Xoossaa qaala yootizaade, yeellachchontta oosanchchanne asi ne gishshas lo7o markkattizaade gidada nenateththaa wursa Xoossa sinth shiishshanaas minna.

ያቆቤ ኪታ 1:18

Nu iza medheteththaas koyro bayrata gidana mala ba sheneninne ba tuma qaalaan nuna yelides.

2ጺምቶሳስ 4:7

Lo7o baaxe ta baaxetadis; ta woxxana woth wursadis; ammanokka naagadis.

1ታሶሎንቄ ኣሳስ 5:8

Nuni gidikko gallassa asata gidida gishshas ammanonne siiqo, tiran may7iza xurure may7o mala may7idi atoteththa hidota hu7en woththiza birata qoobe mala hu7en woththidi ane nunateththaa haaridi de7oos.

ኤፌሶኔ ኣሳስ 3:20

Hessa gishshas nu giddon ooththiza ba wolqqaa gina nu woossizayssafenne woykko nu qoppizayssafe ubbaafe bollara keehi darssi ooththanaas dandayza Xoossaas,

2ቆሮንቶሴ ኣሳስ 13:4

Izi masqale bolla kaqettidi daaburan hayqqikokka ha7i qasse Xoossa wolqqan paxa dees; nunikka izara laafata gidikkoka intte gishshas giidi Xoossa wolqqan minni doos.

ኤፌሶኔ ኣሳስ 1:13

Intteka qasse tumaa qaalaa hessika inttena ashshiza Mishiraachcho qaalaa siyidi Kirstoosan ammanideta; iza ammanidi kase imettana geetettida Xillo Ayana maatamen attamettideta.

2ቆሮንቶሴ ኣሳስ 7:14

Tani inttenan ceeqettizayssa kase Titoosas yoota woththadis; intteka tana yeellasibeekketa; ubba wode ta inttes tuma xalala yootashe days; hessika nuni intte gishshas Titoosas yootida yo7oy tumu giidi ammanettides.

ዬ ማጻፋ 119:43

Tani ne wogan hidota ooththadis; tuma qaala ta doonappe dhayssofa.

Ibirawe 2:4

Xoossi qasseka malaatata, malalisiza miishshata, dumma dumma malaatata oosoninne ba shene mala immida Xillo Ayana imotata baggara istta markkateththaa minththides.

ቆላሲያሴ ኣሳስ 1:5

Hessi wurikka haniday salon inttes giigettida hidotappe dendidayssanna; hessa he hidota gishshas Mishiraachcho qaalaa intte kasetidi siyideta.

ኤፌሶኔ ኣሳስ 4:21

Ee tumukka intte iza gishshas siyidetanne Yesusan diza tumaa izappe tamaardeta.

1ቆሮንቶሴ ኣሳስ 1:24

Xoossi xeygidaytas istti Ayhudata gidiin woykko Girike dere as gidikkoka Kirstoosi Xoossa wolqqanne Xoossa erateththa.

ሃዋሬታ ኦሶ 11:21

Godaa maadoykka isttara dees; qoodan keehi daro asay ammanidi Godaakko simmides.

ማርቆሳ ሚሺራቾ 16:20

Iza kaallizayti hessafe kezidi ubbason aadhdhi aadhdhi sabbakida. Godaykka isttara ooththides. Istta timirteza ekkidi ooththizaytas ba yootida qaalakka malaata ooththi ooththi minththides.

ኢሳያሳ ቲንቢቴ 59:17

Izi xilloteththa xurure mala tiran may7ides; atoteththaa birata qoobe mala ba hu7e bolla woththides. May7o garsara may7iza mala halo keso may7ides; may7o gophi may7iza mala qanaate bollara gophides.

ኢሳያሳ ቲንቢቴ 11:5

Xilloteththi izas xeessa dancco gidana; ammaneteththay izas dabala dancco gidana.

ሌሚሶ ማጻፋ 3:16

Iza ushachcha kushen adussa layth, hadirsa kushen aqotanne bonchcho oykkadus.

ኬሳ ማጻፋ 14:22

Isra7eele asay abbaa giddon mela biittara hemettidi haaththi isttas ushachcharanne hadirsara goda mala eqqiin bida.

2ቆሮንቶሴ ኣሳስ 2:17

Nuni Wodhe demmanaas giidi Xoossa qaala shaqace mala walakereththidi bayziza daro asata mala gidokko; gido attiin Xoossafe kiitettida suure asa mala gididi Kirstoosan Xoossa sinththan suure yootoos.