2ቆሮንቶሴ ኣሳስ 6:10 - Geeshsha Maxaafa

¹⁰ Muuzoy nuna gakkikokka ubba wode ufayettoos; nuni manqoko shin daro manqota dure kessoos; nuus aykkoyka bayndayta shin wurikka nuus dees.

ጋሞ ማጻፋ

¹⁰ ሙዞይ ኑና ጋኪኮካ ኡባ ዎዴ ኡፋዬቶስ፤ ኑኒ ማንቆኮ ሺን ዳሮ ማንቆታ ዱሬ ኬሶስ፤ ኑስ ኣይኮይካ ባይንዳይታ ሺን ዉሪካ ኑስ ዴስ።

Gamo Geesha Maxxafa New Testamen

¹⁰ Muuzoy nuna gakikoka wurso wode ufa7etos. Nu manqoko Shin daro manqota dure Kessos. Nuusu aykoyka baynidaytako shin wurikka nuusu dees.

2ቆሮንቶሴ ኣሳስ 6:10 Referans Kwoze

ዮሃኒሳ ሚሺራቾ 16:22

Hessaththo intteka ha7i muuzotteeta; qasse ta inttena beyana intte wozinaykka ufayettana; intte ufayssaa zaari ekkanaadey deenna.

2ቆሮንቶሴ ኣሳስ 8:9

Intte nu Godaa Yesus Kirstoosa kiyateth ereeta.

ዮሃኒሳ ኣጁታ 2:9

Tani ne waayezanne ne manqoteththaa erays; gidikkoka neni durekko. Ayhuda gidontta dishe bana nuni Ayhudakko giza Xala7e maabara gididayti heyti ne sunth mooroyssa ta erays.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

Ibirawe 10:34

Intte inttes harappe aadhdhiza mernaas daana haaroy dizayssa eriza gishshas qashettidaytas mishettidetanne intte haaroy bonqqettishin ufayssan dandaydeta.

1ጺምቶሳስ 4:8

Asateththaa asho ogen dosisoy guuththa wodes go7ees shin Tumu Ayana duussas bana tamaarsoy gidikko hayssa ha alamezassinne buro yaana duussaas hidotay diza gishshas ubbaas go7ees.

ፒሊጲሲዮሴ ኣሳስ 4:4

Ay wodekka Godaan ufayettite; qasseka ta inttena ufayettite gays.

1ታሶሎንቄ ኣሳስ 1:6

Ha7i intte nunanne Godaa misatideta; intte bolla ay metoy gakkidaa gidikkoka Xillo Ayana ufayssan qaalaa intte ekkideta.

ቆላሲያሴ ኣሳስ 3:16

Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

ፒሊጲሲዮሴ ኣሳስ 2:17

Qasseka inttes Godaan diza ammanoy intte Xoossas shiishshida dumma yarsho mala ta shemppoy intte yarshora issife yarsho mala gukkizaakko inttenara tanikka ufayettana.

ኦሮሜ ኣሳስ 11:12

Gido attiin qasse istta mooroy Ayzaabetas anjjo gidides. Istta kundeththika qasse Ayzaabetas anjjo gidikko istti simmi attidaakko ay mala gita anjjo gidandeeshin!

ሌሚሶ ማጻፋ 16:16

Aadho erateththa demoy worqqa demmizayssafe aadhdhees; akeeka demoy bira demoppeka aadhdhees.

1ጴጽሮሳ ኪታ 4:13

Hessafe bollara Kirstoosa bonchchoy qoncciza wode intte keehi ufayettana mala intte izara iza waayeza ekkizayta gidida mala ufayettite.

2ቆሮንቶሴ ኣሳስ 4:7

Gido attiin hayssi gita wolqqay nuus Xoossafe imettides attiin nuuppe gidonttayssa bessana mala hayssi bonchcho miishshay nunan oto misatizayta giddon dees.

2ቆሮንቶሴ ኣሳስ 2:4

Ta inttes hessaththo xaafishin ta wozinan daro miishshaynne daro qofay kumi dishin daro afunxxashe xaafadis; hessaka ta ooththiday ta inttena daro siiqizayssa intte erana mala gaada attiin inttena mishisanaas gidenna.

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

ኦሮሜ ኣሳስ 12:15

Ufayettizaytara ufayettite; muuzottizaytara muuzottite.

ሃዋሬታ ኦሶ 5:41

Hawaaretikka iza sunththa gishshas kawuyanaas bessiza gishshas daro ufayettishe dere cimata achchafe kezi bida.

ሉቃሳ ሚሺራቾ 6:21

«Intte guyeppe kallana gishshas ha7i gafizaytoo! Intte anjjettidayta; intte guyeppe miiccana gishshas intteno ha7i yeekkizaytoo! Intte anjjettidayta;

Maatosa 5:4

Qadhettizayti anjjettidayta, ays giikko istti minettana.

1ጺምቶሳስ 6:18

Lo7o ooththana malanne lo7o ooson dureta gidana mala, kiyatanne shaakki immanaas dosizayta gidana mala asaa azaza.

1ታሶሎንቄ ኣሳስ 5:16

Ubba wode ufayettite.

ሃዋሬታ ኦሶ 3:6

Gido attiin Phexroosi izas zaaridi, «Taas biraynne worqqay deenna; gidikkoka taas dizaaz ta nees immays; Naazirete Yesus Kirstoosa sunththan dendada ne tohora hemetta» gides.

ዬ ማጻፋ 84:11

GODAY nuus arshenne gondalle; izi ayoteththaninne bonchchon nuna naagees; Suureteththan hemettizayta izi lo7o miish diggenna.

ቆላሲያሴ ኣሳስ 1:24

Ta intte gishshas waaye be7idayssi ha7ikka tana ufayssees; Kirstoosi ba asateth hessika Woosa Keeththa gishshas izi ekkida waayezappe ekkishin pacciday diikko tani ta ashon kunththana.

ኤፌሶኔ ኣሳስ 3:16

Intte garsa baggara minnana mala Ayana baggara iza bonchcho dureteththi inttes imettana mala ta woossays.

ኤፌሶኔ ኣሳስ 3:8

Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides.

2ቆሮንቶሴ ኣሳስ 4:15

Daro asaa gakkishe diza kiyateththi Xoossa bonchchos galata bolla galata gujjana mala hayssi wurikka inttena go7anaas hanides.

1ቆሮንቶሴ ኣሳስ 1:5

Gaasoykka ay yo7onkka, hessika haasayan gidiin erateth ubbaan intte duretideta.

ኦሮሜ ኣሳስ 9:2

Taas wozinappe kichchontta gita qofaynne mishay dees.

ኦሮሜ ኣሳስ 8:32

Ba naazas mishettontta nu gishshas aaththi immiday iza; histtiin ubba miish nuus izara kiyateththan wursi aazas immennee?

ሃዋሬታ ኦሶ 16:25

Giddi giddoth gidishin Phawuloosinne Sillaasi woosaninne mazamuren Xoossaa galatishin qasho asay istta yeththaanne galataa ezgi siyides.

Maatosa 5:12

Intte salon demmana waagay keehi gita gidida gishshas ufayssan guppite. Inttefe sinththan diza nabetakka hessaththo gooddida.

ዮሃኒሳ ኣጁታ 21:7

Xoonidaadey hayssa laattana; tanikka izaades Xoos gidana; izikka taas naa gidana.

ሌሚሶ ማጻፋ 13:7

Aykkoy baynda bana dure misatissiza asi dees; hara baggara baas daro aqotay dishin manqo misati beettiza asi dees.