1ታሶሎንቄ ኣሳስ 4:8 - Geeshsha Maxaafa

⁸ Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.

ጋሞ ማጻፋ

⁸ ሄሳ ጊሻስ ሃይሳ ሃ ዞሬዛ ካዲ ኤኮንታዴይ ጺሎ ኣያና ኢዛስ ኢሚዳ ጾሳ ካስ ኣቲን ኣስ ካዛዴ ጊዴና።

Gamo Geesha Maxxafa New Testamen

⁸ Hessa gish hayssa ha zoreza kadhdhidi ekkonttadey xiillo ayana izas immida Xoossa kadhdhes attin asi kadhdhizade gideena.

1ታሶሎንቄ ኣሳስ 4:8 Referans Kwoze

1ዮሃኒሳ ኪታ 3:24

Iza azazota naagizayti wuri izan deettes; izikka isttan dees; izi nunan dizayssa nu izi nuus immida Ayanan eroos.

ሉቃሳ ሚሺራቾ 10:16

«Intte gizayssa siyiza asi tana siyees; inttena ekkontta asi tanakka ekkenna; tana ekkonttaykka tana kiittidayssa ekkenna» gides.

ዮሃኒሳ ሚሺራቾ 12:48

Tana koyonttaadenne ta qaala ekkonttaade bolla pirdanaadey dees; ta izas yootida qaalay wurseththa gallas iza bolla pirdana.

1ሳሜላ ማጻፋ 8:7

GODAYKKA Sameelas zaaridi, «Ta isttas kawo gidontta mala istti kadhiday tana attiin nena gidontta gishshas derezi gizayssa ubbaa siya.

2ጴጽሮሳ ኪታ 1:21

Ay tinbiteykka asa shene mala mulekka yibeenna; gido attiin tinbitey wurikka Xillo Ayanay kaaleththiin iza kaallida asati Xoossafe ekkidi yootidaaza.

ሌሚሶ ማጻፋ 23:9

Eeyara haasayoppa; ays giikko ne aadho era haasaya izi kadhana.

ሌሚሶ ማጻፋ 1:7

Aadho erateththas koyroy GODAAS yashshateththa; eeyati gidikko aadho erateththinne seera kadheettes.

ዩሁዳ ኪታ 1:8

Hessaththoka he asati barkka ba agumo kaallidi barkka ba asho tuniseettes; baappe bollara dizaytas azazettettenna; istti salon bonchchora dizaytakka cayeettes.

ጋላቲያ ኣሳስ 4:6

Intte iza nayta gidida gishshas Xoossaa, «Aabboo» giidi xeygiza ba naaza Ayana nu wozinan yeddides.

1ቆሮንቶሴ ኣሳስ 7:40

Ta qofa mala gidikko iza gelontta dizaakko daro ufayssan de7andus; taaska tanan Xoossa Ayanay dizaa misatees.

ኦሮሜ ኣሳስ 5:5

He hidotay qasse nuna yeellachchenna. Xoossi nuus immida Xillo Ayanan ba siiqo nu wozinan gussida gishshas he hidotay nuna yeellan gaththenna.

ናሂሚያ ማጻፋ 9:30

Daro layth ne istta dandayadasa; istta tamaarsana mala nabeta ne Ayanan isttas denththadasa; gido attiin istti lo7eththi siyibeettenna; hessa gishshas istta dere matan diza asati xoonana mala istta aaththa immadasa.

1ሳሜላ ማጻፋ 10:19

Hach gidikko intte metoppenne waayeppe inttena ashshida intte Xoossaa kadhidi, ‹Hanenna nuus kawo kawoththa› gideta. Hessa gishshas intte qommon qommoninne intte zarkken zarkken GODAA sinth shiiqite» gides.

1ጴጽሮሳ ኪታ 1:12

He kase nabeti inttes ooththida attiin istti baas ooththonttayssi isttas qonccen erettides. Istti inttes ooththiday bolla saloppe kiitettida Xillo Ayana baggara ha7i inttes Mishiraachcho qaala yootida asati inttes yootidayssa qonccisanaassa; hessa he qaalaa kiitanchchatikka beyanaas amottida.

1ቆሮንቶሴ ኣሳስ 2:10

Xoossi gidikko hessa ba Ayana baggara nuus qonccisides; Ayanaykka Xoossas diza ciimma yo7o ashshontta ubbaa pilggi xeellees.

ኢሳያሳ ቲንቢቴ 53:10

«Iza liiqeththinne waayezi GODAA shene gidides; GODAY iza shemppo nagara yarsho ooththikoka izi ba zereththaa be7ana; GODAA sheney iza kushen polettana.

ኢሳያሳ ቲንቢቴ 49:7

Kadhettidayssassinne kawoteththan ixettidayssas, dere haarizayta ashkara gidida nees, GODAY, Isra7eele ashshiza Geeshshay, «Kawoti nena be7idi dendi eqqana; kawo nayti nena be7idi nees ziggana; gaasoykka nena doorida GODAY, Isra7eele Geeshshay ammanettidaade» gees.

ኬሳ ማጻፋ 16:8

Hessafe guye Musey, «Intte iza bolla zuuzumidayssa izi siyida gishshas izi inttes maanaas omars asho immiko intte koyida mala miza ukeththaaka ubbaa inttes maalado immana. Nu oonee? Intte GODAA bolla zuuzumideta attiin nu bolla zuuzumibeekketa» gida.

2ቆሮንቶሴ ኣሳስ 1:22

Nu izayta gididayssa erisanaas ba maatame nu bolla shocidaynne nuni sinththafe demmana miishshas Ayana waaseteth nu wozinan woththiday iza.