1ታሶሎንቄ ኣሳስ 4:13 - Geeshsha Maxaafa

¹³ Ta ishatoo! Intte ashon hayqqidayta gishshas tumaa erana mala nu koyokko; qasseka hidotay baynda hara asata mala intte kayottana mala nu koyokko.

ጋሞ ማጻፋ

¹³ ታ ኢሻቶ! ኢንቴ ኣሾን ሃይቂዳይታ ጊሻስ ቱማ ኤራና ማላ ኑ ኮዮኮ፤ ቃሴካ ሂዶታይ ባይንዳ ሃራ ኣሳታ ማላ ኢንቴ ካዮታና ማላ ኑ ኮዮኮ።

Gamo Geesha Maxxafa New Testamen

¹³ Ta ishato inte shempidayta gish erontta attana mala nu koyokko. Qasseka ufayss bayindda hinkko hara asata mala inte muuzootana mala nu koyokko.

1ታሶሎንቄ ኣሳስ 4:13 Referans Kwoze

ዳኔላ ቲንቢቴ 12:2

Istti hayqqiin biittay midayti wurikka dendana; istta garsafe baggayti mernaa de7os, baggayti mernaa kawushshassinne waayes dendana.

1ታሶሎንቄ ኣሳስ 5:10

Nu hayqqikokka woykko paxa diikkoka izara daana mala izi nu gishshas hayqqides.

1ታሶሎንቄ ኣሳስ 4:15

Nu Godaa qaalan inttes gizay hayssa; nuni hayqqontta paxa dizaytinne Goday yaana gakkanaas gam7anayti kase hayqqidaytappe sinththatokko.

ኤፌሶኔ ኣሳስ 2:12

Intte he wode Kirstoosappe shaakettidi, Isra7eele naytappe haakkidi, caaqo qaalaska allaga gididi, hayssa alameza bolla hidotaynne Xoossi baynda kase intte diza duussaa yuushshi qopite.

2ጴጽሮሳ ኪታ 3:4

Istti, «Godaa Yesusi, ‹Yaana› giza hidotay yootettibeennee? Histtiin izi awan dizee? Beni nu aawati hayqqoosofe haa simmiin, haniza miishshi wurikka medhettoosoppe haa simmiin hekko kase ba diza mala dees» geettes.

1ቆሮንቶሴ ኣሳስ 15:6

Hessafe guye ichchashu xeetuppe bollara diza ammanizaytas issito beettides; iza be7ida asaappe dariza baggay paxa dees; baggay qasse hayqqides.

ሃዋሬታ ኦሶ 7:60

Qasseka gulbatidi dhoqqa qaalan «Godoo! Haytantta nagara qoodoppa» giidi waassides; hessa gidaappe guye hayqqides.

ሂዚቄላ ቲንቢቴ 37:11

Hessafe guye izi taas, «Haysso asa nawu! Hayti meqeththati kumeththa Isra7eele asaa leemiso; isttika, ‹Nu meqeththati melida; nuus hidotay baawa; nu duuxxi attidos› geettes.

2ቆሮንቶሴ ኣሳስ 1:8

Ta ishatoo! Iisiya biittan nu bolla gakkida metoza gishshas intte erana mala nu koyoos; he nu bolla gakkida metozi nu tookkanaappe deexo gidida gishshas hayqqontta paxa daana giidi qoppibeekko.

1ቆሮንቶሴ ኣሳስ 10:1

Ta ishatoo! Kase nu Aawati shaaray isttafe bollara gididi kaaleththidayssa malanne istti wurikka zo7o abba pinnidayssa ta inttena qofsanaas koyays.

ኦሮሜ ኣሳስ 1:13

Ta ishatoo! Harason ammanonttayta matan taas hanida mala intte matankka taas ooso ayfey beettana mala daro wode qoppadis shin hanno gakkanaas ta digettada dizayssa intte erana mala koyays.

ሃዋሬታ ኦሶ 13:36

«Dawiti ba woden Xoossa shene mala ooththidaappe guye hayqqides; kase ba aawatara moogettiin iza ashoy wooqqides.

ዮሃኒሳ ሚሺራቾ 11:24

Martay qasse, «Wurseththan denththa wode izi dendanayssa tanikka erays» gadus.

2ጴጽሮሳ ኪታ 3:8

Ta siiqotoo! Intte gidikko Godaa achchan issi gallassi shii layththa mala; qasseka shii layththi issi gallassa mala gididayssa hessa he hanoza balopite.

ሃዋሬታ ኦሶ 8:2

Ayana ooson minni eqqida asati Isttifaanose moogidi izas daro yeekkida.

ሌሚሶ ማጻፋ 14:32

Iitati bantta iita ooson kundana; gido attiin xilloti hayqo wodekka baqati attizasoy dees.

1ካዎታ ማጻፋ 2:10

Hessafe guye Dawiti hayqqidi ba aawatan gayttides; ba kataman Yerusalaamen moogettides.

1ካዎታ ማጻፋ 1:21

Histtontta aggiko ta godaa kawoy hayqqidi ba aawatan gayttiza wode taninne ta naa Solomooney mooro ooththida asa mala qoodettana» gadus.

ሌዌታ ማጻፋ 19:28

« ‹Intte asateththa bolla niqse cach caddofte; woykko asi hayqqiko izas mishettidi intte bolla qanxxi madunththofte; tani GODAA.

Maatosa 27:52

Duufoti doyettida; kase hayqqida Xoossa asaappe dariza baggay dendides.

1ቆሮንቶሴ ኣሳስ 12:1

Ta ishatoo! Ayanay immiza imota gishshas intte issi miish erana mala ta koyays.

ኢዮቤ ማጻፋ 1:21

«Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.

2ሳሜላ ማጻፋ 18:33

Kawozi keehi ceecides; gimbeza penge bolla diza pooqe bolla kezidi heen yeekkides; bishekka, «Ta naa Abeseloome! Ta naa Abeseloome! Ne gishshas ta hayqqarkkinaa! Ta naa Abeseloome woo! Ta naa Abeseloome woo!» gides.

ሜቴ ማጻፋ 37:35

Iza attuma naytinne macca nayti wuri iza minththeththanaas izakko yida; gido attiin izi minettontta ixxidi, «Hanenna! Tani yeekkada ta naakko baada duufon gelana» giidi iza aaway izas yeekkides.

ኤፌሶኔ ኣሳስ 2:3

Hayssafe kase nuni nu asho amoteth polishe ashoy koyza oge kaallishe isttara doos; nunikka hankko asa mala nu medheteththafe Xoossa hanqo garsan de7oos.

1ታሶሎንቄ ኣሳስ 4:14

Yesusi hayqqidi dendidayssa nu ammanizaa gidikko Yesusa ammanidayta Xoossi Yesusara hessaththoka zaari haa yeddana.

1ታሶሎንቄ ኣሳስ 5:6

Histtiko ane beeggoos; ane nurkka nuna haaroos attiin hankko dhiskiza asaa mala nunikka ane dhiskokko.

ሌዌታ ማጻፋ 21:2

Mata dabbotappe aaya woykko aaway woykko ba nay woykko ba ishay hayqqiko,