1ታሶሎንቄ ኣሳስ 4:1 - Geeshsha Maxaafa

¹ Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa.

ጋሞ ማጻፋ

¹ ሃኢ ዉርሴን ታ ኢሻቶ! ኢንቴ ጾሳ ኡፋይሳናስ ኢንቴ ዋኒ ዋኒ ዳና ቤሲዛኮ ኑ ኢንቴና ታማርሲዶስ፤ ቱማፔካ ኑ ታማርሲዳ ማላ ዴታ፤ ሄሳ ጊሻስ ጎዳ ዬሱስ ኪርስቶሳን ኑ ኢንቴና ዎሲዛይኔ ዞሪዛይ ሃይሳፌካ ኣዛ ሃኖራ ኢንቴ ሲን ጉጃና ማላሳ።

Gamo Geesha Maxxafa New Testamen

¹ Ha7i wurththethan ta ishato inte Xoossa ufayssanas inte waani waani daana bessizakone nu intena tamarsidos. Tumapekka nu tamarsida mala deista; hessa gish Goda Yesuss Kiristtossan nu intena woossizayne zorizay hayssafeka adhdhida hanora inte sinththe gujjana malako.

1ታሶሎንቄ ኣሳስ 4:1 Referans Kwoze

ቆላሲያሴ ኣሳስ 1:10

Hessaththoka Godaas bessiza duus daana mala intte iza poli ufayssana mala lo7o ooso ubbaan ayfe immana malanne Xoos eron dicci dicci baana mala nu inttes woossoos.

2ታሶሎንቄ ኣሳስ 1:3

Ta ishatoo! Intte ammanoy wodeppe woden dicci dicci biza gishshassinne intte siiqoykka kaseppe gujetti gujetti biza gishshas nu intte gishshas Xoossa lo7eththi galatanaas bessees.

2ጴጽሮሳ ኪታ 3:18

Hessafe bollara nu Godaanne nu dhale Yesus Kirstoosa kiyateththaninne iza shaakki eron pude diccite; izas ha7ikka mernaaskka bonchchoy gido. Amiin.

Ibirawe 13:16

Qasseka lo7o oosonne inttes dizayssafe haratas imo balopite; Xoossi heytantta mala yarshon ufayettees.

ፒሊጲሲዮሴ ኣሳስ 1:9

Intte siiqoy erateththaninne akeekan keehi darana mala ta woossays.

1ታሶሎንቄ ኣሳስ 3:12

Nu inttena siiqiza mala inttes intte garsan diza siiqonne intte harata siiqiza siiqoza Goday darsonne keehi gujjo.

ፒሊጲሲዮሴ ኣሳስ 3:14

Xoossi tana Yesus Kirstoosa baggara pude xeygida gishshas woyto gakka ekkanaas elelays.

1ዮሃኒሳ ኪታ 3:22

Nuni azazota naagiza gishshassinne iza ufayssizaaz ooththiza gishshas nu iza woossizaaz wursi nu izappe ekkana.

ኤፌሶኔ ኣሳስ 4:1

Hessa gishshas Godaa sunththan qashettida tani intte xeygettida xeyssaas bessiza duus daana mala inttena woossays.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

1ቆሮንቶሴ ኣሳስ 15:58

Hessa gishshas ta siiqo ishatoo! Minni eqqite; ay miishshankka yark yarkofte; Godaa oosos intte daaburza daabursay hada gidonttayssa eridi ubba wode pacey baynda Godaas ooththanaas minettite.

ኢዮቤ ማጻፋ 17:9

Gido attiin xilloti tuma ogeppe kare ke7ettenna; geeshshati minoteththa bolla minoteththi gujettees.

2ታሶሎንቄ ኣሳስ 3:1

Wurseththan ta ishatoo! Qasseka Godaa qaalay intte achchan hanoyssaththoka eleli ubbaso gakkana malanne bonchchettana mala nuus woossite.

2ታሶሎንቄ ኣሳስ 2:1

Ta ishatoo! Godaa Yesus Kirstoosa yuussaa gishshassinne nu izakko baana buussaa gishshas nu inttena qofsoos.

ቆላሲያሴ ኣሳስ 2:6

Hessa gishshas intte Godaa Yesus Kirstoosa ammanida mala izan de7ite.

ፒሊጲሲዮሴ ኣሳስ 1:27

Kirstoosa Mishiraachcho qaalaas bessiza mala diite; hessaththo haankka ta inttena baada be7idaakko woykko haahon daada intte gishshas ta siyizaakko intte Mishiraachcho qaalaa ammanos issife olettishe issi Ayanan intte minni eqqanayssa ta erays.

ዮሃኒሳ ሚሺራቾ 15:2

Ta bolla dishe ayfe immontta hagga ubbaa ta Aaway qanxxi diggana; ayfiza haggaa gujji ayfana mala qirxi geeshshana.

ዬ ማጻፋ 92:14

Istti ceeggidikka ayfana; istti ubba wode cililida malanne minnida mala daana.

1ታሶሎንቄ ኣሳስ 4:2

Godaa Yesus Kirstoosa wolqqan nu inttes ay azazo immidaakko intte ereeta.

2ቆሮንቶሴ ኣሳስ 5:9

Hessa gishshas nuni ashon diikko woykko ashoppe shaakettikokka nuus waanna qofay Godaa ufaysso.

ኦሮሜ ኣሳስ 8:8

Asho shene mala diza asatikka Xoos ufayssanaas dandayettenna.

ሌሚሶ ማጻፋ 4:18

Xillota ogey seeta gallas gakkanaas poo7i poo7i biza mallado xalqqe mala.

Ibirawe 13:22

Ta ishatoo! Inttes xaafida zore qaalay guuth gidida gishshas intte hanqettontta mala ta inttena hadara gays.

Ibirawe 11:6

Qasseka ammanoy baynda dishin Xoossaa ufayssanaas mulekka dandayettenna; gaasoykka Xoossaako shiiqizaadey wurikka Xoossi gizayssanne wozinappe iza koyzaytas izi waaga immanayssa ammananaas bessees.

ኤፌሶኔ ኣሳስ 5:17

Hessa gishshas eeyata gidopite; Godaa sheney aazakko yuushshi qopite.

ኤፌሶኔ ኣሳስ 4:20

Intte qasse Kirstoosa hessa malan eribeekketa.

2ቆሮንቶሴ ኣሳስ 10:1

Tani Phawuloosi inttenara dashe ashke geetettadis shin ta inttefe shaakettishin qasse intte bolla xalidaade geetettida tani Phawuloosi Kirstoosa ashketeththaninne iza lo7eteththan inttena woossays.

2ቆሮንቶሴ ኣሳስ 6:1

Nuni Xoossara ooththizayta gidida mala intte ekkida Xoossa kiyateththaa coo mela ashshofte gishe nu inttena woossoos.

1ቆሮንቶሴ ኣሳስ 15:1

Ha7ikka ta ishatoo! Ta inttena sabbakiin intte ekkidi izan minni eqqida Mishiraachcho qaalaa ha7i qofsana koyays.

1ቆሮንቶሴ ኣሳስ 11:23

Tani Godaappe ekkidayssa inttes aaththadis; hessika Godaa Yesusi aadhdhi imettida omars uketh denththidinne Xoos galati baththidi, «He7ite! Miite! Hayssi inttes gidiza ta asho; tana qoppanaas intte hayssa ooththite» gides.

ሃዋሬታ ኦሶ 20:27

Ays giikko ta Xoossa qofaa wursa inttes yootadis attiin aykkoka ta yootontta ashshiday deenna.

2ጺምቶሳስ 4:1

Xoossa sinththaninne hessaththoka paxa dizayta bollanne hayqqidayta bolla pirdanaas diza Yesus Kirstoosa sinththan iza qoncceththaanne iza kawoteththaa qofara hayssa nees hadara gays.

1ጺምቶሳስ 5:21

Xoossaninne Yesus Kirstoosan doorettida kiitanchchata sinththan hayta azazota oonakka maaddontta ne naagana malanne issi miishshika ta goorippe ziqqi dhoqqu histtontta mala ta nena hadara gays.

ጋላቲያ ኣሳስ 6:1

Ta ishatoo! Issi asi nagara ooththi beettiko intte qasse Ayanan lo7o dizayti iza ashketeththara zaaranaas bessees; gido attiin nekka izaade mala paacettontta mala ne hu7es naagetta.

1ታሶሎንቄ ኣሳስ 5:12

Histtiko ta ishatoo! Intte giddon minni ooththizayta Godaan inttefe bollara diza halaqatanne inttena zorizayta intte bonchchana mala nu inttena woossoos.

2ታሶሎንቄ ኣሳስ 3:13

Intte gidikko ta ishatoo! Lo7o ooso ooththanaappe mulekka azallofte.

2ታሪኬ ማጻፋ 17:4

Isra7eele asay ooththizayssa aggidi ba aawa Xoossaa koyides; iza azazokka polides.