1ሳሜላ ማጻፋ 9:21 - Geeshsha Maxaafa

²¹ Sa7oolikka, «Tani Isra7eele asaa garsan ubbaafe qoodan guuth gidida Biniyaame qommotappe issaa gidikkinaa? Ta zarkkey Biniyaame qommota garsan guuth gidennee? Histtiin hayssa mala yo7o ne taas ays yootay?» gides.

ጋሞ ማጻፋ

²¹ ሳኦሊካ፥ «ታኒ ኢስራኤሌ ኣሳ ጋርሳን ኡባፌ ቆዳን ጉ ጊዲዳ ቢኒያሜ ቆሞታፔ ኢሳ ጊዲኪና? ታ ዛርኬይ ቢኒያሜ ቆሞታ ጋርሳን ጉ ጊዴኔ? ሂስቲን ሃይሳ ማላ ዮኦ ኔ ታስ ኣይስ ዮታይ?» ጊዴስ።

1ሳሜላ ማጻፋ 9:21 Referans Kwoze

1ሳሜላ ማጻፋ 15:17

Sameeli izas, «Neni ne qofan guuth gidikkoka ne Isra7eele asaa kaaleththizaade gidabeekkii? GODAY nena tiydi Isra7eele bolla kawoththides.

ኤፌሶኔ ኣሳስ 3:8

Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides.

ሉቃሳ ሚሺራቾ 14:11

Gaasoykka bana dhoqqu histtizaadey wuri ziqqi gaana; bana ziqqi histtizaadey wuri dhoqqu gaana» gides.

ዬ ማጻፋ 68:27

He cifran ubbaafe kaalotiza Biniyaame zareti kaaleththeettes. Kaallidi Yuhuda daannati bantta butten butten beettes; wurseththan Zaabiloone daannatinne Niftaaleme daannati kaalleettes.

ሆሴኤ ቲንቢቴ 13:1

Efreemey Isra7eele dereza giddon bonchchetti diza gishshas izi haasayshin asay ubbay kokkorees. Gido attiin ba7aales goynnida gishshas qohides; hayqqides.

1ሳሜላ ማጻፋ 18:23

Istti hessaka Dawites zaari zaari yootida; Dawiti gidikko, «Kawora bolloteth intte laafa miishsha mala qoodidetii? Tani keeha manqonne asa matan daro erettontta asa» gides.

1ሳሜላ ማጻፋ 18:18

Dawiti gidikko Sa7ooles, «Kawo bollo gidanaas ta oonee? Taso asay gidiin ta aawa keeththi Isra7eele asaa achchan aazee?» gides.

1ሳሜላ ማጻፋ 10:27

Issi issi shufuro asati, «Hayssa mala asi nuna ashshana dandayzee?» giidi iza kadhida; izas aykko imotakka ehibeettenna; Sa7ooli gidikko co7u gides.

1ሳሜላ ማጻፋ 9:22

Hessafe guye Sameeli Sa7oolenne iza ashkaraza adaraasha keeth ehides; xeygettida heedzdzu tammu gidiza asaappe bollara bonchchoson utisides.

1ሳሜላ ማጻፋ 14:51

Sa7oole aawa Qiiseynne Abineere aawa Neerey Abi7eele nayta.

ዬ ማጻፋ 68:28

Abeet Xoossawu! Ne wolqqa qonccisa. Hayssafe kase ne nuus ooththidayssaththo ha7ikka ne minoteth nuna bessa.