1ሳሜላ ማጻፋ 6:6 - Geeshsha Maxaafa

⁶ Intte Gibxe dere malanne Gibxe kawo mala intte wozina ays shuchchaseetii? Istti Isra7eele asaa yeddiday Xoossay istta bolla wolqqama hanqo gaththiin gidennee?

ጋሞ ማጻፋ

⁶ ኢንቴ ጊብጼ ዴሬ ማላኔ ጊብጼ ካዎ ማላ ኢንቴ ዎዚና ኣይስ ሹቻሴቲ? ኢስቲ ኢስራኤሌ ኣሳ ዬዲዳይ ጾሳይ ኢስታ ቦላ ዎልቃማ ሃንቆ ጋን ጊዴኔ?

1ሳሜላ ማጻፋ 6:6 Referans Kwoze

ኬሳ ማጻፋ 14:17

Tani Gibxe asa wozina minththiko istti intte guye kaallidi abban gelana. Tani kawozanne iza olanchchata ubbaa bolla, iza para-gaaretanne toga asata bolla taas bonchcho demmana.

ኬሳ ማጻፋ 8:15

Gido attiin kawozi guuththa peeqa demmida wode ba wozina minththides; GODAY yootida malakka izi Museynne Aarooney yootida yo7oza siyontta ixxides.

ኬሳ ማጻፋ 7:13

Gidikkoka GODAY yootida mala kawoza wozinay minnida gishshas izi istta yo7o siyontta ixxides.

ኬሳ ማጻፋ 9:34

Gido attiin kawozi iray, shachchaynne daday aggidayssa be7ida wode qasseka nagara ooththides; izinne daannatikka bantta wozina minththida.

Ibirawe 3:13

Harappeka intte garsafe oonikka nagaran balettidi ba wozina muumisontta mala, «Hach» geetettishin hach hach intte intte garsan minettite.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

ዬ ማጻፋ 95:8

«Kase intte aawati Maasaninne Mariiban ooththoyssaththo intte wozina muumisopite.

ኢዮቤ ማጻፋ 9:4

Xoossi eranchchanne wolqqama; oonee izara eqettidi xoonettonttay?

ኬሳ ማጻፋ 14:23

Gibxe asay kawo parati wuri, para-gaaretinne toga asay istta gooddi ekkidi abbaa giddo gelida.

ኬሳ ማጻፋ 10:3

Histtiin Museynne Aarooney kawozaakko gelidi, «GODAA Ibraaweta Xoossi nena, ‹Ne nenateththaa ta sinththan kawushshontta ixxizay awude gakkanaassee? Ha7i taas goynnana mala ta asaa yedda.

ኬሳ ማጻፋ 9:16

Tani nena paxa woththiday nena ta wolqqa bessanaassinne ta sunththi biitta ubbaa bollan xeygettana malassa.

ኬሳ ማጻፋ 8:32

Gido attiin ha7ikka kawaa wozinay minnida gishshas izi asaa yeddontta ixxides.

ኬሳ ማጻፋ 4:21

GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ኬሳ ማጻፋ 7:14

GODAY Muses, «Kawoza wozinay muumiin asaa izi yeddontta ixxida gishshas,