1ሳሜላ ማጻፋ 28:6 - Geeshsha Maxaafa

⁶ Izi GODAA oychchiin GODAY izas agumon gidiin woykko Urimen woykko nabeta baggara zaaro immibeenna.

ጋሞ ማጻፋ

⁶ ኢዚ ጎዳ ኦይቺን ጎዳይ ኢዛስ ኣጉሞን ጊዲን ዎይኮ ኡሪሜን ዎይኮ ናቤታ ባጋራ ዛሮ ኢሚቤና።

1ሳሜላ ማጻፋ 28:6 Referans Kwoze

1ሳሜላ ማጻፋ 14:37

He wode Sa7oolikka, «Filisxeeme asata kaallada duge wodhdhoo? Isra7eeleta kushen ne istta aaththa immanee?» gi Xoos oychchides; gido attiin Xoossi he gallas izas ay zaarokka immibeenna.

ታይቦ ማጻፋ 12:6

GODAY isttas, «Hekko ha7i ta inttena gizayssa akeeki siyite! «Intte giddon nabeti diikko, tani tana isttas ajjuutan qonccisays; agumon istta haasayssays.

ኤርማሳ ዚላስ 2:9

Izi pengeti duge biittan gelida; kare gordiza birata kolatati meqeretti wodhdhida; izi kawozinne daannati ayzaabetan di7etti bida; hayssafe guye kase isttas diza wogay ooththenna; izi nabetaska hayssafe guye GODAAPPE ajjuutay qonccenna.

ታይቦ ማጻፋ 27:21

Qeese El7ezeerey Urimen GODAA shene shaakki eriza gishshas izi Iyaaso maaddana; hessa gishshas Iyaasoynne kumeththa Isra7eele maabaray El7ezeere azazon kezananne gelana» gides.

ያቆቤ ኪታ 4:3

Intte intte asho ufayssanaas iita qofan woossiza gishshas woossidayssa intte ekkeketa.

ዮሃኒሳ ሚሺራቾ 9:31

Xoossi baas yayyizaadessinne iza shene ooththizaades attiin nagaranchcha as siyonttayssa nu eroos.

Maatosa 1:20

Hayssa izi qoppishin Xoossa kiitanchchay agumora izas qonccidi, «Dawite naa Yooseefe! Ne giigsida Maarama qanththatiday Xillo Ayanan gidida gishshas izo neso efanaas babbofa.

ኤርማሳ ቲንቢቴ 23:28

Agumettiza nabey ba agumaa yooto; ta qaalay izan dizaadey gidikko he qaala ammaneteththan yooto; happassinne kaththa ayfes ay gaytoteththi dizee?

ዛሬ ማጻፋ 33:8

Lewe qommota gishshas Musey, «Godawu! Neni istta Maasan paaccadasa; Mariiba haaththa achchan isttara palamettadasa; hessa gishshas Tumimeynne Urimey ne dosida ne oosanchchatas gido.

ኬሳ ማጻፋ 28:30

Qasse Urimenne Tumime geetettizayta tira kiisetan yegga. Aarooney GODAA sinth aadhdhishe ba tiran woththi ekki gelo. GODAA sheney aazakkonne Isra7eele asaa erisana mala, izi GODAA sinththan ooththanaas geliza ubba wode tira kiiseppe dhayssofo.

ሌሚሶ ማጻፋ 27:1

Wontoyssan ceeqettofa; wonto aazi hananaakko ne erakka.

ዬ ማጻፋ 74:9

Nu shaakki eranaas malatay deenna; hayssafe guye nabey dendenna; Hayssi awude gakkanawu hananaakko eriza asi nu giddon deenna.

ኬሳ ማጻፋ 28:20

oydanththo maaran birille, margide, yasphiide. Haytanti wuri shuchchata woththanaas worqqafe dooqetti giigida macarata bolla uttetto.

ሌዌታ ማጻፋ 8:8

Eefude geetettiza may7ozas tira bolla kiisey sikettidi Urimenne Tumime geetettizayta iza giddon woththides.

1ሳሜላ ማጻፋ 28:5

Sa7ooli Filisxeeme ola asaa be7idi babbides; iza wozinay keehippe hirgides.

1ሳሜላ ማጻፋ 28:15

Sameelikka Sa7ooles, «Tana duufoppe denththada ays shempo diggay?» gides. Sa7ooli, «Tani keeha ceecadis; Filisxeemeti tana olishe deettes; Xoossi taappe haakkides; nabeta baggara gidiin woykko agumon taas zaaribeenna. Hessa gishshas ta ay ooththana bessizaakko ne taas yootana mala nena xeygadis» gides.

2ሳሜላ ማጻፋ 22:42

Istti maado demmanaas waassida; gido attiin istta maaddiday deenna; istti GODAAKKO waassida; gido attiin izi isttas zaaribeenna.

ኢዩኤሌ ቲንቢቴ 2:28

GODAY, «Hayssafe guye tani asa ubbaa bolla ta Ayana gussana; intte macca naytinne attuma nayti tinbite haasayana; cima asaykka agumo agumettana; yelaga naateththati ajjuuta beyana.

ሚኪያሳ ቲንቢቴ 3:7

Buro marotizayti kawuyana; tinbite yootizayti yeellatana; wurikka ba ayfeso kammana; gaasoykka isttas zaaroy Xoossa achchafe baynda gishshassa» gides.