1ሳሜላ ማጻፋ 22:19 - Geeshsha Maxaafa

¹⁹ Qeeseta Noobe katamaan mashshan wursides; heen diza maccassatanne attumata, naytanne buro dhammizayta, hessaththoka booratanne hareta, dorsata ubbaa giththa mashshan siifides.

ጋሞ ማጻፋ

¹⁹ ቄሴታ ኖቤ ካታማን ማሻን ዉርሲዴስ፤ ሄን ዲዛ ማጫሳታኔ ኣቱማታ፥ ናይታኔ ቡሮ ሚዛይታ፥ ሄሳካ ቦራታኔ ሃሬታ፥ ዶርሳታ ኡባ ጊ ማሻን ሲፊዴስ።

1ሳሜላ ማጻፋ 22:19 Referans Kwoze

1ሳሜላ ማጻፋ 15:3

Ha7ikka ba; Amaaleeqeta ola! Isttas diza miish mulera dhayssa; issi miishshika ashshofa; attumanne macca, naanne yidha, mehetanne dorsata, gaamellanne hare wodha› gees» gides.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

ሆሴኤ ቲንቢቴ 10:14

Shilimaaney Beeti-Arbeele geetettiza katama olan kase laallidayssaththonne Aayeta naytara gaththi biitta bolla dincereththi wursida mala shiroy deraa bolla yaana. Intte dere asaa bolla wolqqama olay yaana; Intte miixay laalettana.

ኢሳያሳ ቲንቢቴ 10:32

Istti hach Noobe gakkana; istti bantta kushe Yerusalaame zumbulla bolla, Xiyoone macca nay zuma bolla ceeqeteththan mandana.

ናሂሚያ ማጻፋ 11:32

Qasse Anatooten, Nooben, Anaaniyan,

1ሳሜላ ማጻፋ 22:11

Hessafe guye kawozi qeese Ahixuube naa qeese Ahimeleke, Nooben diza qeeseta ba aawa keeththa asaa ubbaas kiita yeddi xeygiin ubbayka kawozaakko yida.

1ሳሜላ ማጻፋ 22:9

He wode heen diza Sa7oole shuumetara eqqi diza Eedoome as Doyqey, «Isseye nay Nooben diza Ahixuube naa Ahimelekekko yishin be7adis.

1ሳሜላ ማጻፋ 21:1

Dawiti qeese Ahimelekey dizaso Noobe bides; Ahimelekeykka kokkorishe Dawitera gayttanaas yiidi, «Nena nerkka ehiday aazee? Asi baynda ays nerkka yadii?» giidi oychchides.

1ሳሜላ ማጻፋ 15:9

Gido attiin Sa7oolinne iza ola asati Agaage, lo7o dorsatanne meheta, ohala marinne laaqqa, lo7o lo7o gidida ubbaa wodhontta aggaagida; heytantta ubbaa wodhanaas koyibeettenna; gido attiin leqettidaytanne shufurota dhayssida.

ኢያሶ ማጻፋ 6:21

Katamaan shemppora paxa dizayta ubbaa oykkidi macca, attuma, nayta, cimata, miiz, dorsanne hare ubbaa qara mashshan wodhides.

ኢያሶ ማጻፋ 6:17

Katamayanne katamay giddon diza ubbay GODAAS dumma gidida gishshas izo mulera dhayssite; nuni biittayo wochchanaas kiittida asata qotta ashshida gishshas layma maccas Era7aabanne izi soon izira issife diza asi xalla attana.

Maatosa 21:16

Isttika Yesusa, «Hayti nayti gizayssa siyay?» gida; Yesusikka isttas, «Ee siyadis; nayta doonaninne dhammiza qeeri nayta doonan tani galata giigsadis gizaso mulerakka nababi erekketii?» gides.

1ሳሜላ ማጻፋ 15:8

Amaaleeqeta kawo Agaage shemppora paxa di7ides; deraa ubbaa qara mashshan siifides.