1ሳሜላ ማጻፋ 20:2 - Geeshsha Maxaafa

² Yoonataaneykka, «Hessi ne bolla mulekka hanoppo! Ne hayqqaka! Ta aaway guuth gidiin daro gidiin ay miishshika sinththati taas yootontta ooththi erenna; histtiin ta aaway hayssa taappe ays qottizee? Yo7oy hessa mala gidenna!» gi zaarides.

ጋሞ ማጻፋ

² ዮናታኔይካ፥ «ሄሲ ኔ ቦላ ሙሌካ ሃኖፖ! ኔ ሃይቃካ! ታ ኣዋይ ጉ ጊዲን ዳሮ ጊዲን ኣይ ሚሺካ ሲንቲ ታስ ዮቶንታ ኦ ኤሬና፤ ሂስቲን ታ ኣዋይ ሃይሳ ታፔ ኣይስ ቆቲዜ? ዮኦይ ሄሳ ማላ ጊዴና!» ጊ ዛሪዴስ።

1ሳሜላ ማጻፋ 20:2 Referans Kwoze

ዮሃኒሳ ሚሺራቾ 17:8

Ne taas immida qaalatakka ta isttas immadis; isttika ekkida; ta ne achchafe yidayssa istti tumappe erida; ne tana kiittidayssaka istti ammanida.

1ሳሜላ ማጻፋ 9:15

Sa7ooli yaanaappe issi gallassafe sinththan GODAY Sameelas qonccisi woththides.

1ሳሜላ ማጻፋ 20:12

Hessafe guye Yoonataaney Dawites, «GODAA Isra7eele Xoossay ta bolla markka gido; wonto tani ta aawaa pilgga oychchada wonto woykko wontoppeyna hanni wode ta nees kiittana; izi ne gishshas lo7o qoppizaa gidikko ta hessa nena erisana.

1ሳሜላ ማጻፋ 14:45

Gido attiin derezi Sa7ooles, «Isra7eele deraas hayssa gita xoono ehida Yoonataaney hayqqanaas bessizee? Bessenna; Xoossi iza maaddiin hach izi hayssa ooththida gishshas de7o GODAY be7iin iza hu7e binanaafe issinakka biitta bolla kunduku» gida; hessan asay Yoonataane ashshiin Yoonataaney hayqoppe attides.

ኢያሶ ማጻፋ 22:29

GODAA nu Xoossa Dunkaaneza sinththan eqqida yarsho yarshizasohoppe hara, xuugettiza yarsho, kaththa yarshonne hara yarsho yarshizasoho giigsidi GODAA bolla makkalloy nuuppe haakko!» gida.

ሜቴ ማጻፋ 44:7

Gido attiin istti, «Nu goday aazas hayssa mala qaala nu bolla haasayzee? Hessa mala miish oosoy nuuppe ne aylletappe haakko!

ዮሃኒሳ ሚሺራቾ 15:15

Ashkaray goday ooththizayssa erontta gishshas hayssafe guye ta inttena ashkarata giikke. Gido attiin tani ta Aawappe siyidayssa wursa inttes qonccisida gishshas ta inttena ta laggeta gadis.

ሉቃሳ ሚሺራቾ 20:16

Yiidinne he goshshanchchata dhayssana; woyne mith tokkizasohoza haratas immana» gides; dereykka hessa izi gidayssa siyidi, «Hayssa malay hanoppo» gides.

ኢሳያሳ ቲንቢቴ 50:5

Ubbaa Haariza GODAY ta hayth doydes; tani makkallanchcha diikke; guyekka baqatabeekke.

ዬ ማጻፋ 40:6

Neni yarshonne muxuwaata koyabeekka; xuuggiza yarshonne nagara yarshoka neni saamottabeekka; gido attiin siyana mala taas hayththata doyadasa.

ኢያሶ ማጻፋ 24:16

Histtiin asay zaaridi, «GODAA aggidi hara eeqa xoossatas goynoy nuuppe haakko!

1ሳሜላ ማጻፋ 20:1

Hessafe guye Dawiti Eraaman diza Newate zullefe Yoonataanekko baqati biidi, «Ta ay ooththadinaa? Ta ay qoho ooththadinaa? Ne aaway tana wodhanaas koyzay ta iza sinththan ay iita ooththiinee?» giidi iza oychchides.

1ሳሜላ ማጻፋ 20:3

Dawitikka izas, «Tani ne sinththan bonchchettidayssa ne aaway lo7eththi erees, hessa gishshas izi ba wozinara, ‹Yoonataaney mishettontta mala hayssa eranaas bessenna› gides. Gido attiin tani De7o GODAY beyiin! Ta ne shemppon caaqqays! Taas hayqqanaas issi tanggoy xalla attides» gi zaarides.

ሌሚሶ ማጻፋ 29:24

Kaysora zuppetiza asi bana ixxiza asa; qanggi caaqisishin siyishekka izi co7u gees.