1ሳሜላ ማጻፋ 2:9 - Geeshsha Maxaafa

⁹ «Izi geeshshata toho naagees; iitati gidikko dhuman yegettana; asi ba wolqqan xoonenna.

ጋሞ ማጻፋ

⁹ «ኢዚ ጌሻታ ቶሆ ናጌስ፤ ኢታቲ ጊዲኮ ማን ዬጌታና፤ ኣሲ ባ ዎልቃን ጾኔና።

1ሳሜላ ማጻፋ 2:9 Referans Kwoze

ዬ ማጻፋ 121:3

Izi ne toho hallixissenna; nena naagizayssi dhiskenna.

1ጴጽሮሳ ኪታ 1:5

Intteka wurseththa gallassan buro qonccana atoteththaas ammano gaason Xoossa wolqqan naagettideta.

ዛካራሳ ቲንቢቴ 4:6

Qasseka, «GODAY Zerubaabeles yootida qaalay hayssa, ‹Ta ayananpe attiin wolqqaninne minoteththan gidenna› gees Ubbaafe Wolqqama GODAY.

ዬ ማጻፋ 97:10

GODAA dosizaytoo! Iita ixxite; izi baas ammanettizayta shemppo naagees; qasseka iitata kusheppeka ashshees.

ዬ ማጻፋ 94:18

Abeet GODAWU! Tani, «Kundana hanays» gishin ne mernaa siiqoy tana kaafides.

ዬ ማጻፋ 37:28

Ays giikko GODAY xilloteth dosees. Xoossay baas ammanettida asata yeggenna; izi istta mernaaskka naagana. Gido attiin iitata zereththati dhoommana.

ኢዮቤ ማጻፋ 5:24

Ne keeththan saroy kumanayssa ne shaakka erana; ne mehe xeellishin aqoppe paccenna.

ዛሬ ማጻፋ 33:3

GODAWU! Neni deraa keeha siiqaasa; geeshshati ubbayka ne kushen deettes; ne toho garsan gulbati goynneettes; histtidi neeppe azazo ekkeettes.

ሌሚሶ ማጻፋ 16:9

Asi ba wozinan ba ooththana miish halchchees; halchchozi GODAY giikko polettees.

ዬ ማጻፋ 121:8

GODAY ne buussaanne yuussaa hachchife mernaa gakkanaas naagana.

2ጴጽሮሳ ኪታ 2:17

Heyti he asati haaththi baynda pulttota; gote carkon biza shaara mala; istta sakkanna dhumay naagees.

Maatosa 8:12

Salo Kawoteththi isttas gidana bessiza asati heen kare dhuman yegettana. Heenkka yeehonne achcha garccech gidana» gides.

ሶፎናሳ ቲንቢቴ 1:15

He gallassay bashsha gallas, metonne ceece gallas, shironne dhayssa gallas, dhuma gallassinne tulala gallas, Shaaranne girdi gida dhuma gallas gidana.

ኤራንቻታ ማጻፋ 9:11

Tani salo gufanththon hara miish be7adis; woththan xoonoy pilatatas olan xoonoy wolqqamatas gidenna; kaththi aadho eranchchatas, dureteththi kiphatanchchatas, sabay eranchchatas gidenna; gido attiin ubbatikka wodeynne qaaday gaththida mala haneettes.

ሌሚሶ ማጻፋ 3:26

Ays giikko GODAY nees ammanettizaade gidana; ne tohoy woximaden oykettontta mala izi nena naagana.

ኤራንቻታ ማጻፋ 5:17

Izi ba layth ubbaa ceecen, waayen, yiilloninne dhuma duussan wursees.

ሌሚሶ ማጻፋ 2:8

Suure pirda oge naagees; baas ammanettizayta hemeth minththees.

ዬ ማጻፋ 121:5

GODAY nena naagizayssa; GODAY nees ushachcha baggara kuwa gidana.

ዩሁዳ ኪታ 1:13

Istti yeellachchiza ba oosoza wolqqama abba dambala mala goppontto coppu histtizayta; girdi gida dhumay istta mernaas naagizayssanne coo mela waayettiza xoolintteta malakko!

ዩሁዳ ኪታ 1:3

Ta siiqotoo! Nu issife attida atoteththaa gishshas ta inttes xaafanaas daro koyadisishin ha7i qasse nam7anththontta issito Xoossi asas immida ammano gishshas intte daro baaxetana mala ta inttena zorays. Ta inttes xaafanaas taas tooho gidides.

ዩሁዳ ኪታ 1:1

Yesus Kirstoosas ooththiza Yaaqoobe isha Yuhudappe, inttes xeygettidaytas, Xoossay Aaway siiqizaytassinne Yesus Kirstoosi naagidaytas ubbatas,

ኦሮሜ ኣሳስ 3:19

Hessa gishshas doonay wurikka gordettana mala derey kumeth Xoossas zaaro immana mala wogay gizay wurikka wogappe giddora dizaytas gididayssa nu eroos.

ኤርማሳ ቲንቢቴ 9:23

GODAY, «Aadho eranchchay ba aadho erateththan ceeqettofo; wolqqamay ba wolqqan ceeqettofo; woykko durey ba dureteththan ceeqettofo.

ኤርማሳ ቲንቢቴ 8:14

Histtiin asati, «Nuni hayssan ays uttinoo? Ane issi bolla shiiqite; gimbetti uttida katamatan baqati biidi heen hayqqoos; GODAA nu Xoossay nuna hayqqana mala pirdides; nuni iza bolla nagara ooththida gishshas nu uyana mala marzera diza haath immides.

ኢዮቤ ማጻፋ 5:16

Manqotas hidota immees; makkallateththika biitta bollafe dhayssees.

ታይቦ ማጻፋ 6:24

‹GODAY nena anjjo; izi nena naago;

ዬ ማጻፋ 31:17

Abeet GODAWU! Tani nena xeygays; tana yeellasoppa; iitati gidikko yeellatetto; duge duufon gelidi sirphi getto.

ኢሳያሳ ቲንቢቴ 27:3

Tani GODAY iza naagays; tani ubbaa gallas haath ushshays; omarsinne gallas iza naagays; hessa gishshas ooninne iza qohenna.

1ሳሜላ ማጻፋ 25:26

«Ta godoo! De7o GODAY beyiin! Ne asho. Suuth gussanaappenne nerkka ne halo kessanaappe nena naagiday GODAA. Ha7ikka ne morkketinne ta godaa qohana koyzayti ubbay Naabaale mala gidetto.

ኢዮቤ ማጻፋ 18:18

Izi Poo7osoppe gede dhuman goodettana; biitta bollafe izi kichchana.

ኢዮቤ ማጻፋ 40:13

Istta ubbaa moogo may7on xaaxada issi bolla duufon mooga.

ዬ ማጻፋ 1:6

Ays giikko GODAY xillota oge erees; gido attiin iitata ogey istta dhayon gaththees.

ዬ ማጻፋ 105:37

Hessafe guye izi Isra7eele asaa worqqanne bira alleqora kessides; istta giddofe kundidi attiday ooninne baawa.

ዬ ማጻፋ 145:20

GODAY bana siiqizayta ubbaa naagees; gido attiin iitata ubbaa dhayssana.

ኢሳያሳ ቲንቢቴ 47:5

«Hanne Baabilooneta nayee, dhumaso gelada co7u ga utta; hayssafe guye ne kawoteththata godatteyo geetetta xeygettaka.

ናሆሜ ቲንቢቴ 1:8

Gido attiin izi Nannawe wolqqama di7o haaththan dhayssana; ba morkketa dhumay dizaso yedeththana.