1ሳሜላ ማጻፋ 2:3 - Geeshsha Maxaafa

³ «Hayssa mala otoron haasayopite; hayssa mala ceeqeteththa qaalay intte doonappe kezoppo; gaasoykka GODAY izi era; ooso ubbaa izi geeddarees.

ጋሞ ማጻፋ

³ «ሃይሳ ማላ ኦቶሮን ሃሳዮፒቴ፤ ሃይሳ ማላ ጬቄቴ ቃላይ ኢንቴ ዶናፔ ኬዞፖ፤ ጋሶይካ ጎዳይ ኢዚ ኤራ፤ ኦሶ ኡባ ኢዚ ጌዳሬስ።

1ሳሜላ ማጻፋ 2:3 Referans Kwoze

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

1ካዎታ ማጻፋ 8:39

neni istta woosaa salon dashe siyada istta nagaraa atto ga; histtada isttas ooththa; neni xalla asa ubbaa wozina eriza gishshas izaade ooso ooso mala izas imma.

ሌሚሶ ማጻፋ 24:12

Neni, «Ta hayssa erikke» giikko, wozina pilggi erizayssi izi akeekennee? Ne shemppo naagizayssi erennee? As ubbaas iza ooso ooso mala immennee?

Ibirawe 4:12

Xoossa qaalay paxa dizayssanne ooththiza qaala; nam7u bagga qara mashshafekka aadhdhi qara; shempponne ayana, shayanne koldzeka shaakkana gakkanaas caddees; wozina qofaanne amoteththaaka paacci xeellees.

ሌሚሶ ማጻፋ 16:2

Asi biza oge ubbay izas lo7o misatees; GODAY koyro denththa qofaa caddi xeellees.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ዬ ማጻፋ 147:5

Nu GODAY gita; izi keehippe wolqqama; iza erateththaas zaway deenna.

ዬ ማጻፋ 94:4

Iita ooththiza ubbati bantta otoro qaalan haasayeettes; coo ceeqetteettes.

ዬ ማጻፋ 44:21

hayssa eroy Xoos xoonanee? Izi wozinan geemmi diza xuura ubbaa erees

ኢዮቤ ማጻፋ 31:6

Xoossi tana suure geeddaran geeddaro. Tani xillo gididayssa shaakki ero.

1ሳሜላ ማጻፋ 16:7

Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

ሚልካሳ ቲንቢቴ 3:13

«Intte ta bolla xalateththa qaala haasaydeta» gees Ubbaafe Wolqqama GODAA Xoossay. «Intte gidikko, ‹Ne bolla nu ay haasaydonii?› geeta.

ዳኔላ ቲንቢቴ 5:27

Teqeele! Guussi, ‹Neni meezaanen geeddarettadasa; kawuya beettadasa› guussa.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ኤርማሳ ቲንቢቴ 17:10

Tani GODAY as ubbaas iza oge malanne iza ooso mala immanaas asaa wozina pilggayssinne iza kaha paaccays» gees.

ኢሳያሳ ቲንቢቴ 26:7

Xillota ogey moole. Nenoo Suurezoo, neni xillota oge moolisaasa.

ዬ ማጻፋ 17:10

Isttas qadhettiza wozinay baawa; otoro haasaya haasayeettes.

ዬ ማጻፋ 31:18

Xilloza bolla otoron, kadheninne xalateththan haasayza gishshas wordanchchata doona duudisa.

ዬ ማጻፋ 75:5

Ne kace otoron dhoqqu dhoqqu histtofa; ne qoodhe qaaththa haasayoppa› gays» gees.

ኢያሶ ማጻፋ 22:22

«GODAY Wolqqama Xoossay! GODAY Wolqqama Xoossay! Nuni hayssa ays ooththidaakko izi erees! Nuni ays ooththidaakko intteka erana mala koyoos. Nuni hayssa ooththiday makkallateththaninne GODAAS azazeteththa ixon gidikko, hach nuna maaropite.

ዳናታ ማጻፋ 9:38

Hessa gishshas Zaabuley Ga7aale, « ‹Nuni izas haarettanaas Abimelekkey oonee?› gida ne doonay ha7i awa bidee? Hayti neni kadhida asata gidettennee? Ha7i kezada isttara oletta!» gides.

ሂዚቄላ ቲንቢቴ 35:13

Neni ta bolla otorettadasanne xalateththan haasayadasa; tanikka hessa siyadis.