1ሳሜላ ማጻፋ 18:12 - Geeshsha Maxaafa

¹² GODAY izappe shaakettidi Dawitera gidida gishshas Sa7ooli Dawites babbides.

ጋሞ ማጻፋ

¹² ጎዳይ ኢዛፔ ሻኬቲዲ ዳዊቴራ ጊዲዳ ጊሻስ ሳኦሊ ዳዊቴስ ባቢዴስ።

1ሳሜላ ማጻፋ 18:12 Referans Kwoze

1ሳሜላ ማጻፋ 18:29

Sa7ooli kaseppe aaththi babbides; hayqqanaashe gakkanaas izas morkke gidides.

1ሳሜላ ማጻፋ 18:15

Sa7oolikka Dawites ubba miishshi hanizayssa be7idaappe guye izas babbides.

1ሳሜላ ማጻፋ 28:15

Sameelikka Sa7ooles, «Tana duufoppe denththada ays shempo diggay?» gides. Sa7ooli, «Tani keeha ceecadis; Filisxeemeti tana olishe deettes; Xoossi taappe haakkides; nabeta baggara gidiin woykko agumon taas zaaribeenna. Hessa gishshas ta ay ooththana bessizaakko ne taas yootana mala nena xeygadis» gides.

1ሳሜላ ማጻፋ 16:18

Iza oosanchchatappe issoy, «Lo7eththi bagana shoch dandayza Beeteliheeme dere as Isseye naaza be7adis; izi qaranne olanchcha, akeekanchchanne ufayssiza qaala haasayzaade; GODAYKKA izara dees» gides.

ሃዋሬታ ኦሶ 24:25

Phawuloosi xilloteththa gishshas, asi barkka bana haaro gishshassinne buroppe yaana pirdaa gishshas yootiin Filkisey babbidi, «Ha7i ne ba; hara wode taas giigshin ta nena xeyga ekkana» gides.

ሃዋሬታ ኦሶ 7:9

«He qommota aawati Yooseefe bolla qanaatidi iza aylleteththas duge Gibxe bayzida; gido attiin Xoossi izara dees.

ሉቃሳ ሚሺራቾ 8:37

Gergesenoone matan diza asay keehi babbida gishshas Yesusa, «Hayssafe kichcha!» giidi woossida; izikka wogolozan gelidi simmi bides.

ማርቆሳ ሚሺራቾ 6:20

Gaasoykka Yohannisi xillonne geeshsha as gididayssa Herdoosi eriza gishshas Yohannisas babbeessinne iza naagees. Yohannisi yootizayssa Herdoosi siyidi hirgizaa gidikkoka izi yootizayssa wozinappe siyees.

Maatosa 25:41

«Qasseka hadirsa baggara dizaytas, ‹Intteno qanggettidaytoo! Taappe shaakettidi Daabulosassinne iza kiitanchchatas giigettida mernaa taman biite gaana.

ሆሴኤ ቲንቢቴ 9:12

Naa yelidi dichchikokka istti dhoommana gakkanaas ta istta wodhana. Ta isttafe ta ayfeso zaarida wode isttas aayye ana!

ዬ ማጻፋ 53:5

Xoossi ba asaa morkkizayta meqeththaa laallana; istti kase dagammi erontta dagama dagammana. Xoossi istta kadhida gishshas istti yeellatana;

ዬ ማጻፋ 51:11

Tana ne sinththafe oloppa; ne Geeshsha Ayana taappe ekkofa.

1ሳሜላ ማጻፋ 22:13

Sa7oolikka, «Hach izi ta bolla ooththiza ubbaaththo, ta bolla makkallizayssaththonne ta geedon eqqizayssaththo kaththinne mashsha immidi izas Xoos woossidi Isseye naara ta bolla ays duulatidetii?» gides.

1ሳሜላ ማጻፋ 18:20

He wode Sa7oole naa Milkoola Dawite dosadus; Sa7oolikka hessa siyidi ufayettides.

1ሳሜላ ማጻፋ 16:4

Sameeli GODAY gidayssa ooththides; izi Beeteliheeme gakkida wode katamaa cimati kokkorishe izara gayttanaas yida; isttika iza, «Ne saros yadii?» gi oychchida.

1ሳሜላ ማጻፋ 20:13

Gido attiin ta aaway ne bolla iita qoppiin, hessa ta nena erisontta aggikonne ne saron iza kusheppe kessa ekka baana mala ta ooththontta aggiko, ta aaway ne bolla gaththanaas qoppida iita yo7ozappe aadhdhida iita GODAY ta bolla gaththo; kase GODAY ta aawara dizayssaththo nenarakka do.

ዳናታ ማጻፋ 1:19

GODAY Yuhuda asaara diza gishshas, zumati darzaaso gezze biitta istti oykkida; gido attiin gars dembati uttida biittan diza asatas biratappe oosettida ola para-gaareti diza gishshas, Yuhuda asay istta denththi gooddanaas dandaybeenna.

ዳናታ ማጻፋ 16:20

Hessafe guye, «Samsoonee! Filisxeeme asati ne bolla gakkida!» gadus; histtiin dhiskofe dagammi dendidi kaseyssaththo ooththana gi qoppides; gido attiin GODAY izappe shaakettichchoyssa izi eribeenna.

1ሳሜላ ማጻፋ 3:19

Sameeli dicci dicci bides; GODAY izara diza gishshas izi yootiza qaalaappe issinakka sa7an kunda erukku.

2ሳሜላ ማጻፋ 5:10

GODAY Ubbaafe Wolqqama Xoossay izara diza gishshas Dawiti ubba wode minni minni bides.

2ታሪኬ ማጻፋ 17:3

Izi buro yelagateththa layththan ba aawa Dawite oge kaallida gishshas GODAY Iyoosaafixera gidides; izi ba7aale eeqata goynnibeenna.