1ሳሜላ ማጻፋ 17:53 - Geeshsha Maxaafa

⁵³ Isra7eele asay Filisxeemeta yedeththi simmidi istta gutan diza miish ubbaa bonqqides.

ጋሞ ማጻፋ

⁵³ ኢስራኤሌ ኣሳይ ፊሊስጼሜታ ዬዴ ሲሚዲ ኢስታ ጉታን ዲዛ ሚሽ ኡባ ቦንቂዴስ።

1ሳሜላ ማጻፋ 17:53 Referans Kwoze

ኤርማሳ ቲንቢቴ 30:16

«Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ኤርማሳ ቲንቢቴ 4:20

Iita miishshi iita miish kaallees; mule biittay moorettides; ta dunkaanetinne magalashati eeson dhayda.

1ሳሜላ ማጻፋ 17:52

Hessafe guye Isra7eele asaynne Yuhuda asay dendi magulishe Geete pengefe denththidi Aqaroone penge gakkanaas yedeththida; Filisxeemeta ahay Shaa7iraymeppe biidi Geete gakkanaas, heeppeka biidi Aqaroone gakkanaas diza oge bolla kundides.

1ሳሜላ ማጻፋ 17:54

Dawiti Filisxeeme addeza hu7e Yerusalaame ekki yides; gido attiin Filisxeemeta ola miishshata ba dunkaane giddon woththides.

1ሳሜላ ማጻፋ 19:5

Dawiti Filisxeeme addeza ba shemppo bayzidi wodhides; GODAY kumeththa Isra7eeles gita xoono immides; nekka hessa be7ada ufayettadasa. Histtiin ne iza coo hada wodhanaas Dawite mala geeshsha asa bolla ays qoho ooththay?» giidi Dawite gishshas lo7eteththi yootides.

2ሳሜላ ማጻፋ 23:10

Izi gidikko ba eqqidaso yeddibeenna; iza kushey argacanaashenne mashshara issife oykettanaashe gakkanaas Filisxeemeta olides; he gallas GODAY izas gita xoono immides. Baqati bida olanchchati hayqqida asaappe ola miishshinne may7o xalla qaaratanaas Ele7eezerekko guye simmida.