1ሳሜላ ማጻፋ 15:29 - Geeshsha Maxaafa

²⁹ Isra7eele bonchcho gidida GODAY wordotenna; modhettenna; gaasoykka modhettanaas izi ase gidenna» gides.

ጋሞ ማጻፋ

²⁹ ኢስራኤሌ ቦንቾ ጊዲዳ ጎዳይ ዎርዶቴና፤ ሞቴና፤ ጋሶይካ ሞታናስ ኢዚ ኣሴ ጊዴና» ጊዴስ።

1ሳሜላ ማጻፋ 15:29 Referans Kwoze

ሂዚቄላ ቲንቢቴ 24:14

« ‹Tani GODAY hayssa yootadis; ta ooththanaas wodey gakkides; ta guye giikke; qadhettikenne sidhikke; ne oge malanne ne ooso mala ne bolla pirdettana› gees» gides.

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

Titosas 1:2

iza ammanoynne erateththay kaseppe oykkidi wordotontta Goday daro wodeppe kase ba immida mernaa de7o hidota mala.

Ibirawe 6:18

Xoossi ay wodekka wordotanaas dandayenna; izi laamettontta nam7u miishshatan nu sinththan diza hidotaa oykkanaas izakko shiiqida nuni gita minoteth demmana mala ooththides.

2ጺምቶሳስ 2:13

Nu izas ammanettonttayta gidikko izi mernaas ammanettida mala daana. Izi barkka bana kaddana dandayenna» geetettida qaalay ammanettidayssa.

ዬ ማጻፋ 95:11

Hessa gishshas tani, ‹Istti ta shemposo mulekka gelettenna› gaada hanqetta caaqqadis.»

2ቆሮንቶሴ ኣሳስ 12:9

Gido attiin Goday, «Ta wolqqay kumeth gidi qonccanay ne daabursan gidida gishshas ta kiyateththi nees gidana» gides; hessa gishshas Kirstoosa wolqqay ta bolla gidana mala ay wodeppeka bollara tani daaburshin he wode ufayssan ceeqettanaas dosays.

ኢዩኤሌ ቲንቢቴ 3:16

GODAY Xiyoone zumaa bolla Yerusalaamen dishe babisiza ba qaala giiris sissana; saloynne sa7ay qaaxxana; GODAY gidikko ba dere Isra7eeles shiiqi attizaso gidana.

ኢሳያሳ ቲንቢቴ 45:24

«Istti ta gishshas haasayshe, ‹Xilloteththinne wolqqay GODAAN xalla dees› gaana» gees. Iza bolla hanqon dendidayti ubbay izakko yiidi yeellatana.

ዬ ማጻፋ 68:35

Abeet Xoossawu! Neni ne keeththafe qonccashe malalisaasa; Isra7eele Xoossay ba deraas minoteththinne wolqqa immees. Xoossi galatetto.

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ዛሬ ማጻፋ 33:27

Mernaa Xoossay inttes duussaso; Mernaas diza iza qeseti inttefe garsara diidi kaafeettes; intte morkketa izi intte sinththafe gooddana; intte istta dhayssana mala izi inttena maaddana.

1ታሪኬ ማጻፋ 29:11

Abeet GODAWU! Saloninne sa7an diza ubbay neessa; gitateththi, wolqqay, bonchchoy, teemaynne puulateththi neessa.

Ibirawe 7:21

Izi gidikko qeeseteththaa caaqon ekkides. Gaasoykka Xoossi iza gishshas, «Goday caaqqides; ba qofaa izi laammenna; ‹Ne mernaas qeese› » gides.