1ጴጽሮሳ ኪታ 3:14 - Geeshsha Maxaafa

¹⁴ Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.

ጋሞ ማጻፋ

¹⁴ ኢንቴ ሎኦ ኦዳ ጊሻስ ዋዬ ቤኢኮካ ኢንቴ ኣንጆ ኤካና፤ ኣሳይ ኢንቴ ቦላ ኢታ ኦናስ ማንዴቲዛይሳስ ባቦፍቴኔ ዳሮ ቆፖፍቴ።

Gamo Geesha Maxxafa New Testamen

¹⁴ Inte lo7o oothida gishshi waaye beykoka inte anjjo ekkana. Asay inte bolla iitta oothanas mandetizayssas babbofitene daro qopofite.

1ጴጽሮሳ ኪታ 3:14 Referans Kwoze

Maatosa 10:28

Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

2ቆሮንቶሴ ኣሳስ 12:10

Tani wolqqa demmizay daaburza wode gidida gishshas ta Kirstoosa gishshas daaburshin, cayettishin, metotishin, goodettishin, muuzottishin tana ufayssees.

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ዮሃኒሳ ሚሺራቾ 14:1

Kaaleththidikka Yesusi, «Intte wozinay metotoppo; Xoos ammanite; tanakka ammanite.

ማርቆሳ ሚሺራቾ 10:29

Yesusikka zaaridi, «Ta inttes tumu gays; ta gishshassinne Mishiraachcho qaalaa gishshas giidi ba keeththe, woykko ba ishata, woykko ba michcheta, woykko ba aayo, woykko ba aawaa, ba nayta, woykko ba gade aggida asi wuri,

ማርቆሳ ሚሺራቾ 8:35

Ba shempo ashshana dosizaadey dhayssana shin ta gishshassinne ta Mishiraachcho qaalaa gishshas ba shempo dhayssizaadey wurikka ashshana.

Maatosa 19:29

Ta sunththaa gishshas giidi ba keeththe, ba ishata, ba michcheta, ba aawa, ba aayonne ba nayta, woykko ba biitta aggiza asi wuri xeetu kushe dakko ekkana; mernaa de7okka laattana.

Maatosa 16:25

Ba shempo ashshana koyza asi wuri dhayssana; gido attiin ba shempo ta gishshas dhayssizaadey ashshana.

1ጴጽሮሳ ኪታ 3:6

Istti azazettidaykka Saaray Abrahaame, «Ta Godoo!» gaada azazettidayssa mala; intteka lo7o miish ooththikonne issi iita miishshi inttena daganththontta aggiko intte Saara nayta.

Maatosa 10:39

Ba shempo ashshanaas koyzaadey dhayssees; ba shempo ta gishshas aaththi immizaadey ashshees.

ኤርማሳ ቲንቢቴ 15:15

Abeet GODAWU! Ne eraasa. Tana qoppa; mokkaka xeella; tana yedeththizayta bolla halo kessa; ne dandayanchcha gidida gishshas tana dhayssofa; ne gaason tana gakkiza kadheza ne qoppa.

ኤርማሳ ቲንቢቴ 1:8

Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.

ኢሳያሳ ቲንቢቴ 51:12

GODAY, «Inttena minththizay Tani xalla Iza; hayqqiza asa zereth, maata mala shulliza asa naas ays babbay?

ፒሊጲሲዮሴ ኣሳስ 1:29

Intte Kirstoosa ammanizayta xalla gidontta iza gishshas waaye ekkizayta gidana mala hayssi Xoossa kiyateththi inttes imettides.

Maatosa 10:31

Hessa gishshas babbofte. Daro siine kafotappe intte waagay aadhdhi bonchchettidaaza.

ሃዋሬታ ኦሶ 9:16

Izi ta sunththaa gishshas ay mala waaye beyanaakko ta iza bessana» gides.

ሂዚቄላ ቲንቢቴ 3:9

Tani nena yeellay bayndaadenne zaallafekka aadhdhida mino histtana; istti makkallanchcha zare gidikkoka isttas babbofanne kokkoroppa» gides.

ሌሚሶ ማጻፋ 3:25

Akeekontta gakkiza metonne iitata bolla gakkiza dhayssas babbaka.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.