1ካዎታ ማጻፋ 11:1 - Geeshsha Maxaafa

¹ Kawo Solomooney daro allaga biitta maccassata siiqides; heytikka Gibxe kawo biyey bolla gujjiin Mo7aabe maccassata, Amoone maccassata, Eedoome maccassata, Sidoona maccassatanne Hiite dere maccassata.

ጋሞ ማጻፋ

¹ ካዎ ሶሎሞኔይ ዳሮ ኣላጋ ቢታ ማጫሳታ ሲቂዴስ፤ ሄይቲካ ጊብጼ ካዎ ቢዬይ ቦላ ጉጂን ሞኣቤ ማጫሳታ፥ ኣሞኔ ማጫሳታ፥ ኤዶሜ ማጫሳታ፥ ሲዶና ማጫሳታኔ ሂቴ ዴሬ ማጫሳታ።

1ካዎታ ማጻፋ 11:1 Referans Kwoze

ዛሬ ማጻፋ 17:17

Iza wozina baleththontta mala kawoy cora machcho ekkofo; worqqanne biraakka darssi shiishshofo.

ሌሚሶ ማጻፋ 6:24

Ha azazoti iita maccassafe nena naagana; doonan cimmiza hawusha maccassafekka naagana.

ሌሚሶ ማጻፋ 7:5

Istti nena layma maccassafenne ba qaalan baleththiza hawusha maccassafe naagana.

ሌሚሶ ማጻፋ 2:16

Aadho erateththi layma maccassafe naagana; ba inxarsan cimmizaarippe nena ashshana.

1ካዎታ ማጻፋ 11:8

Istti bantta eeqa xoossatas heen exaane cuwasizaytassinne yarsho shiishshiza hara machchetaska hessaththoka ooththides.

ሌሚሶ ማጻፋ 22:14

Layma maccassa doonay ciimma olla mala; GODAY hanqettida asi izin wullees.

1ካዎታ ማጻፋ 3:1

Solomooney Gibxe kawo Paaroonera laggetidi iza nayo machcho ekkides; kawo keeththaa, GODAA Keeththaanne Yerusalaame yuushon diza dirsaa gimbi polanaashe gakkanaas izo ehidi Dawite kataman woththides.

ሌሚሶ ማጻፋ 23:33

Ne ayfey beyi eronttaaz beyana; ne wozinaykka elumettana.

ሌዌታ ማጻፋ 18:18

«Ne machchiya paxa dishin izi michchiyo dawuth ekkofa; izirakka laymatoppa.

ኬሳ ማጻፋ 34:16

Qasse intte istta macca naytappe dooridi intte attuma naytas ekkana; he wode he macca nayti tanan ammanettontta ixxidi ba eeqa xoossaa kaallidi intte attuma nayti istta kallana mala ooththana.

1ካዎታ ማጻፋ 16:31

Nabaaxe naa Iyorba7aamey ooththida nagara laafa miish giidi qofo xalla gidontta Sidoonata kawo Etiba7aale nayo Elzabeelo baas machcho ekkidi Ba7aale geetettiza eeqa xoossas haggazidessinne goynnides.

ኢዝራ ማጻፋ 10:44

Hayti wuri Ayzaabe maccassata baas machcho ekkidayta; isttika Ayzaabe maccassata anjjidi istta naytara gaththi yeddida.

ሌሚሶ ማጻፋ 31:3

Maccassan ne wolqqa wursofa; kawota bashshiza miishshan ne akata dhayssofa.

1ካዎታ ማጻፋ 14:21

Solomoone naa Erobi7aamey Yuhudan kawotides; Erobi7aamey kawotiza wode izas layththay 41. GODAY ba sunththay xeygettana mala Isra7eele qommota katamata ubbaa giddofe doorida Yerusalaame kataman Erobi7aamey 17 layth kawotides. Izas aayey sunththi Naa7imo; izakka Amoone biitta asa.

1ካዎታ ማጻፋ 14:31

Erobi7aamey hayqqidi ba aawatan gayttides; izi Dawite katamaan diza ba aawata duufon moogettides. Iza aayey sunththi Naa7imo; izakka Amoone biitta asa. Erobi7aame sohon izi naa Abiyay kawotides.

ኢዝራ ማጻፋ 9:1

Ha miishshati polettidaappe guye Isra7eele kaaleththizaytappe issi issi daannati taakko yiidi, «Qeeseti, Lewetinne Isra7eele derey ba dooththan diza Amoonen, Mo7aaben, Gibxen diza asataranne Kanaane asaa, Hiite asaa, Paarize asaa, Yaabuse asanne Amoore asaa tunateththafe banttana naagibeettenna; he Ayzaabeti ooththiza mala tuna ooso ooththida.

ኢዝራ ማጻፋ 9:2

Banttassinne bantta naytas Ayzaabetappe machcho ekkida; hessafe dendidayssan dumma gidida Xoossa deraa Ayzaabetara walakki tunisida; hayssa tuna oosozas waanna ayfe gididayti kaaleththizaytanne halaqata» gida.