1ካዎታ ማጻፋ 10:1 - Geeshsha Maxaafa

¹ Saaba kawoya GODAY Solomoones immida aadho erateththaa siyada deexo oyshata ekkada iza paaccanaas yadus.

ጋሞ ማጻፋ

¹ ሳባ ካዎያ ጎዳይ ሶሎሞኔስ ኢሚዳ ኣ ኤራቴ ሲያዳ ዴጾ ኦይሻታ ኤካዳ ኢዛ ፓጫናስ ያዱስ።

1ካዎታ ማጻፋ 10:1 Referans Kwoze

Maatosa 12:42

Dugeha dere kawoya Solomoone erateth siyanaas biitta gaxappe dendada yida gishshas pirda gallas iza hayssa ha yeletaara dendada ha yeletaa bolla pirdana. Hekko Solomooneppe aadhdhizaadey hayssan dees.

ሉቃሳ ሚሺራቾ 11:31

Dugeha dere macca kawoya Solomoone erateth beyanaas biitta gaxappe dendada yida gishshas pirda wode iza ha yeletara dendada pirdana; hekko Solomooneppe aadhdhizaadey haan dees.

ዬ ማጻፋ 72:15

Kawoy shemppo gam7o; Saaba biitta worqqay izas imetto. Pacey baynda izas woossetto; gallas ubbaan istti iza anjjetto.

ሜቴ ማጻፋ 10:28

Oobaale, Abima7eele, Saaba,

ሜቴ ማጻፋ 10:7

Kuushe attuma nayti Seeba, Hawila, Saabite, Eraa7imenne Sabiteka. Eraa7ime attuma nayti Saabanne Dadaane.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ኢሳያሳ ቲንቢቴ 60:6

Gaamella marati, Midiyaameppenne Eefappe yida gaamella marati ne biittaa kammana. Worqqanne exaane ekkidi Saabappe yizayti GODAA galata awajjana.

ዬ ማጻፋ 72:10

Tarseese kawotinne harurota kawoti izas giira ehana. Saabanne Saaba kawoti izas kushe genththo ehana.

ዬ ማጻፋ 49:4

Tani ta hayth leemisotakko zaarana; istta birsheththaaka ta diiththan qonccisana.

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ኢዮቤ ማጻፋ 6:19

Teema biittafe biza mandara asati haaththe koyeettes; Saaba dere zal7anchchatikka haaththe demmanaas hidota ooththeettes.

1ካዎታ ማጻፋ 4:34

Iza aadho erateththaa siyida sa7a kawota ubbaafe kiitettidayti iza aadho erateththaa siyanaas yida.

1ካዎታ ማጻፋ 4:31

Izi asa ubbaafe aadho eranchcha; qasse izi Ezirahe as Etaaneppe, Maahola naytappe Hemaaneppe, Kalkoleppenne Daridaappeka aadho eranchcha; iza goobateththi iza yuushon diza kawoteth ubbaan siyettides.

ሜቴ ማጻፋ 25:3

Yoqishaaney Saabanne Dadaane yelides; Dadaaney Asooreta, Lexuusetanne Le7aameta yelides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ማርቆሳ ሚሺራቾ 4:34

Ay miish gidikkoka asaas leemisoy baynda yooti erenna. Izinne iza kaallizayti xalla diza wode gidikko wursi birshi yootees.

Maatosa 13:35

Hessika kase nabe doonan, «Ta doona leemison ta doyana; alamey medhettoosoppe haa simmiin qotettidayssa ta haasayana» geetetti yootettidayssi polettides.

Maatosa 13:11

Izikka isttas, «Salo Kawoteththa xuura eroy inttes imettides; isttas gidikko imettibeenna.

ሂዚቄላ ቲንቢቴ 38:13

Saaba asay, Dadaane asay, Tarseese dere zal7anchchatinne izi gutati ubbay nena, ‹Nuna bonqqanaas yadii? Neni ne olanchchata shiishshiday dafa ekkanaas, worqqanne bira shiishsha efanaas, mehaanne shaqacaa buura efanaas, daro miish di7a ekkada simmanaassee?› gaana.

ሂዚቄላ ቲንቢቴ 16:14

Ta nees immida teemaappe dendidayssan ne puulateththi kumeth gidida gishshas ne worey kawoteththata giddon erettides» gees Ubbaa Haariza GODAY.

1ካዎታ ማጻፋ 5:14

Adooniraame istta bolla halaqa histti shuumides. Gabbaratakka tammu tammu shiyan shaakki heedzdzu kessides; issi issi buttey issi agina Libaanoosen ooththana malanne nam7u agina bason bason shempana mala tara oyththides.

1ካዎታ ማጻፋ 10:24

Biitta bolla diza asay ubbay Xoossi Solomoone wozinan woththida aadho erateththaa siyanaas izakko yaana koyeettes.