1ካዎታ ማጻፋ 1:16 - Geeshsha Maxaafa

¹⁶ Bersaabeha kawoza sinththan zaqullada ba kushe denththadus; qasseka iza sinththan gulbatadus. Kawozikka izo, «Ay koyay?» giidi oychchides.

ጋሞ ማጻፋ

¹⁶ ቤርሳቤሃ ካዎዛ ሲንን ዛቁላዳ ባ ኩሼ ዴንዱስ፤ ቃሴካ ኢዛ ሲንን ጉልባታዱስ። ካዎዚካ ኢዞ፥ «ኣይ ኮያይ?» ጊዲ ኦይቺዴስ።

1ካዎታ ማጻፋ 1:16 Referans Kwoze

1ሳሜላ ማጻፋ 25:23

Abigaala Dawite demmida mala heerakka hareza bollafe wodhdhada Dawite sinththan gufannada kushe denththadus.

1ሳሜላ ማጻፋ 24:8

Hessafe guye Dawiti gongoloza giddofe kezidi Sa7oole, «Ta godaa kawoo!» gi xeygides; Sa7oolikka guye simmi xeellishin Dawiti ba kushe denththidi ziggishin be7ides;

1ሳሜላ ማጻፋ 20:41

Naazikka bidaappe guye Dawiti shuchchafe dugeha baggara qotetti dizasoppe kezidi Yoonataane sinththan heedzdzuto duge biitta bolla gufanni ziggides. Hessafe guye issoy issaara yeerettida; nam7ayka yeekkida; Dawiti keehi yeekkides.

Maatosa 20:32

Yesusikka eqqi istta xeygidi, «Ta inttes ay ooththana mala koyeetii?» gides.

Maatosa 20:21

Izikka izo, «Ay koyay?» gides; izakka, «Hayti ta naa nam7ati ne kawoteththaan issoy ne ushachchara, issoy ne hadirsara uttana mala ooththarkkii!» gadus.

ኣስቴሪ ማጻፋ 7:2

He nam7anththo gallassa gibiraas biidi istti woyne ushshaa uyishin kawoy qasseka, «Godatteye Asteree! Neni woossizay aazee? Ta nees immana. Qasse neni tana oychchizay aazee? Haray atto ta kawoteththaafe baggaa gidikkoka tani nees immana» gides.

1ካዎታ ማጻፋ 2:20

Iza uttidaappe guye, «Ta nena oychchiza qeeri miishshi dawus; ne izo taas ero garkkii!» gadus. Kawozikka zaaridi izis, «Ta aayee, ta nena yeellasikke; ne koyidayssa oychcha» gides.

1ካዎታ ማጻፋ 1:23

Kawozas, «Nabe Naataaney yides» giidi yootida; izikka kawoza sinththan gufannidi ba kushe denththides.

1ካዎታ ማጻፋ 1:15

Suneme katamappe yida Abishaaga cimmida kawoza heemmiza ilpinne giddo Bersaabeha kawoza haasayssanaas geladus.

1ካዎታ ማጻፋ 1:17

Bersaabeha izas, «Ta godawu! Taas ne aylleys, ‹Taappe guyen ne naa Solomooney kawotana; ta araatankka izi uttana› gaada GODAAN, ne Xoossan neni caaqqadasa.