1ቆሮንቶሴ ኣሳስ 4:4 - Geeshsha Maxaafa

⁴ «Ta eriza mala tani ta wozinara sidhiza miishshi baa; gido attiin hessa guussi ta bolla mooroy baa» guus gidenna. Buro ta bolla pirdanay Godaa.

ጋሞ ማጻፋ

⁴ «ታ ኤሪዛ ማላ ታኒ ታ ዎዚናራ ሲዛ ሚሺ ባ፤ ጊዶ ኣቲን ሄሳ ጉሲ ታ ቦላ ሞሮይ ባ» ጉስ ጊዴና። ቡሮ ታ ቦላ ፒርዳናይ ጎዳ።

Gamo Geesha Maxxafa New Testamen

⁴ “Ta eriza mala ta ta wozinara sidhiza miishi baawa; gido attin hessa guusi ta bolla mooroy baawa” guusu gidena. Buro ta bolla piridanay Godakko.

1ቆሮንቶሴ ኣሳስ 4:4 Referans Kwoze

ዬ ማጻፋ 143:2

Ne sinththan xillo gidana asi oonikka deenna; tana ne aylleza pirdas shiishshofa.

ዬ ማጻፋ 130:3

Abeet GODAWU! Neni nu nagara kaaletta kaaletta mazgabidaakko abeet Godawu oonee ne sinththan eqqi dandayanee?

2ቆሮንቶሴ ኣሳስ 1:12

Histtiko nu ceeqeteththi hayssa mala; ha alamezan harappeka inttessara nuussara diza gaytoteththan Xoossafe gidida geeshshateththaninne suureteththan nu de7idayssa nu wozinay nuus markkattees; hessika asa cinccateththan gidontta Xoossa kiyateththanna.

ሌሚሶ ማጻፋ 21:2

Asi biza ogey izaades suure misatees; GODAY gidikko wozinaa pilggi xeellees.

ዬ ማጻፋ 19:12

Ba bala demmizay oonee? Abeet GODAWU! Geemmida nagarappe tana geeshsha.

2ቆሮንቶሴ ኣሳስ 5:10

Nuni wurikka Kirstoosa pirda wombora sinth shiiqanayssi attenna; nuuppe issoy issoy biitta bolla ba ooththiday iita gidiin woykko lo7o gidiin ba ooso mala bessiza waaga baas ekkana.

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

ኦሮሜ ኣሳስ 2:13

Ays giikko Xoossa achchan xillo geetettizayti eqqida wogaas azazettizaytappe attiin wogaa sis siyizayta xalla gidettenna.

ኢዮቤ ማጻፋ 40:4

«Godoo! Tani aykko maaddontta laafa asa, hannife guye ta kushen ta doona gordada; co7u guussafe attiin nees ta zaarana zaaroy taas deenna.

ኢዮቤ ማጻፋ 27:6

Tani ta xilloteththan minna eqqana attiin xilloteththa aggike; shemppora paxa diza layththa ubbaan ta wozinay ha miishshan sidhenna.

ኢዮቤ ማጻፋ 25:4

Asi Xoossa sinththan waani xillo gidi beettanawu dandayzee? Asho may7ida medheta gididi waani geesh gidanawu dandayzee?

ሃዋሬታ ኦሶ 23:1

Phawuloosi duulata asaa tishshi histti xeellidi, «Ta ishatoo! Hach gakkanaas ta Xoossa sinththan lo7o qofara days» gides.

ዮሃኒሳ ሚሺራቾ 21:17

Heedzdzanththo, «Yoona naa Simoonaa! Ne tana dosay?» gides. Izi heedzdzanththo, «Ne tana dosay?» gida gishshas Phexroosi mishettidi, «Godoo! Ne ubbaa eraasa; ta nena dosizayssaka ne eraasa» gides; Yesusikka qasseka, «Ta dorsata heemma.

ኢዮቤ ማጻፋ 15:14

«Asi geesh gidanaas dandayzee? Asho may7iday xillanaas dandayzee?

ኢዮቤ ማጻፋ 9:20

Tani geeshshinne xillokoshin ta haasayay tana qohanchcha kessees; ta haasayza haasayati ubbay ta bolla pirdeettes.

ኦሮሜ ኣሳስ 4:2

Abrahaamey ba ooson xillidaakko izi ceeqettanaazi izas deesikoshin; izi Xoossa sinththan ceeqettanaas dandayenna.

ዬ ማጻፋ 50:6

Xoossi barkka pirdiza Xoossa gidida gishshas saloti iza xilloteththa awajjeettes.

ዬ ማጻፋ 26:12

Ta tohoy dembason eqqides; tani derey shiiqidason GODAA galatana.

ሌሚሶ ማጻፋ 29:26

Daroti dere haarizayta sinththan erettana koyeettes; gido attiin asas suure pirday GODAA achchafe beettees.

1ቆሮንቶሴ ኣሳስ 4:3

Ta bolla intte pirdinkka woykko duulata asay pirdinkka ta baggara taas aykkoy baa; haray attoshin tarkka ta bolla pirdike.