1ቆሮንቶሴ ኣሳስ 14:3 - Geeshsha Maxaafa

³ Tinbite haasayzaadey as minththeththanaas, denththeththanaassinne go7anaas haasayees.

ጋሞ ማጻፋ

³ ቲንቢቴ ሃሳይዛዴይ ኣስ ሚንናስ፥ ዴንናሲኔ ጎኣናስ ሃሳዬስ።

Gamo Geesha Maxxafa New Testamen

³ Tinbite hasa7izadey asa minthethanas, denthethanasine go7anas hasa7es.

1ቆሮንቶሴ ኣሳስ 14:3 Referans Kwoze

1ቆሮንቶሴ ኣሳስ 14:12

Intteka hessa mala Ayanan imoteththata demmanaas koyza gishshas Woosa Keeththa go7iza imotata demmanaas lo7eththi koyite.

1ጺምቶሳስ 4:13

Ta hee baana gakkanaas qaalaa nababanaas, zoranaassinne tamaarsanaas minna.

ዩሁዳ ኪታ 1:20

Ta ishatoo! Intte gidikko ubbaafe bollara intte geeshsha ammanon minni eqqite; Xillo Ayanankka minni woossite.

Titosas 1:9

Hara asata lo7o timirten minththeththizaadenne he lo7o timirteza ixxizayta hanqanaas ba tamaarda mala qaalaan minnizaade gidanaas bessees.

ኤፌሶኔ ኣሳስ 6:22

Intte nu hanoteth erana malanne intte wozina izi minththeththana mala ta iza intteko yeddadis.

2ጺምቶሳስ 4:2

Qaalaa sabbaka; nees giigiin woykko giigontta aggiin neni ne baggara giigetta utta; daro dandayara tamaarson asaa suurisa; hanqanne zora.

Titosas 2:6

Hessaththoka yelaga attumasay barkka bana haarana mala ne istta zora.

1ቆሮንቶሴ ኣሳስ 14:31

Intte garsafe issi issi asi taamarana malanne minettana mala intte wurikka taran taran tinbite yootanaas dandayeeta.

1ቆሮንቶሴ ኣሳስ 14:26

Hessa gishshas ta ishatoo! Histtiin ay giinoo? Intte issife shiiqiza wode inttefe issi issi asas mazamure qasse issi issi asas timirtey dees; issi issi asas qonccontta xuura miishshata qonccisiza imotay dees; hara asas dumma qaalan haasayana imotay dees; haras qasse he qaalaa birshiza imotay dees; hessi he imotay wurikka ammanizayta go7anaas bessees.

ኦሮሜ ኣሳስ 14:19

Hessa gishshas saroteththi beettiza ogenne nuni nu garsan lo7anaas bessiza oge ane koyoos.

ሃዋሬታ ኦሶ 13:15

Muse woga maxaafatinne nabeta maxaafati nababettidaappe guye Ayhudata Woosa Keeththa halaqati, «Nu ishatoo! Inttes hayssa asaa zorana qaalay diikko haasayte» giidi isttako ase yeddida.

Titosas 2:9

Aylleti aazankka ba godatas haarettana malanne ufayssana mala; qasseka awute zaarontta mala tamaarsa.

1ታሶሎንቄ ኣሳስ 2:3

Nu inttena zorida zorey iita qofara woykko inttena baleththanaas koyidi gidenna.

1ቆሮንቶሴ ኣሳስ 10:23

Wurikka taas imettides shin wurikka tana go7izaaz gidenna; wurikka taassa shin wurikka tana maaddenna.

1ጴጽሮሳ ኪታ 5:12

Tani izan ammanettida isha ga qoppiza Silwaanoosa baggara hayssa kiitaza qaanththara inttes xaafadis; ta hessa xaafiday inttena zoranaassinne hayssi tumu Xoossa kiyateth gididayssa inttes qonccisanaas gaadakko; hessa gishshas intte hayssan Xoossa kiyateththan minni eqqite.

Ibirawe 13:22

Ta ishatoo! Inttes xaafida zore qaalay guuth gidida gishshas intte hanqettontta mala ta inttena hadara gays.

Ibirawe 10:25

Ane nu ubba gallas issoy issaara gakki gakki issoy issaa minththeththoos attiin issi issi asati shiiqo aggida mala ane nuni shiiqoza aggoko; harappeka Godaa Yesusi matattidayssa qoppishe kaseppe minni shiiqite.

Titosas 2:15

Hessa gishshas ne tamaarsanayti heytantta; hessaka ne kumeththa godateththara zoranne hanqa; nena oonikka leqqofo.

1ጺምቶሳስ 6:2

Ammaniza godati diza ammaniza ashkarati godati isttas ishata gidida gishshas godatas bessiza bonchcho immetto; harappeka istta ooson maadettiza ammaniza godati isttas dosettidayta gidida gishshas nekka haytantta mala yo7ota tamaarsanaassinne zoranaas bessees.

1ጺምቶሳስ 1:4

Qasseka asay yootiin wurontta beni wode haysi7en ba wode wursontta mala azaza; heyta mala yo7oy palama denththeththees attiin ammanon oosettiza Xoossa oosos aykkoka go7enna.

2ታሶሎንቄ ኣሳስ 3:12

Heyta mala asati ba ooso co7u gi ooththana malanne ba kath maana mala Godaa Yesus Kirstoosa sunththan nu istta azazoossinne zoroos.

1ታሶሎንቄ ኣሳስ 4:18

Hessa gishshas ha qaalaan issoy issaara minettite.

1ታሶሎንቄ ኣሳስ 4:1

Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa.

1ታሶሎንቄ ኣሳስ 3:2

Inttena ammanon minththana mala nunara asas Kirstoosa mishiraachcho qaalaa yootiza Xoossa ashkara gidida Ximtoosa intteko yeddidos.

1ታሶሎንቄ ኣሳስ 2:11

Aaway ba naytas haniza mala nunikka inttes issaas issaas ay hanidaakko intte ereeta.

ቆላሲያሴ ኣሳስ 4:8

Nu duussaa gishshas intte erana malanne intte wozina minththana mala tani iza intteko kiittadis.

ኤፌሶኔ ኣሳስ 4:29

Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo.

2ቆሮንቶሴ ኣሳስ 2:7

Hessaaddey keehi muuzottidi hidota qanxxontta mala intte hessaades atto giidi iza minththeththanaas bessees.

2ቆሮንቶሴ ኣሳስ 1:4

Nunikka nu baggara Xoossafe demmida minoteththan metotetizayta minththeththanaas dandayana mala nu meton izi nuna minththeththees.

1ቆሮንቶሴ ኣሳስ 14:17

Ne bessiza mala galatanaas dandayaasa; hankkoyssi gidikko izan go7ettenna.

1ቆሮንቶሴ ኣሳስ 8:1

Eeqas shukettida asho gishshas intte taas xaafidayssa mala gidikko tumukka nu wurikka eriza miishshi dees; eroy otorisees; siiqoy gidikko go7ees.

ኦሮሜ ኣሳስ 15:2

Nuni wurikka hara asi ba ammanon minnana mala iza go7izaazinne ufayssiza miish ane ooththoos.

ኦሮሜ ኣሳስ 12:8

Zorizaadey gidikko zoro; bayndaytas immizaadey gujji immo; ayssizaadey minni aysso; maarizaadeyka ufayssan maaro.

ሃዋሬታ ኦሶ 15:32

Yuhudaynne Sillaasi nabeta gidida gishshas daro zoridi ammanizayta minththeththida.

ሃዋሬታ ኦሶ 14:22

Ammanizayta wozina minththeththishe istti ammanon minni daana mala zorishe, «Nu Xoossa kawoteth gelanaas daro meto giddora aadhdhanaas koshshees» gida.

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ሉቃሳ ሚሺራቾ 3:18

Yohannisi asaa hara dumma dumma zore qaalara minththi zorishe Mishiraachcho qaala yootides.

Ibirawe 3:13

Harappeka intte garsafe oonikka nagaran balettidi ba wozina muumisontta mala, «Hach» geetettishin hach hach intte intte garsan minettite.

ሃዋሬታ ኦሶ 4:36

Qophiroose geetettizason diza Yooseefe geetettizaadey issi Lewe bagga asi dees; izikka Hawaaretan, «Barnabaasa» geetetti summides. Hessas birsheththay, «Minththeththo naa» guussa.