1ታሪኬ ማጻፋ 3:15 - Geeshsha Maxaafa

¹⁵ Iyosiyaasi oyddu attuma nayta yelides; bayrazi Yohanaane, iza kaaloti Iyo7aaqeme, Sedeqiyaasanne Shaloome;

ጋሞ ማጻፋ

¹⁵ ኢዮሲያሲ ኦይዱ ኣቱማ ናይታ ዬሊዴስ፤ ባይራዚ ዮሃናኔ፥ ኢዛ ካሎቲ ኢዮኣቄሜ፥ ሴዴቂያሳኔ ሻሎሜ፤

1ታሪኬ ማጻፋ 3:15 Referans Kwoze

2ካዎታ ማጻፋ 23:34

Kawo Faroon-Nikay Iyosiyaasa naa Elyaaqeeme iza aawa sohon kawoththides; iza sunththaaka laammidi Iyo7aaqeme gi sunththides. Gido attiin Iyo7akaaze di7i Gibxe efides; histtiin izi heen hayqqides.

2ካዎታ ማጻፋ 23:31

Iyo7akaazi kawotiza wode izas layththay 23, izi Yerusalaamen uttidi 3 agina haarides; iza aaya Amxalo geetettawus. Iza Libina dere as Ermaasa naa.

1ታሪኬ ማጻፋ 3:14

Minaasey Amoone yelides; Amooney Iyosiyaasa yelides,

1ታሪኬ ማጻፋ 3:16

Iyo7aaqemey Ikoniyaanenne Sedeqiyaasa yelides.

ኤርማሳ ቲንቢቴ 1:3

Qasse Iyosiyaasa naa Yuhuda Kawo Iyo7aaqemey kawotida layththatan GODAA qaalay Ermaasakko yides. Hessafe guye Iyosiyaasa naa Sedeqiyaasi kawotiin tammanne issinththa layththan he wode ichchashanththa aginan Yerusalaame asay di7ettidi baana gakkanaas GODAA qaalay Ermaasa baggara izas yootettides.

ኤርማሳ ቲንቢቴ 22:11

Ba aawa sohon Yuhudan kawotidi dishe ha sohoppe bida Iyosiyaasa naa Shaalume gishshas GODAY, «Izi mulekka guye simmenna.

ኤርማሳ ቲንቢቴ 37:1

Baabiloone kawo Nabukadanaxoorey Iyo7aaqeme naa Iyo7aakine sohon Iyosiyaasa naa Sedeqiyaasa Yuhuda biittan kawoththides.

2ካዎታ ማጻፋ 24:17

Hessafe guye Iyo7aakine aawa isha Maataaniya izasohon kawoththides; iza sunththaa laammidi Sedeqiyaasa gi sunththides.

2ታሪኬ ማጻፋ 36:1

Hessafe guye he biitta asay Iyosiyaasa naa Iyo7akaaze dooridi iza aawaa sohon Yerusalaamen kawoththida.

2ታሪኬ ማጻፋ 36:10

Ofinththa wode Kawo Nabukadanaxoorey as kiittidi Iyo7aakinenne GODAA Keeththan diza al7o miishshata izara issife Baabiloone efissides; histtidi iza aawaa isha Sedeqiyaasa Yuhuda bollanne Yerusalaame bolla kawoththides.

ኤርማሳ ቲንቢቴ 22:18

Hessa gishshas GODAY Yuhuda Kawo Iyosiyaasa naa Iyo7aaqeme gishshas, «Woo ta ishawu! Waay waay ta michchee! Qasse, ‹Ta godawu woo woo! Ne gitateththaa woo woo!› giidi zilalettenna.

ኤርማሳ ቲንቢቴ 24:8

« ‹Gido attiin GODAY, meetettontta keehi iita balaseza mala Yuhuda Kawo Sedeqiyaasanne iza shuumeta, qasseka Yerusalaamen casha attidaytanne Gibxen dizayta ta hessaththo ooththana.

ኤርማሳ ቲንቢቴ 26:1

Yuhuda kawo Iyosiyaasa naa Iyo7aaqemey kawotida koyro layththan hayssafe kaalli diza qaalay GODAA achchafe yides.