1ታሪኬ ማጻፋ 15:16 - Geeshsha Maxaafa

¹⁶ Hessafe guye diiththinne maasinqo diixxishe, daala qaaththishe, ufayssa mazamure yexxana mala Leweta kaaleththizayti bantta dabbota garsafe as doorana mala Dawiti azazides.

ጋሞ ማጻፋ

¹⁶ ሄሳፌ ጉዬ ዲኔ ማሲንቆ ዲጺሼ፥ ዳላ ቃሼ፥ ኡፋይሳ ማዛሙሬ ዬጻና ማላ ሌዌታ ካሌዛይቲ ባንታ ዳቦታ ጋርሳፌ ኣስ ዶራና ማላ ዳዊቲ ኣዛዚዴስ።

1ታሪኬ ማጻፋ 15:16 Referans Kwoze

1ታሪኬ ማጻፋ 13:8

Dawitinne Isra7eele asay ubbay diiththan maasinqon, karaben, daalaninne xurumban bantta kumeththa wolqqan Xoossa sinththan ufayettidi bonchchida.

ናሂሚያ ማጻፋ 12:36

Zakaraasa zereththi gidida Shama7ey, Azari7eeley, Milaalay, Gilalay, Ma7aday, Natina7eeley, Yuhudaynne Hanaaniyay Xoossa as Dawiti izan yexxiza yeththa miish ekki kaallida; he butteza kaaleththizay woga lo7eththi eriza qeese Izra.

2ታሪኬ ማጻፋ 5:13

Istti ubbay xurumba punnishe daalata qaaththishe, diiththata diixxishenne hara kaa7iza miishshatan kaa7ishe, «GODAY kiya! Iza maaroteththika mernaassa» gi yeththan sabbida. He wode Xoossa Keeththaa shaaray kumides.

1ታሪኬ ማጻፋ 23:5

Oyddu shiyatas gimbeza penge naagana mala aawateth immides; attida oyddu shiyatas ba ooththida yeththa massaratan GODAA Xoossa galatana mala sunththides.

1ታሪኬ ማጻፋ 16:42

Hemaanessinne Edotaanes xurumba punnanaas, daala giirissanaasinne mazamure yexxishe go7ettiza hara massarata bolla aawateththi isttas imettides; Edotaane nayti dirsa penge naagana mala alaafeteththi imettides.

Titosas 1:5

Ta nena Qarxeesen aggiday buroppe giigana bessiza daro miishshi diza gishshas ne giigsanaassinne ta nena azazida mala katamay dizason Woosa Keeththa cimata ne dooranaassa.

2ጺምቶሳስ 2:2

Daro markkatta sinththan ne taappe siyidayssa harata tamaarsanaas dandayzaytassinne ammanettida asatas hadara imma.

ሃዋሬታ ኦሶ 14:23

Hessafe guye dumma dumma Woosa Keeththatan cimata dooridaappe guye xoomaninne woosan ammanettida Godaas hadara aaththi immida.

ኤርማሳ ቲንቢቴ 33:11

Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.

ኢሳያሳ ቲንቢቴ 49:23

Kawoti nena dichchiza aawata gidana; istta machcheti nena dichchiza aayeta gidana; istti gufannidi nees goynnana; ne toho bollafe baanaakka laaccana; nekka tani GODAA gididayssa erana; tanan hidota ooththizayti yeellatettenna» gees.

ዬ ማጻፋ 149:3

Durishe karabe baqqishenne diith diixxishe iza sunth sabbetto.

ዬ ማጻፋ 100:1

Sa7an de7iza as ubbay GODAAS ufayssan ililite.

ዬ ማጻፋ 95:1

Haa yiite! Ane GODAAS ufayssan yexxoos; nuna ashshiza zaallas ililoos.

ዬ ማጻፋ 87:7

Yexxizaytinne guppizayti, «Nu anjjo ubbay Xiyoonippe pulttees» gishe ufayssan yexxana.

ዬ ማጻፋ 81:1

Nuus wolqqa gidida Xoossas ufayssan yexxite; Yaaqoobe Xoossas ililite!

ናሂሚያ ማጻፋ 12:46

Kase kawo Dawitapenne Aasaafe wodeppe doommidi mazamure yexxizaytassinne galata mazamuren Xoossa bonchchiza asata kaaleththizayti deettes.

ናሂሚያ ማጻፋ 12:43

He gallas asay daro yarsho shiishshides; Xoossay iza ufayssida gishshas derezi keehi ufayettides; Maccassaynne naytikka isttara issife ufayettida; Yerusalaamen hanida ililisa qaalay haahon siyettides.

2ታሪኬ ማጻፋ 30:12

Kawozinne iza shuumeti GODAA qaalay gida mala azazidayssa Yuhuda asay issi wozinan azazettana mala Xoossa kushey Yuhuda asaa bolla dees.

1ታሪኬ ማጻፋ 15:12

Histtidi isttas, «Intte Lewe keeththa asatas halaqata gidida gishshas inttena geeshshite; hessafe GODAA Isra7eele Xoossa Taabotaa ta izas giigsidaso ehite.

ኬሳ ማጻፋ 15:20

Aaroone michcheya, nabe Maarama karabe ekkadus; maccassay wuri karabe baqqidi yexxishenne guppishe izo kaallides.

2ታሪኬ ማጻፋ 5:12

Yeththa yexxiza Leweti ubbay, Aasaafey, Hemaaney, Edotaaney, istta naytinne istta dabboti ubbay lo7o layno may7idi daalata, diiththatanne maasinqota oykkidi yarsho yarshizasozappe arshey mokkiza baggara eqqida; 120 qeeseti xurumbata punnanaas istta ajjabi eqqida.

2ታሪኬ ማጻፋ 7:6

Qeesetikka banttas giigidasohon eqqiin Leweti qasse kawo Dawiti GODAA sabbanaas kase ooththida mazamure yexxiza miishshaa oykki istta sinththan eqqidi, «Iza maaroteththi mernaassa» gi yexxishe GODAA galatida; qeeseti Leweta sinththan eqqidi xurumba punnishin Isra7eele asay ubbay eqqides.

ናሂሚያ ማጻፋ 12:27

Yerusalaame katama gimbey anjjettiza gallas Lewe baggati daalan, bagananinne maasinqon yexxidi bonchchana mala istti dizasoppe dizasoppe koyettidi yida.

ዬ ማጻፋ 150:5

Daala qaaththishe iza galatite; daalaa shocishe iza galatite.

ኣሞጼ ቲንቢቴ 6:5

Dawite mala yeththa miish inttes giigsidi bagananinne dumma dumma mazamure yexxizaytoo!

1ታሪኬ ማጻፋ 6:16

Lewe attuma nayti Gershoone, Qa7aatenne Meraare.

1ታሪኬ ማጻፋ 16:5

Leweta halaqay Aasaafe; izappe garsara Zakaraasa; Zakaraasara dizayti Yi7i7eele, Shamiramoote, Yihi7eele, Matitiya, Elyaabe, Bannayanne Obeed-Eedoomenne Yi7i7eele; heyti maasinqonne diith diixxana mala summida; Asaafi gidikko daala qaaththanaas summides.

2ታሪኬ ማጻፋ 20:19

Qa7aate zarkketappenne Qoore zarkketappe amarda Leweti eqqidi bantta qaala dhoqqu histtidi GODAA Isra7eele Xoossaa galatida.

ዬ ማጻፋ 81:3

Aginay xeeriza wodenne dhuman geliza wode ba7aales zaye punnite.