तीतुस 1:5 - गढवली नयो नियम

⁵ मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।

Garhwali

⁵ अर मिन तीतुस त्वेतै क्रेते नगर मा इलै छोड़ि, ताकि उख जु कुछ भि कमी छै तू वींतैं ठिक-ठाक कैर दे, अर मेरी दिईं आज्ञा का मुताबिक हरेक नगर की बिस्वासी समुदाय मा अध्यक्ष तैं चुणी के ठैरै दे।

तीतुस 1:5 Referans Kwoze

खास चेलों 14:23

अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।

1 तीमुथियुस 1:3

मि त्वे तैं फिर से बतौंणु छो कि मिल इफिसुस शहर तैं छोड़ी के मकिदुनिया प्रान्त मा जांण से पैली त्वे बट्टी क्य बिनती कैरी छै कि इफिसुस मा रै के ऊं झूठा अगुवों तैं आज्ञा द्ये के, कि उ झूठा नियमों तैं सिखांण बन्द कैरा जु गलत छिनी,

1 कुरिन्थि 14:40

जु कुछ भि तुम मण्डलि मा करदा छा सभ्यता अर क्रमानुसार किये जौं।

2 तीमुथियुस 2:2

अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

1 कुरिन्थि 11:34

जु कुई भुखी हो, त अपड़ा घौर मा खाै, कि जब तुम कठ्ठा हूंदियां, तुम ठिक ढंग ल बरतौ करीला अर पिता परमेश्वर तुम्हरो न्याय नि करलो। अर दुसरी बातों तैं जब मि तुम मा औलु, तभि सुलझाैलु।

खास चेलों 27:21

जब ऊंल भौत दिन तक खांणु नि खै छो तब पौलुस ल ऊंका बीच मा खड़ो हवे के बोलि, “हे भयों तुम तैं मेरी बात मणन चयणी छै अर क्रेते टापू बट्टी जहाज नि चलौंण चयणु छो तब न या बिपदा औंदी अर न इथग नुकसान हूंदु।”

खास चेलों 27:12

सुन्दरबन्दरगाह नौं को बंदरगाह ह्यूंद कटणु कु अच्छो नि च; इलै भौतों को विचार हवे कि उख बट्टी जहाज खोलि के अगनैं बड़ी जां जु कै रीति से हवे साको त फीनिक्स बंदरगाह मा पौंछि के ह्यूंद को बगत कटे जौं। यु त क्रेते टापू को एक बंदरगाह च जु दक्षिण-पश्चिम अर उत्तर-पश्चिम दिशा मा च।

खास चेलों 27:7

अर समुद्री जहाज का द्वारा हम धीरे-धीरे भौत बगत का बाद बड़ी मुश्किल ल कनिदुस नगर मा पौंछयां। त बथौं ल हम तैं वीं दिशा मा अगनैं जांण नि दींनि, इलै हम सलमोने बट्टी क्रेते टापू हवे के छाला ही छाला चलि ग्यां कि बथौं बट्टी बची साका।

खास चेलों 11:30

ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।

कुलुसी 2:5

किलैकि मि तुम से दूर छौं, तब भि आत्मिक रूप बट्टी तुमारा नजदीक छौं, अर मि खुश छों कि तुम कठ्ठा छा अर तुम अपड़ा विश्वास मा जु यीशु मसीह मा जीवन जींणा छा।

खास चेलों 2:11

जौनु यहूदी धर्म अपणैयले छो क्रेते अर अरब मुल्क का निवासी हम सभि अपड़ी-अपड़ी भाषा मा यूं बट्टी पिता परमेश्वर का बड़ा चमत्कार का कामों की चर्चा सुंणदां।”

खास चेलों 27:13

जब दक्षिण बट्टी जरा-जरा बथौं औंण लगि गै त तब ऊंल सोचि कि हमारो काम पूरो हवे जालो तब ऊंल जहाज चलै अर क्रेते टापू का छाला ही छाला जांण लगि गैनी।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

तीतुस 1:12

क्रेते द्वीप को एक मनिख जु ऊंको ही कवि च बुल्द, कि क्रेते मा रौंण वला लोग सदनी झूठ बुल्दींनि, उ जंगली जानवरों का जन बरतौ करदींनि, उ अलकसी अर बहुत खांणु खांण वला छिनी।