तीतुस 1:16 - गढवली नयो नियम

¹⁶ यु झूठा शिक्षक इन बुल्दींनि, कि हम पिता परमेश्वर तैं जंणदा छा, पर अपड़ा कामों से वेको इंकार करदींनि, किलैकि उ बुल्युं नि मणन वला छिन, अर पिता परमेश्वर ऊं बट्टी घृणा करद, अर उ कै भि भला काम का लैख नि छिन।

Garhwali

¹⁶ अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

तीतुस 1:16 Referans Kwoze

1 यूहन्ना 2:4

जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

दिब्य दरस 21:27

पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

1 तीमुथियुस 5:8

पर जु कुई अपड़ा कुटुम्ब की, जरूरत पूरी नि कैरो, त उ अपड़ा विश्वास बट्टी भटकि गै, अर अविश्वासी बट्टी भि बुरो बण गै।

1 तीमुथियुस 1:9

अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,

2 तीमुथियुस 3:17

कि पिता परमेश्वर का जन सिद्ध बंणि जां अर हरेक भला काम कनु कु तैयार हवे जौं।

तीतुस 3:1

विश्वासी लुखुं तैं ईं बात कि सुद दिलौ, कि शासकों अर अधिकारियों कु आदर कैरा, अर ऊंका आदेशों कु पालन कैरा, अर दूसरों कु हरेक अच्छा काम कनु कु तैयार रौनु,

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।