तीतुस 1:14 - गढवली नयो नियम

¹⁴ अर यहूदियों कि बंणि-बणैई मिसाल-कहानियों अर सचै से भटक्यां लुखुं का आज्ञा पर ध्यान नि लगयां।

Garhwali

¹⁴ अर यहूदी लोगु की मनगणत कथा पर, अर सच्‍चै का बाटा बटि भटक्यां लोगु का आदेसों पर ध्यान नि द्‍या।

तीतुस 1:14 Referans Kwoze

2 तीमुथियुस 4:4

अर सचै तैं सुनण नि चाला पर झूठी अर बनि-बणै मिसाल-कहानियों तैं सुनण चाला।

कुलुसी 2:22

किलैकि यु सभि शिक्षाओं तैं काम मा लौंद-लौंद खराब हवे जालि, किलैकि यु मनिख्युं का आज्ञा का अर शिक्षा का अनुसार छिनी।

2 पतरस 2:22

ऊंल जु कैरी, बिल्कुल उ ही बात यु द्वी कहावत बुल्दींनि; “कुकुर उल्टी करद, अर फिर वे तैं खै दींद जु वेल उल्टी कैरी छै।” अर, “जब कुई आदिम एक सुंगर तैं धवे दींद, त उ सुंगर फिर दुबरा वे ही कीच मा लौटणु कु चलि जांद।”

गलातियों 4:9

पर जब तुम पिता परमेश्वर का दगड़ी जुड़ीं ग्यां, अर पिता परमेश्वर ल हम तैं अपड़ा नौंना का रूप मा स्वीकार कैरी, त फिर तुम कमजोर अर निर्बल आदि शिक्षाओं का दास बनण कु किलै लौटणा छा? क्य तुम तैं दुबरा ऊंको ही दास बनणै की लालसा च?

मत्ती 15:9

यु लोग बेकार मा ही मेरी आराधना करदींनि किलैकि यु मनिख्युं कि रीत तैं इन सिखौदिनि जन कि परमेश्वर कि आज्ञा हूंनु।

मरकुस 7:7

यु त बैकार ही मेरी आराधना करदींनि किलैकि मनिख्युं कि आज्ञाओं तैं धर्म का उपदेश कैरी कै सिखाैंदींनि।

इब्रानी 12:25

चौकस रावा, अर पिता परमेश्वर की बात सुनण से मना नि कैरा, किलैकि इस्राएल का लोग जब ऊंल मूसा की बात नि मांणी त पिता परमेश्वर ल ऊं तैं ईं बात की सजा दींनि, इलै यु हम कु और भि बुरो होलो जु हम पिता परमेश्वर तैं सुनण से इंकार करदां जु हम तैं स्वर्ग बट्टी चेतावनी दींद।

तीतुस 3:11

तुम यु जांणि ल्या कि इन आदिम जु जांणिबूजी के बुरै का बट्टा पर चलणु च, त वेका खुद का बुरा काम साबित करदींनि कि उ भंगारी च।