रोमियों 8:34 - गढवली नयो नियम

³⁴ कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

Garhwali

³⁴ किलैकि यीशु मसीह वु मनखि च जैतैं पिता परमेस्वर न हम लोगु तैं बचौणु खुणि ठैरै, अर उई च जैतैं मनखि का पापों का खातिर मरे गै। अर पिता परमेस्वर न वेतैं उन्‍नि नि छोड़ि, बल्किन मा वेतैं मुरदो मा बटि ज्यून्दु कैरी, अर अपणा दैंणी हाथ की तरफा बैठे के वेतैं पूरु आदर-सम्मान दिनी, ताकि वु बिचलु बणि के हमतै पिता परमेस्वर का दगड़ा मा एक कैरो।

रोमियों 8:34 Referans Kwoze

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

रोमियों 8:27

अर पिता परमेश्वर जु मनों तैं जंणदु च, कि पवित्र आत्मा कि क्य मनसा च? किलैकि उ पवित्र लुखुं कु पिता परमेश्वर कि मनसा का अनुसार बिनती करदो।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

इब्रानी 9:24

वेका कारण, मसीह वीं पवित्र जगह मा नि गै जै तैं लुखुं ल बणै, जु कि सच्चा स्वर्गीय मन्दिर की भस एक छवि च; पर उ स्वर्ग मा गै ज्यां बट्टी उ हमारा फैदा कु पिता परमेश्वर का संमणी मौजूद हवे साकी।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

मरकुस 16:19

जब प्रभु यीशु ल चेलों कु यु बात बुलिनि तब वेका बाद स्वर्ग मा उठै गै अर परमेश्वर कि दैंणि तरपां बैठी गये।

कुलुसी 3:1

इलै जब तुम मसीह का दगड़ी ज्यून्दा किये ग्यां त स्वर्ग की चिज्युं कि खोज मा रावा, जख मसीह आज पिता परमेश्वर का दगड़ा मा सबसे सम्मानित जगह पर बैठयूं च।

दिब्य दरस 1:18

मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

रोमियों 14:9

किलैकि मसीह इलै मोरि अर ज्यूंदों हवे गै, कि उ ऊई च जै तैं ज्यूंदों अर मुरयां लुखुं द्वी प्रभु का रूप मा स्वीकार करदींनि।

रोमियों 4:25

मसीह यीशु हमारा पापों कु मरै जांणु कु पकड़वै गै अर परमेश्वर ल हम तैं अफ दगड़ी धर्मी बनांणु कु वे तैं फिर से ज्यूँदो कैरी।

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

इब्रानी 1:3

नौंनो ही पिता परमेश्वर की महिमा कु प्रकाश च, अर वेमा हम देख सकदा कि पिता परमेश्वर कन च, अपड़ा सामर्थी वचनों का द्वारा, उ वे सब तैं जु वेल बणै संभलदो; वेल लुखुं तैं ऊंका पापों बट्टी शुद्ध कैरी, अर वांका बाद स्वर्ग मा महिमामय पिता परमेश्वर का दैंणा विराजमान हवे।

रोमियों 14:13

इलै अगनैं कु हम एक हैंका पर भंगार नि लगयां पर तुम यु ही ठांणी ल्यावा की कुई भि अपड़ा भैय का संमणी पाप कन या ठोकर खांणु कु कारण नि रख्यां।

यूहन्ना 16:23

वे बगत जब तुम मि तैं फिर दिखला त तुम मि मा कुछ नि पुच्छिल्या; मि तुम मा सच-सच बुल्णु छौं जु पिता परमेश्वर बट्टी कुछ मगिल्या त उ मेरा अधिकार बट्टी तुम तैं दयालो।

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

मत्ती 20:28

जन कि मि मनिख कु नौंनो दूसरों की सेवा टहल कनु कु अयुं छो, मि इलै नि अयुं कि दुसरा मेरी सेवा-टहल कैरा भौत लुखुं तैं ऊंका पापों से ऊं तैं छुटकारा दींणु अर अपड़ा प्राण ऊं कु कीमत जन दींण कु अयुं छौं।

खास चेलों 2:24

पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।