रोमियों 8:28 - गढवली नयो नियम

²⁸ हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

Garhwali

²⁸ अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 8:28 Referans Kwoze

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

याकूब 1:12

धन्य च उ आदिम, जु अजमैश का बगत भि मजबूत रौंदो; किलैकि जब उ अजमैश तैं पार कैरी दींदो तब पिता परमेश्वर वे तैं अनन्त जीवन को मुकुट दयालो, ज्यांको वादा पिता परमेश्वर ल अपड़ा प्रेम रखण वलो दगड़ी करयूं च।

1 कुरिन्थि 2:9

पर जन परमेश्वर का वचन मा लिख्युं च, “जु कैल कभी नि देखि, अर कभी कैल नि सूंणि, अर न कभी कै मनिख ल यूं अद्भुत चीजों का बार मा समझी, जु पिता परमेश्वर ल अपड़ा प्रेम रखण वलो कु तैयार कैरी।”

रोमियों 8:30

फिर जौं तैं वेल पैली बट्टी ठैराये, ऊं तैं चुणि भि च, अर जौं तैं चुणयूं च, ऊं तैं धर्मी भि ठैराये, अर जौं तैं धर्मी ठैराये, ऊं तैं अपड़ी बडै मा भि हकदार बंणै।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

1 कुरिन्थि 1:9

पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

दिब्य दरस 3:19

मि जै तैं भि प्रेम करदु, वे तैं मि सिखांदु अर सजा भि दींदु कि उ अच्छा बण जा। इलै मन फिरावा अर अच्छै कन मा लगयां रावा, पापमय काम कन बंद कैर द्या।

गलातियों 1:15

पर तब पिता परमेश्वर ल फैसला कैरी कि अपड़ा नौंना तैं मि पर प्रकट कैरो कि मि अन्यजाति लुखुं का बीच मा यीशु का बारा मा शुभ सन्देश प्रचार कैर साको। पिता परमेश्वर ही च जैल मि तैं मेरा पैदा हूंण से पैली ही चुणि, अर अपड़ा दया का कारण वेल मि तैं वेकी सेवा कनु कु बुलै। जब परमेश्वर ल अपड़ा नौंना तैं मि पर प्रकट कैरी, तब मि सलाह लींणु कु कै मा नि गौ।

1 थिस्सलुनीकी 5:9

किलैकि पिता परमेश्वर ल हम तैं इलै नि चुणि कि अपड़ा गुस्सा बट्टी हम तैं दंड द्यो, पर इलै ठैरे कि हम अपड़ा प्रभु यीशु मसीह का द्वारा उद्धार पै साका।

मरकुस 12:30

अर तु प्रभु अपड़ा परमेश्वर से अपड़ा सैरा मन से अर अपड़ा सैरा प्राण से अर अपड़ी सैरी बुद्धि से अर अपड़ी सैरी ताकत से प्रेम रखि।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

याकूब 2:5

हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

1 यूहन्ना 4:19

पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।

2 तीमुथियुस 2:19

पिता परमेश्वर का लोग एक बुनियाद का जन छिनी, जु हिलदी नि च, यांका बारा मा “प्रभु जंणदु च कि वेका लोग कु छिनी” अर यु भि की “जु कुई पिता परमेश्वर की आराधना करद वे तैं बुरै कन बंद कैर दींण चयणु च।”

1 यूहन्ना 4:10

सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

रोमियों 9:11

पैदा हूंण बट्टी पैली पिता परमेश्वर ल रिबका बट्टी बोलि छों, कि ऊंको बड़ो नौंनो छुटा की सेवा करलो। प्रभु अपड़ी पसंद खुद बंणौदु यु दिखांणु कु वेल यु बोलि, कि जु ऊंल कैरी यु कै भि काम का कारण नि छों पर परमेश्वर कु उद्देश्य ऊंकी ही इच्छा का अनुसार बुलांण वलो पर बंणि रौ।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

गलातियों 5:8

य शिक्षा पिता परमेश्वर की तरपां बट्टी नि आंदी, जैल तुम तैं अपड़ी सन्तान हूंणु कु चुणि।

खास चेलों 13:48

यु सूंणि के अन्यजाति लोग भौत खुश हवीनि, अर पिता परमेश्वर का वचन की बड़ै कन लगि गैनी, अर जथग अनन्त जीवन कु ठैरिनि, ऊंल विश्वास कैरी।

रोमियों 11:29

किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।

1 कुरिन्थि 1:2

मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।

1 कुरिन्थि 1:24

पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।

गलातियों 1:6

मि तैं ईं बात बट्टी हैरानी हूंदू, कि पिता परमेश्वर ल तुम तैं मसीह की दया मा रौंणु कु बुलै, अर वे पिता परमेश्वर तैं छोड़ी के तुम ल नया ही शुभ सन्देश पर विश्वास कन शुरू कैरेले।

इफिसुस 4:1

इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

फिलिप्पी 3:14

मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।