रोमियों 7:9 - गढवली नयो नियम

⁹ पैली मि व्यवस्था तैं बगैर समझयां रौंदु छो, पर जब मिल व्यवस्था तैं जांणि, त पाप कि शक्ति बढण लगि गै, अर मि पिता परमेश्वर बट्टी दूर हवे ग्यों।

Garhwali

⁹ अर शुरु मा जब मितैं मूसा का द्‍वारा दियां नियम-कानून का बारा मा पता नि छौ, त वे बगत मा जन मितैं अच्छु लगदु छौ मि वेका मुताबिक ही करदु छौ, मगर जब मितैं पता चलि कि पाप मेरा भितर च तब बटि मि वेका इळजाम मा और भि जादा फंसी ग्यों।

रोमियों 7:9 Referans Kwoze

गलातियों 3:10

मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”

रोमियों 8:7

किलैकि पापी स्वभाव का अनुसार जीवन जींण पिता परमेश्वर बट्टी बैर रखण च, किलैकि न त पापी स्वभाव पिता परमेश्वर की व्यवस्था का अधीन च, अर न व्यवस्था कु पालन कैर सकद।

गलातियों 2:19

मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

रोमियों 10:5

किलैकि मूसा की व्यवस्था बट्टी प्राप्त धार्मिकता का बारा मा परमेश्वर का वचन मा यु लिख्युं च; “जु मनिख वांको पालन करदो, उ वां बट्टी ज्यूंदों रालो।”

रोमियों 7:11

पर पाप ल ईं आज्ञा कु इस्तेमाल कैरी कै मि तैं धोखा द्या, अर वेका द्वारा ही मि तैं मारि भि दींनि।

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

रोमियों 7:4

त हे मेरा विश्वासी भयों, जब तुम मसीह का दगड़ी मोरि ग्यां, त तुम व्यवस्था का अधिकार कु भि मोरि ग्यां। अब तुम मसीह का छा, जु मुर्दों मा बट्टी ज्यूँदो हवे गै कि तुम परमेश्वर का फलदार जीवन जी सका।

लूका 18:21

वेल बोलि, “गुरु जी यूं सभियूं आज्ञाओं तैं मि बचपन बट्टी मंणदी अयुं।”

लूका 15:29

वेल बुबा कु बोलि, देखा मि इथग बरसों बट्टी तुमारी सेवा कनु छौं अर कभि भि तुमारो बुल्युं नि टाली तुम ल मि तैं कभि भि कुछ भि अच्छो नि दींनि कि मि भि अपड़ा दगड़ियों का दगड़ी आनन्द मणांदु।

मत्ती 19:20

पर वे जवान आदिम ल यीशु मा बोलि “यूं सभि बातों तैं मि मंणदु छौं” अब मि मा कैं बात की कमी च?

रोमियों 7:8

पर पाप ल इन आज्ञा कु इस्तेमाल कैरी के सभि किस्मै का लालच पैदा कैरी, किलैकि व्यवस्था का बगैर पाप मुरयूं च।

रोमियों 7:10

अर व आज्ञा ज्वा मेरू जींण कु कारण बनण वली छै, मि तैं पिता परमेश्वर बट्टी अलग कैरी दींनि।